¹ Wakathi athikenleiye okafaranaum, numala mahiku makina, Yahiwiwa wira owo ori owani. ² Numala awatha yahithukumana weiwo, ni kiwariwo opuro, ni vankhora Yesu anilaleya molumo. ³ Ahiriheliwa Yesu mulopwana n'movya orakala; natthu asese yamukunse. ⁴ N'vyo khiyawerya onpiha ariyevo Yesu mwaha wathu yaharele watha. Nvyo, yahiwela vanpane, yahikunla vakulune wira emone Yesu oryeyevo, yahikunla n'paka opwanya n'tyuku, yahikurusa n'ryepa yamwathalenlawavo namarakala. ⁵ Onaka wamini yarawana, Yesu ahimwirela mulopwanowo orakala wira: ''Mwanaka, ithanpi vyinyu vyoleveleliwa''. ⁶ Yahikala vavo mafarase yakilantheekupuwela n'mirimwamwa: ⁷ ''Onera vyai n'lopwanola alothaka vyivo? Ole on'neveiha! Dane on'werya olevelela ithanpi ahikanle Muluku pahi?'' ⁸ Nananoru, Yesu, avyuwelaka yupuwelawa, ahira: ''Mubapuwelane n'miryimane mwanyu? ⁹ Eri yotepa okueya sene omwiryela muthu oraka wira ithanpi vyinyu vyolevelewa, nari omwirela: n'kuse n'repa ninhu n'rowe? ¹⁰ N'vyo, muvyuwele wira Mwana Atthu okana owerya mulapone mumu wolevelela itanpi, 'ahimulela orakala: ¹¹ ''Miyo kin'nolelane: N'venhe mukuse n'repaninhu n'rowe owane''. ¹² Yene ahivenhaniwakuva okusa n'repane akarowa owane variyari vatthu othene vyivyo mitikineho'' hiyo kin'none itthu n'kama ivya''. ¹³ Yeene ahivenhava arawaka nananoru opareyea athu othene yanetharela, n'vyo owo anahuvyiha. ¹⁴ Eviraka vyivyo yahimona Levi, mwana Alfeu, ari n'kilathe opuro waliviwa n'soko ahilela wira: ''N'kithare''. Yene ahivenha ne ahinthara. ¹⁵ Vyivyo Yesu ari va mesa owanhe Levi anamakelela n'soko awatha ne athu otheka yanutja ne Yesu narumwaye, N'vyo yahikala athu awatha yamuthara. ¹⁶ Nvyo mafarisi yamon'nawa wira Yesu ontja ne atthu otheka ne anamaliviha n'soko, yanelotha ne arumwaye: ''Oneryea vyai ole akatja ne anamaliviha n'soko ne anamatheka? ''. ¹⁷ N'vyo Yesu ahiwa, akairya: ''athu akumi kahiyo ankotjeriwa mukulukana; Aretha dhankotjeriwa miyo n'karenle owithana anacharyia karenle anamatheka''. ¹⁸ Arumwa ayohane ne mafarasi yantuk, yahura akina ekankoha wira: ''Arumwa ayohane ne arumwa a mafarasi an'nithuka, n'vyo nyuwo arumwa nyu ehikathuka?''. ¹⁹ Yesu ahiwakula wira: ''Onireya vyayi anamalaleiwa vantjanpone othuka muteli ari ne yawo? N'vyo awo akalana muteli, awo kanthuka. ²⁰ N'vyo okathi an'yawa wakina mutheli, mahiku yawo awo danryo wawa othuka. ²¹ Kavo oninxaphari kapathi akuwo exa ne ekuwo yakalayi; ohikla sana, exapha enophera ekuwo elo ya kalayi, ovira n'ne wakalayi. ²² Kavo onkusa otheka wa nanano akaithela iyopyo wa kalayi; owo ayira vyivyo, otheka wa nanano onopwesa iyopyo, ovenha ne iyopyo vyi nonpwetheya, ohiya wira, otheka muxa withela iyopyo muxa''. ²³ Nahipiya nihuku nemovya na Sabado, aviraka Yesu n'matha, arumwa ye eviraka ne ephuro yahipatjera ahepha makala etirigo. ²⁴ Mafarasi yahira: ''On'mone onerelane etthu vyikothehiwe wira nihiku na sabado? ²⁵ Owo ahalela Wira: ''Kin'nasome wira Davidi avoliweiye ethala owo naxiryikaye ariyene? ²⁶ Owo ahivolowa empa ya Muluku okathi Abinatar ari mulupale anamukoto ahikora ipau vyoreriwa, ne ekothiheryiwaka okuriwa ne muthu mukina, ehikanle makulupale anamukutho; N'vyo ahavaha axirikaye yari ne yowo?''. ²⁷ Yesu ahalela wira: ''Esabado epakeliwe muthu, kahiyo muthu opakeliwe esabado. ²⁸ N'vyo, mwana a mutthu Pwiya aa sabado''.