Ekapiitulo 11
1
Kintthawela waaPwiya. Phanka tjinkiireleenhu: Ntthawela nmwaakoni phanka mwaanuni?
2
Nkaweha! Atthu ootakhala mirima antthonkomaniha miryankhotjaya. Aneessatja mattheeryaaya nmikhoyini, mooripela, wiira yaahome ooreera mirima.
3
Yakwanhulatjiya athhu ootakhala mirima, nassariya n'hala opankani?
4
Apwiya ari npaanimwaya ttakattiifu. Ehitje yaaApwiya eri wiirimu. Meethwaaya anawoona, meethwaaya anawaawehaweha assaana aatthu.
5
Apwiya anawaawehaweha ooteene, anassariya ni ootakhala mirima, kontha anrussiya naale anfenta tjoovara tjootakhala.
6
Atthu omwiipiphini, Yena naahala waakurussela mooro; ephyoo yuulupale!
7
Kontha Apwiya ossariya ni anfenta essariya; anassariya anaahala omoona ekhovyaawe.