¹ Yesu ahilotha: Kinolelani exariya wira, akalavo mwanyuwo ori vava ahinrowa okhwa ehon'ne toko omwene wa Muluku oraka novuwawa. ² Nuvira mahuku mathanu na'movya, Yesu ahinkusa Pedro, Yakopo ni Yohani, ahirowana vamwakoni oraryele othaiva. ³ Vyowaravye vyahikhala nananoru vyotontha, othontyawa wari wottela, ottela warawana kavo namafula avathi vava arowa ofula atheliwa apiha matheleloya. ⁴ Ahikhumelela Elia ni Moise awo ekavanela ni Yesu. ⁵ Pedro ahimwakhula amwirelaka Yesu: Pwiya, onrera okhala vava: Ninoteka misakala miraru: N'movya wanyu, ni n'movya wa Moise ni n'movya wa Elia. ⁶ Owo khavyuwela etthu airaiye, owo aira arina otuthuwa. ⁷ Nahura neku nimovya nahakhunela. Yahinvuwa n'vyu n'nekuni: Ola mwanaka kininphentaka. N'mwiwelele yola. ⁸ Nananoru, etthikelaka olepelawo khamon'ne mutthu ahikhanle Yesu. ⁹ Ekhuruwaka vamwaako, owo ahalela wira muhimulele mutthu itthu mon'nenhu npakha mwana amutthu ahihimuwa mwatthu okhwa. ¹⁰ Awo yahimwiwelela n'vyo yahitikinihiwa ekavanhihana yaaworu ekaira onlothiyane ohihimuwa mookhwani. ¹¹ Awo yahimukoha wira: Ki anamalaleya ikano ekaira wira Elia tonya opatjera ora? ¹² Yesu ahiwakhula wira: Elia exariya ohurya wira akhotjiherye itthu vyotene. Nvyo ilepeliwene wira mwana amutthu on'ya ohawa wawatha ni ohavyuliwa? ¹³ Mivo kinolelani wira Elia ohurwa, n'vyo atthu amwirela vyotene yanthunanlawa. Nkhama vyantikhiwaya mwa yowo. ¹⁴ Athinkenleiye yari arun'mwa akina, ahaphwanha athu awatta yarukurenrye axirikaya ni anamhuvyiha ikano evanhihanaka ni yawo. ¹⁵ Atthu awo numona Yesu, yahixanka ekantthemakela enkohaka ehali. ¹⁶ Owo ahakoha arun'mwaiye akaira: Munivanhiwanani? ¹⁷ Watthu yawo ahikhuma mulopwana n'movya akaira: Pwiya , kiyo kihovikelani mwanaka owo orina xetwani oninkhottiha. ¹⁸ Owo an'nimorela vathi, on'nikumiha mainoye, nerutthuye en'numa. Miyo kaharuma arun'mwanhu wira emwikarye, awo amotjela. ¹⁹ Owo ahiwakhula wira: Nhuwo nloko nohikupali, npakha lini miyo kikhalaka ni nhuwo? Npakha lini miyo kovilelakani? Mukiruhele mwanowo. ²⁰ Owo ahiriheliwa mwanowo. N'vyo xetwani amon'neye Yesu, nananoru ahithanheya. Mwanowo ahimorela vathi akupuruwa akhumaka maphoru n'mwano. ²¹ Yesu ahimukoha tithaiye: Opatjenre lini wira vyivya? Tithyaiye ahira: Opatjenre oyariwawene. ²² Okathi wawatta n'nimorela vaikho hata n'mavyini, amwipe. N,vye nyuwo mwaweryaka munikhaliherye. ²³ Yesu ahimwakhula wira: Nyuwo mwaminiru. Vyitthu vyotene vyinkhala vyokhweya wale antthuna. ²⁴ Nananoru tithi amwana ahikhuwela airaka wira: Miyo kotthuna. Mukikhaliherye waminiwaka. ²⁵ Yesu awonaka atthu etepaka ottemakelawo, ahinpunhuwela xetwani ohiniwa, amwirelaka wira: Xetwani ahinlothani ohiniwa, miyo kinoruma: Omuhiye mwanola, ohimutthikeletho. ²⁶ Xetwani owo ahintatha nikuru mwanowo ahikhuwela. Ahikhala nkama orukhwa. ²⁷ N'vyo Yesu ahinpasa n'tata anveiha mwanamwane owo ahemela. ²⁸ Nuvinya Yesu ahivulowa n'pani arun'mwaiye yahimukohayaitthonlawa: Hiyo namotjelenleni omwikara? ²⁹ Owo ahiwakhula wira: Xetwani nkama ole onikariwa ni mavekelo. ³⁰ Evenyaka weiwo erowaka yahivira Okalileiya, Yesu khathuna ovyuweliya opuro arowaiye okhala. ³¹ Owo anahuvyiha arun'mwaiye awirelaka: Mwana amutthu onrowa ovahereriwa n'matatani mwa atthu, owo onrowa onpa. Owo akhwavale, yaphiya mahiku mararu onohihimuwa. ³² Nvyo awo khiyavyuwenle sana vano ekamova omukoha. ³³ Ihirowa okafarnawu. Yaphiyawa owani ahakoha arun'mwaiye airaka mwavanhihanani nphironi? ³⁴ Owo yarumala, itthu yavanhihanaya n'phironi wira tani arowa okhala mulupale. ³⁵ Owo ahikilathi, awitthana arun'mwa ale muloko naili akaira: Akhala ntthuna okhala opatjera on'ya okhala omalela mwaxirikaye. ³⁶ Owo ahikusa mwana nkani ahimwemesa eriyariya, ahimukuparela, akaira: ³⁷ Akhala anrowa omwakhela mwana n'kama ola ni n'vyinanaka, owo onikakhela miyo: Ale anikakhela miyo, animwakhela ole okirun'me. ³⁸ Yohani ahimwirela: Pwiya nowona atthu emwikaraka xetwani ni n'vyinananyu hiyo nakottiherya. Mwaha wa wira awo kahiyo awihu. ³⁹ N'vyo Yesu ahira: Muhakottiherye, khavo onrowa wira mitikiniho ni n'vyina numala akakilovyowela. ⁴⁰ Ole ohin'nivyowela awo hahu. ⁴¹ Akhala mutthu onrowa wovahani ekopho emovya ya mavyi owurya mwaha wokhala mukiristawu, owo onotthuveliwa. ^{42 44} Akhala onrowa watthekela anamwane anekamene miyo, anphwanela ontthukelelo Muluku mulupale atthukiwaka metto ni mono wira ariheliwe n'pahari eriyari. ⁴³ Ntatananyu notthekihani, muthikile murahele. Anoworerelani okela momweneni wa Muluku ni matat maili n'yaka omoroni, weiwo oriwo moro ohinttipha. ^{45 46} Nakhala n'noku ninyu nimovya on'nottekihani. Onorerelani othikila n'nohu n'no murahele. Onaworerelani nyuwo ovolowa momweneni wa Muluku n'rakanle n'nahu olikan'ne okhalana monahu maili muyaka oreheliwa vaikho. ⁴⁷ Nakhala nithoninyu nimovya n'notthekihaleni, n'sonyole. Onorereleni nyuwo ovolowa momweneni wa Muluku murina nitho nimovya ohikhanle okhalana maitho maili, muyaika oriheliwa vaikho, ⁴⁸ woiwo oriwo ohawa nimoro ohinttipha. ⁴⁹ Wakhula mutthu onrowa weleliwa ni moro, ⁵⁰ vyivyale yotja enlukiwawa ni makha. Makha etthu yovyiva, n'vyo makhayo yahiya ovyiva an'nitthikiheriwa ovyivatho? Nyuwotho mwamakha ophentana ni mukina ni muxirikaye.