¹ Wu malani wa sabath, Mariya Matalena, Mariya mamawe Yakopo ni Salome yahithumatza tzowunkhelatza wira yahele wa ruthuni wa Yeso. ² wopatjerani wa sumana, owitjissu, nantzaka okhuma n'tzuwa, yahirowa m'paka omahiye. ³ Ayo yanikohana yayoru: "Tipani onrowa opirikixa nlucu vamakhapurini? ⁴ "Vavenyihaliaya metho, yahona wira nluco nopirikixiya, nenne nari nulupale. ⁵ Vaphiyaliaya omahiye, yahimona nantthompe awarale ekuwo tzotthela, ononkomathale mono welopwana, ni ya hituthuwatza. ⁶ Owo ahira: "Nhovatze. nniphela Yeso, Natzreno, yole okhomeliye, Yena ohihimwa! Khavo va. nkawehani nipuro naheliyawe. ⁷ Rowani mwahimerye arumei ni Petro wira Yeso ohola Okalileya. Wenwo n'namona, ntoko tzahimialyawe". ⁸ Ayo yahikhuma ni yahitthimakatza omahiyenwe, athukumelaka ni wova muintjene. Khiyan'himeryale etthu, n'tthu okhala wira khiyarere wova. ⁹ Vahihimuwalhawe owitjissuene nihiku no'patjera nassumana, yesu apatjerale wizonihera wa mariya matalena, ole amomolaliawe minepa tzotakhala. ¹⁰ yena ahikhuma ni khuhimya yonaliyawe nale yarinawe, azikulaka-ni wunla. ¹¹ ayo yahin'wa wira yeso ari n'kumi ni ahoniya ni a yo, khiakupalale. ¹² Vamanlyaya iyo ahiwa ni makhalelo makina warumei eli, yetthaka m'mawani. ¹³ Ayo yahirowa kwahimerya arumei akina, vano yayo kiyakupalale. ¹⁴ wokhitzeryane, Yeso ahitzoniha wale nloko namotza, ayena aphelaka olhya, ni ahapwapwela mwaha wohamini waya ni wolipa nrima, mwaha wohakupali ale yamonale onahihimuwale. ¹⁵ Vano kwahimerya: "Nrowe elapo yotene, mwalaleye ehapari wattho otene. ¹⁶ Ole onrowa okupali khupatitzariya onamopowa, ni onrowa ohikupali onathukeliya. ¹⁷ Iya mitikiniho iya tzinrowa wathara ale anamini: Mwantzinanaka anawomola minepa tzotakhala, analavula eluka tzikina, ¹⁸ anavara enowa ni matata ni yawuria n'rethe oninva kan'kwa; Anamwahela matata arettha nayo anavona". ¹⁹ Numala apwiya Yesu olavula nin'yayo yahikuxiya wirimo khonkoma mono n'lopwana wan'luko. ²⁰ Arumei awe yahikhuma ni yahilaleya papuro otene, Vavo apwiya yanivara nteko niyayo ni yanikhalihera molumoayo wa mirira tziraneya tzathara.