¹ Yesu wavirawe, ahomona nlopwana ohona eyarelioawe. ² Awinthutjihiawe yahonkoha, yraka: Mwinthutjihi, thekale tipani? Nlopwanoola, wala an'napapawe, wira ayariye ohona? ³ Yesu ahowakhula: Ola khathekale, wala an'napapawe; para wira miteko tja Muluku tjonaniee. ⁴ Nihana nivaraka nteko wa yole kirumale, onariene othana; wera oripelaka, nthu wahimphelawe ovara nteko. ⁵ Wariaka n'tuniyanimu, mi kinthuko wo ntuniani. ⁶ Wahimaliwe ele, hossuwela vathi, ahopanka ottope ni senhe, ahonttikithela m'methoni wa nlopwana ohonole. ⁷ Ni homwirela: Orwe, wakhutje etanki yo silowe (nintaphulela orumiya). Vano nlopwanole ahorua, ahokhutja ni ahohokolia onaka. ⁸ Vano amwattamano ayole nlopwanole yamona honaka yahira: Kahiula onkomaka alepelaka etjimola? ⁹ Akhuawe yira: Phiyoyo. Akhuawe yira: Nonlatta. Yena ahira: Thimivano. ¹⁰ Yanamwirela: awale tjani ehuliaka menthoa? ¹¹ Yena ahakhula, ni ahira: Yole nlopwana nihaniya Yesu phikankale ottope, phukittikithelaka m'metoniwaka, phukirelaka: Orwe etanki yo Silowe, wakhutje. Kihorwa, kihokhutja, thantjeraka wona. ¹² Phireliyawe, rivai yoyo? Yena phirawe: Akintjuwela. ¹³ Ahokussiya wo mafariseu nlopwanole ahoonoole. ¹⁴ Ni yari sabado, nihuku Yesu apankaliawe ottopeoole anvonihaka ohonawawenwo. ¹⁵ Vano ma Fariseu yahonkoha tjiwaliawe avonaka, yena phirawe: Nokittikithela ottope m'methoniwaka, phakhutjaka, phantjaka wona. ¹⁶ Ma Fariseu akinaku yanira: Oyo nlopwanooyo khanakhala a Muluku, kontha khanhissima esabado. Akhuawe yira: Omwa tjani nlopwana namatheka apankaka mithonheron'nha? Yahokawaniatja. ¹⁷ Vano ma fariseu yahonkoha nlopwanole: We onera wira yena nomuvoniha? Yena ahira: Oyo porofeta. ¹⁸ Vano ma judeu khayakupali wira yena khoona, ni hakhela wona, thimana yahihaniya an'napapawe. ¹⁹ Yahokohiya: Nlopwanoola mwamwaninhu, yole ahonoole? Oowatjani yena onaka? ²⁰ An'napapawaale yahakhula, ahira: Khweli olaa mwamwanihu, yariye hoonaka; ²¹ vano tjiwaliaawe oonaka, khanintjuwela, walaa, khaninontjuwela nthu nvonihale, mwinkohe mwanene, mulupaleoola, nahala wakhula. ²² An'napapwaale yahakhula tjoo kontha yanawoovatja ma judeu. Kontha ma judeu yaholeehana, wira yole nkela wira yena Kristu hana omoliya nsinagogam'mwe. ²³ Thimana an'napapawaale yiraliaya wira: Mulupaleoola mwinkohe mwanene. ²⁴ Vano yahomwiihana tho ekwaha yo na piili nlopwana ohonoole, yahomwiirela: Onvahe mahala Muluku; hi nihotjuwela wira oyo nlopwanooyo namatheka. ²⁵ Yena hakhula: Akhala wira yena namatheka, akintjuwela, ethu entjuwelaka, akoona, vano vaa kinamoona. ²⁶ Yahomwirelatho: Opakaliawetho ekhuawe essiani? Ohulale tjani menthoaayo? ²⁷ Ahowakhula: Mi kihohimeriani, khankinwale; n'nophela mwinwe essiani? Wala n'nophela okhala awinthutjiaawe? ²⁸ Yahonruwana, yiratja: athiwe mwinthutjiaawe; hi na mwiinthutji a Moises. ²⁹ Nnatjuwela wira Muluku huluma ni Moise, vano oyo nlopwanooyo khanintjuwela opuro onkhumaawe. ²⁸ Yahonruwana, yiratja: athiwe mwinthutjiaawe; hi na mwiinthutji a Moises. ²⁹ Nnatjuwela wira Muluku huluma ni Moise, vano oyo nlopwanooyo khanintjuwela opuro onkhumaawe. ³⁰ Nlopwanoole ahakhula, iraka: Kontha eyo yohitjuwanyaa: Nhuva khan'notjuwela opuro onkhumawe yena; massi yena hokivoniha! ³¹ Ni ninatjuwela wira Muluku kanaviriyana anamatheka; akhala wira havo nonkokhorela Muluku, ni napanka othunawawe, oyo nanviriyana. ³² Yumpiyeru etuniya, khuniwiya wira havo nvonihale nthu ohona eyarelioaawe. ³³ Akhala wira khaawaale wa Muluku, khahala opankeethu. ³⁴ Ayena yahakhula, yahira: Oyariye ntampini, vano omphela onissomiha? Vano yahomomolatja. ³⁵ Yesu ahohimeriya wira yanomomola nsinagoga. Ahomphwanha, ahomwirela: Onankupali Mwana Aanthu? ³⁶ Ahakhula, ni ahira: Tipani yoyo, Pwiya, wira kinkupali Yoyo? ³⁷ Yesu ahomwirela wira: Ohomona, thula nuluma niwe. ³⁸ Nlopwanoole ahira: kinankupali, Pwiya, ni ahonkokhorela. ³⁹ Ahira Yesu: Kiwale nthuniyanimu wahukhumu athu, wira ale ohona, yone, ni anonan ahone. ⁴⁰ Yahavo ma fariseu yari vavale, yahomwinwa ulumaka; ni yahomwirelatja: Khaninoona ni hivano? ⁴¹ Yesu ahowakhula: Mwahoona khamwakhala etampi; vano n'neera wira n'namona, passi etampiin'nhuiyo enamukhalelani.