¹ Assana a Juda yari: Perez, Hezrom, Carmi, Hur, ni Sobal. ² Ni Reaias, mwana a Sobal, hon'yara Jaate; ni Jaate hon'yara Aumai ni Laade. Alaa phaari amutchi assi Zoratitas. ³ Vano n'nha phiri tchaa apaapaya assi Eta: Jezreel, Isma, ni Idbas. Ntchina na nrokowe nari Hazelelponi. ⁴ Vano Penuel apaapawe yari Gedor, ni Ezer paapawe Husa. Alaa phari assaana a Hur, mwana onphatchera a Efrata, paapawe Belem. ⁵ Ni Asur, apapawe Tecoa, yarina athiana elii: Hela, ni Naara. ⁶ Ni Naara ahon'yara Auzao, Hefer, Temeni, ni Haastari. Alaa yari assaana a Naara. ⁷ Ni assaana a Hela yari: Zerete, Zoar, ni Etna. ⁸ Ni Coz ho'yara Anube, ni Zobeba, naa mutchi a Aarel, mwana a Harum. ⁹ Jabez ari nthu ahissimwiya tchinene wavikana assihimawe; anumwane yahania Jabez, yera: Koyarale nmahuvihoni, yeraka. ¹⁰ Massi Jabez honlepeela Nluko owi Israel, eraka: Ah, wakirerihavale ventchi, ni wonuwihaka nmakikiitchero mwaka, nakala ntatamaa nimivano, ni okivarelelaka mwa tchonanara, wira kihihuve! Ni Nluko hopanka tchakanliawe alephelaka. ¹¹ Ni Quelube, n'himaawe Sua hon'yara Maquir, akanlee paapawe Estom. ¹² Ni Estom hon'yara Bete-Rafa, Paseia, ni Teina, mwanene ephooma ya Naas; alaa yari alupwana o Reca. ¹³ Assaana a Quenaz yari: Otniel ni Seraias. Assaana a Otniel: Hatate ni Meonotai. ¹⁴ Vano Meonotai hon'yara Ofra; ni Seraias hon'yara Joabe, thumwanaia anamakahla mapuroh oloko, kontha yapankah miaphu. ¹⁵ Assaana a Calebe, mwana a Jefone yara: Iru, Ela ni Naa; ni mwana a Ela ari Quenaz. ¹⁶ Assaana a Jealelel yari: Zife, Zifa, ni Asareel. ¹⁷ Vano assaana a Ezra yari: Jeter, Merede, Efer, ni Jalom. Vano a mwarawe yahon'yara Miria, Samai, ni Isba, apaapawe Esemoa. ¹⁸ Ni a mwarawe Judia ahon'yara Jerede thumwane Gedor, ni Hever thumwane Soco, ni Jecutiel thumwane Zanoa. Alaa yari assaana a BItias, mwa nthiana a Farao, akhalale atheliaka n Merede. ¹⁹ Vano assaana a mwarawe Hodias, nrokorawe Naa, yari: apaapawe Queila n'gamita, ni Estemoa n'maacatita. ²⁰ Assaana a Simeao yari: Amnom, Rina, Ben-Hana, ni Tilom. Ni assaana a Isi yari: Zoete, ni Ben-Zoete. ²¹ Assaana a Sela, mwana a Juda yari: Er, paapawe Leca, ni Lada, paapawe Maressa, amutchi yavarah ntekoh wo kuoh o Bete-Asbeia; ²² Phanka ni Joquim, alopwana o Cozeba, Joa, ni Sarafe (yararelathale assi moabita), ni Jasubi-Leem. Nnha tcho wanthikia, tchiri tchokalay. ²³ Alaa yari anowupah oloocoh, ni yakalatcha o Netaim ni Gedera; ayena yakalatchale vale na mwene. ²⁴ Assaana a Simeao yari: Nemuel, Jamim, Jaribe, Zera, Saul; ²⁵ Ni ari Salum, ni mwana ari Mibsao, ni mwana ari Misma. ²⁶ Assaana a Misma ari: mwanawe Hamuel, mwanawe ari Zacur, ni mwana ari Simei. ²⁷ Ni Simei ahaana khumi nassitah assaana assithiana, nansoo assirokorawe kayarina assaana entchi, e naamutchaia kayari entchi phaanka assaana a Juda. ²⁸ Ni ahokalatcha o Berseba, Molada, Hazar-Sual, ²⁹ O Bila, Ezem, Tolade, ³⁰ Betuel, Horma, Ziclague. ³¹ Bete-Marcabote, Hazar-Susim, Bete-Birai, ni o Saaraim. Nnha tchari epooma tchaya npaka wantchaliawe Davi aholela. ³² Aliteyatchaia tchari: Eta, Aim, Rimom, ni Toquem, Asa ni epooma thanu; ³³ Ni aliteya othene yari orukureria tchenha epooma npaka o Baal. Alaa phari maphuro yakalaya. ³⁴ Massi Mesobate, Janleque, Josias mwana Amazia; ³⁵ Joel, Jeu mwana a Josibias, mwana a Seraias, mwana a Asiel; ³⁶ Ni Elioenai, Jaacoba, Jesoaias, Asaias, Adiel, Jesimiel, Benaia; ³⁷ Ni Ziza mwana a Sifi, mwana a Alom, mwana a Jedaias, mwanaa Sinri, mwana a mwana Semaias. ³⁸ Alaa yanthikie nintchina yari aholeli asii mutchaya, ni yahintheria nnuphani mwassii paapaya. ³⁹ Ni yahopia npaka o Gedor, npaka ohitho, apheelatchaka malaaci okontoa. ⁴⁰ Ahopwaha malaaci opipila ni orera, ni elaapo yari yolupale, yomalelia, ni yo mumula, kontha asii Cam ahokala valee. ⁴¹ Alaa, yari owanthikia matchina, yahowatcha mahukoh a Ezequias mwene o Juda, ni hothankula miparantha ni mokhalia tharivo valee, yotankula npaaka elelo; ahokalatcha nipuro naya, kontha yahavo amakanputchi wa mihuo tchaia. ⁴² Ni akwawe, emia thano tcha alopwana assaana a Simeao, yahorua omwaco wo Seir, atchisaka ntokoh aholeli a Pelatias, Nearias, Refaias, ni Uziel, asaana a Isi; ⁴³ Ni yahowiva othene yahalale wa amalequitas, ni yokalatcha npaaka eleloo.