¹ Vano Yeso ahikuxiya nin'nepa khunrowana wuthakoni wira ehereriye ni xethwani. ² Ni vathukalyawe mahiku miloko mixexe ni ohiyu miloko mixexe, ahiviliya nitala. ³ Ni ole amwehererya ahimwathamela, ni Khumwirela: "Yakhala wira we wamwana Anluku, ohimerye malukuála wira ethatuwe nkathe". ⁴ Vano Yeso ahakhula: "Yolepiya: "Kahi wankathe pahi onun'xiawe Ntthu, wohikhala ni molumo otene an'khuma mwano mwan'luku. ⁵ Vano xethwani ahin'kuxa khun'rowana epoma yorera. ni khunhela vatzulu va en'pa yan'Luku, ⁶ khumwirela: "Yakhala wira we wa mwana An'luku, otuphele vathi, yolepiya wira: "Onaruma malaikha wa nyu, ewakhelele ni matataya, wira in'hikhale n'kwathuliyaka nimetho tzinyu vamalukuni". ⁷ Yeso ahin'himerya: "Okhala wira yolepiyatho: "Ohimwehererye Pwiya Nlukuao. ⁸ Okathi nkina xethwani ahinkuxa khun'rowana matzulu vamwako worakama, ni khunwehiha omwene wotene wan'laponi, ni warya waiya, ⁹ Khun'himerya: "Tzotene iya kinamuvaha yakhala wira weyano onakokhora, ni okilom'pe ¹⁰ Vano Yeso ahira: " Xissera nwo, Xethwani"! Wira yolepiya: "Wapwiya Nluku walom'pe, yawo pahi warumele". ¹¹ Vano xethwani ahinhiya; ni yahiwa malaikha, ni khunrumela. ¹² Vano vinwalyawe Yeso wira Yohani onuthukeliya, ahihokolela Okalileya. ¹³ Ni vahiyalyawe Natzareti, ahiwa okhala Okafarnahum, epoma yanthimani, mwinano ni Tzepulom ni Naftali. ¹⁴ Wira yoneye yele yahimiye ni namiririmo Yesaiya, yahimiye: ¹⁵ "Elapo yo Zebulom ni elapo yo Naftali, ephiro yo pahari ekhopela yo Yordani, Okalileya yanamatheka; ¹⁶ Atthu yakilathen'le etampi tzaya yahona warya wulupale; Yakilathale nthethe wa mututhi wa nokhwa, warya wahaphwanya. ¹⁷ Okhuma avo Yeso ahipatjera olaleya ni anira: "Nrukunuxe roho tzinyu, okhala wira omwene wan'Luku ori vakhiviru ¹⁸ Vavotho Yeso ethaka n'pantari wa epahary yo Kalileya, ahiwona axilopwana en'li utthu nin'himawe: Simony, atzimiya Peturu, ni n'himawe Andere, envuraka khavoko m'pareya okhala wira yari anakhavoko. ¹⁹ Ni Khwahimerya: "Watzani wamiyano, ni miyano kinamukhaliyani anakhavoko atthu". ²⁰ Vano ayenatze nin'nanoro yahihiya mathavi ni khunthara. ²³ Ni Yeso anirukurerya Ekalileiya yotene, assomihaka m'pani mwa N'luku, alaleiyaka molumo Awirimo, ni avonihaka maeretha otene watthu. ²⁴ Tzowira tzawe tzaniwuwa elapo yotene yosiria, ni aniwaneliya otene yahawa wethu tzotakhala, ni enarina iretha tzoviricana ni tzohoxa, ni ale yarina matjini, anepa, ni atthu ossupiya; ni Yena anavoniha. ²⁵ Ni atthu imtjene Okalileya, o Decapolis, o Yerusalem, o Yudeiya, ni okhopela yo Yordani yanin'tharela.