¹ Wa mahiko me'nli yarowa okhala nira na Pascoa ni mikathe tzohinyunya tzohikhalana efurmento. Ni makhulupale a mahumo ni anamassoma yanettha aphelaka okathi wira an'vare sirini ni amwive. ² Vano yanihimya: "Ehikhale opascoane, wira ohikhumelele onyakula eriyari yatthu ³ Ari Yeso opetaniya owanyawe Simoni, namakuthula, vano yena onuramelale mesa, ahimwathamela nthiyana n'motza akuxale inrinki wa makhura onukhela aalapastro, owatha m'tzurukhu yihaniya narto. Vano yena ahithukula ni ahintathela, n,muruni mwawe Yeso. ⁴ vavo akinako yahinanariya. Yena yanira yayoro: "on'hononela exeni eperfume-la? ⁵ Eperfume-la yarowa otumihiya wovikana emiya tharu ntzurukene vano avahiye amatzikhini". Ni yaninkothiha. ⁶ Vano Yeso Ahira: "N'kan'hiyeni nin'rethele. N'nixankihelani? Yena ohira etthu yorera wa miyano. ⁷ Variyari winyu n'nakhalana amassikhini mahiku otene entthunenyu ovara yorera wan'yayo n'namwavarela, vano khimwinrowa okhala nimi mahiko otene. ⁸ Yena ovara ewerialyawe, owo ohotthiya eruthuka woholihera ovithiya waka. ⁹ Vekekhai kinuhimeryiani wira, wa nipuro ni'nrowaya olaleiya elapo yothene yiralyawe nthiyana ola enarowa wupuwelia yena ovaryalyawe. ¹⁰ Vavo Yutasi Iskariote, wan'motza wayayo nloko ne-li, ahirowa wa'mahumo ni wanamassoma wira avahe Yeso. ¹¹ Vano akhulupale ala yinwalhaya iyo yahithelia nrima ni ya hin'nroromeliha natiri onvaha n'tzurukho. Yena ahipatjera othola okathi wira avahe Yeso. ¹² Nihiko nopatjera na nira na nkathe tzohihelia efurmento, vahitiyaya ipwithipwithi ya Pasca, arumei yahimwirela: "Mwithuna wira nirowe vaina ompanka Pasca?" ¹³ Yena aharuma arumei-awe enli khuwirela: "Nrowe opoma n'namphanya nlopwana anakuxale mwapo ni matzi mwinthare. ¹⁴ Ni niphuro ninthunawe okela mwinthare ni mwinhimerye mwanene ethoko: 'Amwene yirale: Tivai nipuro ninrowaka otja Epasca narumei aka. ¹⁵ Yena onamuthonyerani nipuro nulupale voreratza ni nolikana. N'panke wen'nwo tzowapeyatzia iyo. ¹⁶ Arumei yahikhuma ni yahirowa opoma; Yahipwanya tzotene ntoko tzahimalyawe ni yahireherya eyolya ya Pasca. ¹⁷ Vano Winlalyaya, Yena ahiwa na rumei'awe nloko nenli. ¹⁸ Anathukumanale vametza ni elyaka Yeso ahihimya: Vekweli kinawuhimeryani, Nmotza wa nyu, olya ni mi onakivariha. ¹⁹ "Otene yahiripiya eroho ni m'motza m'motza yahira, kahi miyano? ²⁰ Yeso, awakhulaka ahahimerya: "Tule m'motza wan'loko nenli, ole onrerya vamotza ni miyano munkakassine nkathawe. ²¹ Okhala wira Mwana anthu onrowa ntoko tzilepiyaya wa yena; Vano otakhaliya tule onrowa onvariha! Afitary ole ahayariye". ²² Vano elyaka, Yeso ahikuxa nkathe, ahireriha, ahimeya ni kwavahatza. Kwiraka : "Kuxani, ela eruthuaka". ²³ Yena ahikuxa ekahi ahixukhurela, Kwavahatza ni othene khuwurya. ²⁴ Vano ahahimerya: "Ela ephomyika yawatana ephome emwarexiye wattho othene. ²⁵ Ekweli kin'nohimeryani, Miyano nkirowatho owurya vatzia wa nhokorokho ola m'paka nihiko ninrowaka owurya wumweneni wanluko ²⁶ Vamalalyaya wipa n'tzipo, yahirowa omwako woliveira. ²⁷ Yeso ahiwirela: "Nyuwano othene n'nakithyawatza, okhala wira yolepiya: "Kinanvulaliha makanputzi ni epwithipwithi tzotene tzinamwareya'. ²⁸ Vano kamala ohihimuwa, kinarowa oholo'winyu Okalileiya. ²⁹ Peturo ahimwirela: "otene hata yuhiyakani, miyano n'kinuhiyane". ³⁰ Yeso ahin'himerya yena: "Wekheli miyano kinahimya, ohiyu'ola, vahinathi wipa nthupi emara phili, weyano onakikhotha emara tharu". ³¹ Vano peturo ahira: "Miyano hata kikwaka ni nyuwano n'kinukhotthani". Otene'tzaya yahilavula ethu emotza. ³² Ayenatze yahirowa opuro watzimiya Tjetsemani, ni Yeso ahiwirela arumey: "Nkilatitzi vava miyano kinrowa n'we ovekela". ³³ Yena ahin'kuxa Peturo, Yakopo ni Yohani, vano kwantza oripiya nrima ni othunko. ³⁴ Yeso ahira: "Eroho'aka yotepa oripia, m'pakha wukhwani. Nkhale vava n'wehereryeke". ³⁵ Yeso ahirowa oholowaya, ahikokhora vathayani, ni anilompa, wi yakhala wira vaniweryaneya, ovira okathiyóle ovire wayena. ³⁶ Yena ahira: Aba, Tithi, itthu yothene tzin'niweryaneya wanyu, kumihane ekahi'la wa miyano. vanotho, ehikhale othunawaka, yireye wanyu". ³⁷ Yena ahihokolela, ahaphwanya arupaka, ni khumwirela, peturo: "Simoni, we onarupa? khunwerya oweherera wala okathi vakani? ³⁸ Wehererani ni n'vekele wira n'hithehathehiye. Nnepa ori wolikana, vano enama tiri yothetheya". ³⁹ Vakinatho yena ahahulua ni ahivekela, ni ahihokolela molumo mamotzaro. ^{40 41} Okathi n'kina ahiwathamela Yeso a rumei ni ahaphanya arupatzaka; Menthoya yahitzala ekhove nayo khiyatzuwela yon'himerya. Yena ahiwa vaneraro khuwirela: "N'nan'lelo n'narupatza n'namumula? Vaphiyela! okathi wophiya. Mwana anthu onira avahereriyaka n'matatane mwanatampi ⁴² Venyani, n'roweni! Okhala wira ole onkitumiha ori vakhiviro". ⁴³ Nan'nanoro, yena alavulaka, Yudasi n'motza wan'yayo, ahiwa ni athu intjene yari nin'yowo; anakapathatzale etukuthi ni mipottholo ephanthe ya akhulupale, anamasoma ni mahumo. ⁴⁴ Namatumiha ahavaha n'thonyero: "Yole onrowaka onkhomatza". Mwinvare ni mwin'kuxe muinsunke". ⁴⁵ Vano Yudasi vawalyawe, vohipitza ahiwa ahimuathamela Yeso ni ahira "Mwene!" ni ahinkhomatza. ⁴⁶ Vano ayo yahinvara khunthukaka. ⁴⁷ Vano waiyale yari vavale ahikumiha etukuthiawe, ahinvulaliha nanteko anamukutho ni ahinthikila niyaru-nawe. ⁴⁸ Yeso ahahimerya: "N'watzale okivara ntoko nawinye, nitukhuti nikopo? ⁴⁹ Okathi waryaka ninyo kisomihaka mahiko otene m'pane mwanLuko, khimwakivarale. Vano ela eniraneya wira tziraneye tzolepiya tzonihereye". ⁵⁰ Ni otene yari ni Yeso yahin'hiya ni yahithawatza. ⁵¹ Nan'thonpe m'motza anatharela, yowo awarale nkhumi wothela Wakhuneliyawe Yena; Ayo yahinvaratza, vano ⁵² nanthope ole ahissurukutuwa khuhiya othuli nkhumyawe ni khuthyawa ahinakhuwo. ⁵³ Yahinkuxa Yeso wa nankutho. Yahithukumana athu otene yale anamaphuka milathu, Mahumo nanamassoma. ⁵⁴ Okathi yole, Peturo aniweha tzotene onari otthiawene, hata m'pani mwa nipuwa mwanamukhutho. Yena ahonkoma variaya anamalipelela, yathamelale moro, wira oreke. ⁵⁵ Makhulupale anamukutho, ni athu otene yalavula milathu yaphela omotherya Yeso, wira yena eviye. vano ayo khayaphuanyale, ⁵⁶ Okhala wira athu intjene yaniwanatza tzowothiya wa yena hata tzitzan'mo tzahimyatzaya tzanivirikana. ⁵⁷ Akina yahivenya kiyahimyatza ethu tzowothiya anthonyaka Yena; ayo yanira: ⁵⁸ "Hiyano nomwiwa iraka: 'Mi kinapwanyula enupa Yankuko yopakiya ni matata athu ni mahiko mararu kinatheka ekina, yohipakiya ni matata athu'". ⁵⁹ Hatatzitzan'mo tzowothatzaya tzanivirikana. ⁶⁰ Vano, n'khulupale anamukhutho ahemela variyari khiyankoha Yeso: "We khunakhula etthu? Iyo tzimiaya athu'áyo wawe?" ⁶¹ Vano yena anumala ni khakhula etthu. Ekwaha ekina n'khulupale anamukutho ahinkhoha: we wa Cristo? Mwana An'luko othothopeliya?" ⁶² Yeso ahira: Ti miyano. Ni n'namona Mwana anthu anakilathale mono welophana wa namawerya ni awaka n'mekuni wirimo". ⁶³ Variyari, Nkhulupale anamukutho ahanyula ekuwo tzawe ni khuira: "Nnalelo ni'nimphela xahiti nkina? ⁶⁴ Nyu in'hiwatza ovehawawe. Vano n'nupuwela exeni". Ni othene ya hinvaha ehukhumo Yeso. Ntoko n'ttho opwanelela okhua. ⁶⁵ Akina yahiphatjera onxuwela khiyankhunela withowawe, on'mana Yena yiraka: "Olohe "Alipeleli Yahin'kuxa ni khiyan'mana Yena" ⁶⁶ Peturo onari mphanthe wavathi, vapuwane, nanteko n'motza n'thiyana ankhulupale anamukhutho ahiwa m'pakha varyiawe yena. ⁶⁷ Yena, vamonalyawe Peturo anathamelale moro oraka, ahin'wehexexa khuira: "Niweyano wari ni Natzareno, Yeso". ⁶⁸ Vano yena ahikhotha: :"Miyano hata nkitzuela wala n'kiniwa enhimyao". Yena ahikhumela vate. ⁶⁹ Vano vavale, nanteko nthiyana ahimona khupatjera ohimya tho wale yari vavale: "N'lopwana ola an'nayayo"! ⁷⁰ Vano yena ahikhothatho. Nan'nanoro ale yarivavo yanimwirela Peturo: "Ekheli we wan'nayayo, okala wira niwe Wankalileya". ⁷¹ Vano yena khupatjeraka oveha ni olapha: "Miyano inkinitzuela n'lopwanola onin'himyenyu". ⁷² Vano vohipitza, n'thupi ahipa vanen'nli. Peturo khupuwelaka yahimyalyawe Yeso: "Nthupi ahinathi wipa emara pili, emara traro onakikhotha". Yena ahona othunko khupatjera wun'nla.