¹ Vano, nin'rowa ohimya exeni wira Aprao, nakhulu ihu, mwa n'namani, ziphwanyalyawe? ² Vano, yakhala wira Aprao okhaleliya oxahiti mwaha wa zovara, yena ahana xariya wikhutupula, masii wohikhala nin'Luku. ³ Zolepiya ehimyani? "Aprao ahin'kupoali N'luku, ni eyo ahivahiya mwana ehakhi". ⁴ N'rowe, wa yole on'vara n'teko, yolivioyawe khanakhela mwana ethuvo, masii mwana olokiha. ⁵ Vano wale ahin'vara nteko, masii, ohiya zoo, on'nikhupali yole onin'khalela oxahiti natan'pi, wamini wawe on'vahiya mana xariya. ⁶ Tavi niyena on'nivuwiha ethuvo watthu yole N'luku onin'vahawe xariya wohiweha n'teko. ⁷ Yena ahira: "Oreriya tale zotheka zaya aleveleliye, ni tam'pi zaya zikhuneliye. ⁸ Oreriya tulee n'lopwana yowo apwiya ahinín'hiyeraya tam'pi". ⁹ Zizan'mo, Othuviya wen'wo yahimeriye pahi wale atjale khalawa, walani wale ahitjale khalawa? Vano hiyano nohimya: "Wamini ahivahiya Aprao mwana ehakhi". ¹⁰ Vano, mopora xeni yena ahahiyawe? Okathi Aprao aryawe okhalawani walani ahakhalalyawe Okhalawani? Khiyari okhalawani, ni sizan'mo wohikhala okhalawani. ¹¹ Aprao ahakhelela n'thonyero wa khalawa, yeyo yari n'thonyero ya xariya yeyo yena arinawe yena ahinathi okena n'khalawani. N'thonyerwaya yari yele yan'khalihale paapa wale yakhupali, hata ehitjale khalawa. Eyo enthonyera wira exariya yahikaweliya. ¹² Ni tho yathonyera wira Aprao ahikhala paapaya ekhalawa, wohikhala pahi wale yatjale, masii vamozaruu, wale antharela enau ya ororomela wa paapehu Aprao ahinathi otja khalawa. ¹³ Okhala wira khiyari mon~koni wa ekano natiri avahiyawe Aprao nin'lokonawe, natiri ari wirari ayena yarowa orithi olumwen'ku. Ohiya zoo, owo arowa ovahiya mwaha wa xariya ya wamini. ¹⁴ Okhala wira, yale an'khala mwaha wa ekano yawo tan'rithi, wamini tun'khalaya wohiitthu ni natiri yowo, ohikhala. ¹⁵ Okhala wira ekano owiya oruthu, masii, nipuro nihiryaya ekano, kiniivo ohin'welela. ¹⁶ Mwaha wa yeyo, eyo mwaha wa wamini, wira natiri akhale ovareleliya ni mahala, ni akhale olipiheriya wa n'loko notene na Aprao. Ni n'loko nen'no nin'nitakanela wohikhala pahi wale an'zuwela ekano, masii tho yale ari mwawamini wa Aprao. Okhala wira yena tari paapa awihu otene, ¹⁷ mwana zilepiyaya: "Miyano kupakale paapa a elapo zintjene". Aprao ari mwa yale aroromelalyawe, walani, N'luku, yole on'vaha ekumi ale okhwa ni khinazima etthu zihirivo zinakhalale. ¹⁸ Ohiya zotene zan'khumelela zon'rukurerya, Apraao ororomela wawe ahin'vaha yamelo mwanene N'luku, ni vano ahikhala paapa a elapo zin'tjene, mwana zihimiyaya: "Zizan'mo anrowa okhala ayareliyawe". ¹⁹ Yena khari owolowa mwa wamini. Apraao ahizuwela wira erutthuawe khiyari yowerya okhalana anamwane, okhala wira ahana iyakha zophiyera 100. Hata yena ahikupali wira erukulwawe Sara khiyawerya wayara ana. ²⁰ Masii mwaha wa natiri an'Luku, Apraao khalipelale ohamini. Ohiya zoo, ahilipihiya wamini, ni ahivaha mahala wan'Luku. ²¹ Yena ahikhalaoweriya wira N'Luku aniwerya ovara yele amwiralyawe natiri. ²² Vano, eyo niyena ahivahiya yena mwana ehakhi. ²³ Khiyari pahi wira ekhale mwayena wira yolepiya wira N'Luku ahin'vaha ehakhi. ²⁴ Masii tho yahilepiya wira enikhaliherye, okhala wira N'Luku on'nikhaliha anahakhi, hiyano, nin'khupali Wayole on'hihimuxale Yeso, pwiyehu, vaanan'khwa. ²⁵ Yole ovahiye mwaha wa zothekazihu ni ohihimuxiye mwaha wa wakihiya wihu.