¹ Ehinaaya esikuhulu yo pascoa, atjuwelaka Yesu wira okatyaawe waahophiya wo wira avire ela etuniyeela arwaka wa papaawe, onaafentaleene awawe, yaari ntuniyani, ahaafentatja mpaka woomaleloni. ² Ni oliyaka nkathe waapwiya, ntjasera ahowara nrima wa judas iscariotes, mwaana a simao, wira avanrihe Yesu. ³ Yesu ahootjuwela wira apapaawe yahonvaha tjithu tjootene mmatataniwawe, ni wira yena aakuma wa Nluku, ni eera ahokoleelaka wa Nluku. ⁴ Yena ahoonwa nipuro naaliya kathe ni ahoorula nlaya. Vano ahookusa etowaliya ni aheethukelela nnyununi wawe. ⁵ Erwaaka oholo, ahiinthela matji mpasiyani, ni ahanyja oraphiha enyaa tjaarumeyaawe, ni athikithaka nii towaliya eethukenlyaawe nnyuununi. ⁶ Yena ahomwathamenla Simao pedro amwiirenle: Pwiiiya, nyuumunrwaa oraphiha enyaatjaka? ⁷ Yesu ahaakula ni ahoomwiirela: empankaaka mi, we kuntjuwela phiyaaru , masi onrwaa otjuwela ohoolo. ⁸ Pedro ahoomwirela: Nyu kamwinrwaa orapiha enyaatjaka. Yesu ahoomwirela: Minnyaano kahuurapiheke, we konrwaa okalana mphanthe nimii''. ⁹ Simao Pedro ahoomwirela: Pwiiya n'hirapihe paahi enyaatjaka, masi tjitjammo matataaka ni murwaaka. ¹⁰ Yesu ahoomwiirela: ''Ole orapale, kampheelatja orapiha ethu wohikala enyaatjawe, ni orii orereene. Nyu nrii oreera, masi khii otenewinyu''. ¹¹ Maana Yesu antjuwela ole aarwaa onvariiha. pimana eeraka: ''Kahii wira ootene nrii ooreera''. ¹² Wamalihalyaawe Yesu waarapiha enyaatjayannyo, ahookusa mantha, ni ahohokolela wa meetjani, ni ahaakohatja: Nyu mootjuwelatja yuupankalyaakani? ¹³ nyu mwinkiihana 'Mwithutjihi' ni 'Pwiiya', ni nnaapanka saana, kontha minnyaano ti mi. ¹⁴ Vano minnyaano, Pwiiya ni Mwithutjihi koorapiha enyaatjinyu, ni nyu tjitjommo muhaana orapiha enyaannyo nthu ni nkhwawe. ¹⁵ Maana mi kihoovahani nthoonyero, wo wiira ni nyu tjitjommo mpaanke ntokoo tjuupankalyaakani. ¹⁶ Weekhweeli, weekhweeli, kinawuuhimerani: nanteko kahii muulupale oonphwaha mwithutjihaawe; hataa nanrumiya kahii muulupale omphwaha onrumale. ¹⁷ Mwatjuwela nnya tjithunnya, mwiinkala oreeriya mwavarela nteko. ¹⁸ Minnyaano akinwuulumelani nyuu otheene, maana kinamwatjuwela ale kaathanlalyaaka; masi mi kinuuluma ela wo wiira tjjoolepiya tjimaliheriye: 'Ole aalyaa nkathyaaka, ohokirerya ethuli.' ¹⁹ Kinuuhimeratjani lia nanano, ehinakumenla, wo wira yakumelela, nkupali wira minnyaano ti mi. ²⁰ Weekhweli, weekhweli , kiwuuhimerani: Ole onrwaa omwakenla ole onrwaaka onruma, onkaakenla mi; ni ole onrwaa okakenla; omwaakenla ole okirumale. ²¹ Onuulumale eyo, Yesu ahokutakuthyaa munnepani, ni ahuuluma eeraka: ''Weekhweli, weekhweli, kinawuuhimerani wira mmotja anyuu onarwaa okivariha''. ²² Arumeyi yahoowehana nthu ni nkhwaawe, yuupuwelaka nthu amwaatjawe. ²³ Nrumeyi mmotja, Yesu anfentaawe, aari wa kakaatjani wa Yesu. ²⁴ Simao Pedro aahonweha anlepelaka: " Onkohe yena ommwaatjaawe". ²⁵ Vano ole nrumeyuule ahooromela wakakaatjani wa Yesu. ahookoha: Pwiiya ti pani yooyo?" ²⁶ Vano, Yesu ahaakula: "Tiyoole kinrwaaka onvaha nkathe woonana womyaanihiya". Ni onanaanihaleene nkathe, ahoovaha Judas, mwaana a Simao Iscariotes. ²⁷ Ni onakuraleene nkathe, ntjasera ahommwara yena. Yesu, vano ahoomwiirela: "Ethu ompheelaa ompanka opanke wo wakuvyaatja. ²⁸ Kaavo wametjanivale aatjuwela mwaha wo siyani Yesu amuulumenlyaawe yena. ²⁹ Onaryeene Judas namasunka nsuruku, akhwaawe yuupuwela wira Yesu apheela omwiirela: "Othume empheelehu osukuhuuluni" walaa aahana aavaka yena ethupiithu amasikini. ³⁰ Judas waakenlalyaawe nkathe ,, aahkuma wowaakuvyaatja, ni waarii ohiyu. ³¹ Okathi Judas wakumalyaawe, Yesu aheera: Vano mwaana a nthu hovuwihiya, ni Nluku ohovuwihiya ni yena. ³² Nluku onaarwaa onvuwiha veekawe. ni vano onarwaa onvuwiha. ³³ Asanaaka, minnyaano kirii ni nyu wakathi vakaani. Nyu nnaarwaa oweha weha, ni ntokoo kawirenlyaaka ma Judeu: puro onrwaaka, nyu kamumphwanela orwaa. Vano minnyaano kinawuuhimeryani ela ni nyu tjitjommo. ³⁴ Kinawuvahani ekethelo emtja yo nannaano, wira nyu nfentaneke nthu ni nkhwaawe; ntoko mi tjuufentalyaakani, vano nyuu tjitjmmo nfentaneke nthu ni nkhwaawe. ³⁵ Niyeeyo otheene anrwaa otjuwela wira nyu mwaarumeyaaka: Nyu mwafentanaka nthu ni nkhwaawe". ³⁶ Simao Pedro ahoomwirela: Pwiiya nnorwaa vayii? ''Yesu ahaakula: Opuro onrwaaka kannokithara phiyaaru, masi we onrwaa okithara okathi nkhwaawe. ³⁷ Pedro ahiira: Kontha esiyani mi kihinootharelaakani phiyaaruvaa? minnyaano kinrwaa ovaha okumyaaka nlathu wa winyu''. ³⁸ Yesu ahoomwaakula: ''Onrwaa ovaha okumyaa nlathu wawaka? weekhweli, weekhweli kinawuuhimera wiira nthupi konrwaa wiipa ekwaha thaaru we ohinakikotha.''