¹ Paulu, N'rumei a Yesu Kristu, azimiye wira akhale Apostolo, ovalanyiya wira akhale watana ni N'luku, ² yole yela amwirelyawe natiri vopatjera wan'yale anamiririmo solepiya zowarya, ³ mwaha wa Mwanawe, okhumale wan'loko na David mon'koni wa erutthu, ⁴ mwaha wa ohihimuwa alipa okhwa, yole ahireliya namona Mwana ekuru an'luku mwa n'nepa wawela, Yesu Kristu, Mwenea'hu. ⁵ Mwaha wayena, hiyano nin'nakhela mahala ni wapostolo wira nin'welele wa n'roromelo wa elapo zotene, mwaha wan'zinanawe. ⁶ Mwa maloko yawo, nyuwano'tho n'hazimiya wira n'khalele wa Yesu Kristu. ⁷ Wa nyu otene, ophentia ni'Nluku n'rizi Oroma, ni mwazimiye wira n'khale masantu: Mahala nin'rethele, wan'phanthe wa n'luku, Papehu, ni mwenye Yesu Kristo. ⁸ Vopatjera, kinan'xukhuru N'luku, mwa Yesu Kristu, wa nyu otene, okhala wira n'roromelo ninyu nin'nivuyihiya olumwen'ku wotene. ⁹ Wa n'Luku yole kinin'lompaka n'munepani mwaka mwa hapari ya Mwanawe, ti xahitiaaka mopora wohemela kiniraka kupuwelakani nyu ¹⁰ n'mavekeloniwaka, kivekelaka wira, wa namuna emoza, wotthuna wa mwanene N'luku, miyano kuxukurene. ¹¹ Kin'niphela wuwehani, wira nithukumanele vamoza miteko zan'nepa wawarya, wira n'khale olipihiya, ¹² elaa tiyo, wira n'khale otenezinyu olipihiya, mon'koni wa n'roromelo wa n'moza nin'moza, wawinyu ni wawaka. ¹³ Ni n'kin'phela wira, axulupalyaka, mwitikinihiyeni wira okathi mwintjene kihithen'keza wira kuthotoleni (masii n'pakha vaa kinakhotiheriya), wira kiphwanyu wa nyuwano n'hokorokho, n'toko ale ahin'kupali. ¹⁴ Miyaho kanamalokihiya okhuma wa Makreko hata amalapo, walani anamazuwela hata anamavanyiha. ¹⁵ Mwaha wa yeyo, wa miyano, kokhala okupali wira kilaleye ehapari wa nyuwano n'ri Oroma. ¹⁶ Okhala wira miyano akinuliya muru wa ehapari, okhala wira owerya wa'luku wira yopowe otene yale anamini, wopatjera yale ari Mayuteu omalihera wa Nakreko. ¹⁷ Okhala wira wayena exariya yan'Luku tinonihereyaya, wamini khwa wamini, mwana zilepiyaya: "Naxariya onakhala mwaha wa wamini". ¹⁸ Okhala wira oruthu wan'Luku ononihereya wirimo wayale otene ohin'welela ni ahinaxariya wayale an'khothiha exariya mwaha wa (zonanara), ¹⁹ vano yele en'zuweliya mwaha wan'luku eri yawoneya wayena, wira n'luku onizoniheraka. ²⁰ Okhala wira zotthuviazawe tizohoneya, otepaxa owerya wawe wohimala ni makhaleloawe an'luku, zin'khala zowoniheriya okhuma wopatjerani welapo, mwaha wetthu zopakiya. ²¹ Tivo, awo khavo on'tthuna wira n'kazuwela. Zizan'mo, hata ezuwelaka namuna zan'luku, khiyantotopelale mwana N'luku, walani khiyan'vahale mahala. Ohiya zoo, yakhalale ovahuwaza n'muruni mwaya, ni erohozaya zovahuwa zakhalale zohizuwaneya. ²² Ehimyaka wira azuweli, khiyakhala anan'vahuwa. ²³ Ayena avirikaniha warya wan'Nluku ohin'mala ni n'likaniho onlathana ni pinatamu (on'mala), mwana n'toko enuni, walani nametho mitjexe ni zinipurula. ²⁴ N'kawehani, N'luku onivaha zozivela zarohuawe wa zonanara zan'kuwoni, wira ehonone erutthu zaya yaworu, ²⁵ okhala wira arukunuxa exariya yan'Luku ni wotha, elon'paka ni ekokhorelaka zopakiya nipuro na Mwanene N'luku, yole ori othithima mahiku otene. Amem. ²⁶ Mwaha wan'latthu yowo, N'Luku ohavahererya mwetthu zawuliha muru, tivo, okhuma waxaraya avirikaniha ophentana wathoko ni zikina zovirikana ni zolumwen'ku, ²⁷ hata axilopwana ahiya zorera zan'thiyana ni ehaviha roho nuziveliya zan'kuwoni nin yaworu, n'lopwana nin'lopwana, evaraka etthu yohirerela, yakhelaka mekhayaru ehukhumu yorertela wa zen'ye zonanara. ²⁸ Mwaha wohiphela ozuwela wan'Luku, N'Luku mwanene ohavaha an'khili ohononeya, wira evareke etthu zihiri zohikhala. ²⁹ Anuzala othatjiri wotene wan'rima, Ohizuwaneya, ehatje, ni zonanara; ozalana fitina, win'va, ohikhupali, oputhuka ni wupuwela wonanara; ³⁰ ozala ohan'kawani, awotha, awanani an'Luku, orutthu, atakhali, awithothopa, anamapatja etthu zonanara, ohiwiwelela axipapaya, ³¹ ohikhalana akhili, ahinroromeleya, ohikhalana m'phento nakhwaya, walani ahirina otthun'ku. ³² Awo an'nizuwela ehukhumo Yan'luku, wira yawo an'vara etthu zen'yo aphwanela okhwa; wohikhala pahi anawira, masii tho an'nathothopela yale an'vara.