¹ N'hiphuke, wira ninyu n'hiphukiye. ² Okhala wira n'lamulo yowo mwinthuninyu walamula akhwinyu ninyuwano n'nalamuliya; Ni m'phimo yowo mwirowinyu ophima ninyu n'naphimaniya yowo; ³ N'kanrowe, exeni we owehaka ephorokotza eri n'methoni mwa n'himao ni kinaweha ephorokotza eri n'menthoni mwao? ⁴ Walani onimwirelatzai n'himao: "kihiye kikumihe ephorokotza eri n'menthoni mwao", Vano weyano onarina ephorokotza n'menthoni mwao? ⁵ Nawothe! Wopatjera okumihe ephorokotza eri n'methoni mwao, vano onakhalana owerya okumiha ephorokotza ya mulupalyao. ⁶ Mwiyakawelini alapwa, walani mwiriheleni ethu yorera n'vahaka ekuluwe, walani ekuluwe, wira ehukhumeleleni enyakeliyaka ni metho ni n'rukunuwaka, tzihumwaryeni. ⁷ Vekani, ni n'navahiya; Rowelani, ni n'naphwanya; n'mane, ni n'nathukuleliya; ⁸ Okhala wira yole otene onveka on'nakhela; ni ole on'rowela on'niphwanya; ni on'mana on'nithukuleliya. ⁹ Ni tipani wa nyu onira, axanawe avekaka n'kathe, khinan'vaha n'luku? ¹⁰ Ni avekaka ehopa, khinan'vaha enowa? ¹¹ Mone, vari nyu, n'nari atthu otakhala eroho, mwin'nitzuwela ovaha ethu tzorera wa xanen'nyu, vari Papen'nyu, ori wirimo, on'nivaha ethu tzorera wale anin'vekela! ¹² Vano ele nyu em'phelen'nyu wireliya nyu mwire tzitzan;mo; vowira eyo ekano ni miririmo. ¹³ Nkele n'khora woyeva; okhala wira wotaphuwa nkhora, ni yowun'nuwa ephiro ele enin'rowiha entthu orimela; ni intjene tale anthara ephiro eyo ni anikela. ¹⁴ Vano yophunyeya n'khora, ni yoyeva ephiro enrowana wopowa; ni vakani tan'phwanya. ¹⁵ Mwi kassope, na nawothe anamiririmo, an'wa wanyu enawarale ekuwo yapwithipwithi, vano n'hinawaya amitji owali. ¹⁶ Nyu n'namwatzuwela mwaha wa mihokorokhotzaya. En'niphwananyeya ohepha ethema n'muphopweni, walani mayepe n'nantatani? ¹⁷ Tzitzan'mo mwiri worera wotene onima mihokorokho tzorera, Vano mwiri wonanara onima mihokorokho tzonanara. ¹⁸ Mwiri worera khunkhala wimaka mihokorokho tzonanara, walani mwiri wonanara khunin'ma mihokorokho tzorera. ¹⁹ Mwiri wotene ohinin'ma mihokorokho tzorera onathikiliya ni khuriheliya vamoroni. ²⁰ Vano nyu n'namwatzuwela wa mihokorokho tzaya. ²¹ Kahiyena n'tthu pisswa on'kirela: "Pwiya, Pwiya" on'kela omwene wawirimo; Wohikhala ole onira yothuna Yapapaka ary wirimo. ²² Intjene anakirela nihikun'ne: "Pwiya, Pwiya! Kinihimyale ethu wan'tzina'nenyu? Wan'tzina'nenyu khinomolale matjini? Walani wan'tzina'nenyun khinivarale ethu tzotikiniha?" ²³ Vano vekweli kinawahimerya: "N'kinutzuyelani. Kikhaleni otyawene, anakisswa! ²⁴ Vano yole oniwa molumo'ka ni khutharihela kinin'lathaniha nin'thu akhili, otekale enupawe vatzulu vamwala. ²⁵ Khurupa epula ni khuvira matzi mintjene, khuruma etheku, ni khuxikixa enupa'e; ni kuhimora, okhala wira yatekiye vatzulu va'mwala. ²⁶ Vano yole onin'wa molumo'áka ni kuhitharihela, kin'rowa olathaniha nin'lopwana n'lolo, othekale enupawe vamithakani. ²⁷ Ni khurupa epula khuvira matzi, khuruma epheyo, ni khuxikixiya enupele; Ni eyo omora'waya wary yulupale. ²⁸ Ni yakhumelelale yari, Yesu vamalihalyawe molumo'ala, Atthu intjene yari otikinihiya ni molulo'awe, ²⁹ Okhala wira yena anassomiha n'toko n'tthu arina owetya, wohikhala mana athu ossoma.