Ekapiitulo 12
1
N'noopole, Apwiya! Kontha khaavotho atthu omaana; atthu owaamini ahorimeela.
2
Atthu ooteene anuulumelana moolumo oohikhala ntthu ninkhwaawe; ohimya himya ni wootha.
3
Apwiya athikile malakwaaya ninliminaya ninuuluma moolumo oohikhala.
4
Yaala phanuulumatja: Niwuulumawihu, ninaahala otthema. Nuulumakavale, tupani oopheela onihoolela?
5
Mwaha wa tjowavarela amassikhini ni woova waatthu oothanliya, kinaahala ovuwa, Apwiya phaneera, kinaahala owaana nlipihero wayaale anpheela.
6
Moolumo Apwiya omaana, phanka eparatha yooreerihiya vathi, yoorapihiya emaara saapa.
7
Nhu mwaaPwiya! N'naahala oniliha mwaatthu oohiyanatja, n'naahala onissunka woohimala.
8
Awanani ankhala miphantte tjooteene, attottopelaka yootakhala mwaassaana aatthu.