¹ Ni yakhumelelale ti, Yesu vamalihalyawe etthu in'ya tzohimiya, ahahimerya awixuthi'awe: ² Nyuwano Motzuwela wira'ari wamahiku meli ala en'rowa okhala epaska, ni Mwana an'tthu on'rowa ovahiya wira akhomeliye. ³ Vano maholeli amaholeli ni mahumu atthu atthukumana owan'nyawe n'holeli, ole onatzimiya Kaifaxi. ⁴ Ni avanela mwaha wa, epheletzaka wotha, en'varihe Yeso, ni emwin've. ⁵ Okhala yaniira: Wikhaleni onirani, wira ehikhale okakhanatza watthuni. ⁶ Vano Yeso anari Opetaniya, owan'nyawe Simau namaretha, ⁷ ahin'wela n'thiyana anakuxale n'sen'so, ni makhura okhalana perfume yorika, ni animwithela n'muruni wawe, yena anakilathalene vametza. ⁸ Ni arumei vamonalyaya, yahinanariya, khinera: Massi zotene'íya yire'tzai? ⁹ Walani ola wanatumihiya ehissapu yintjene, ni n'tzurukuaya evahiye amassikhini. ^{10 11} Vano Yesou onatzuwelalene n'yo, ahiwirela: Exene n'nin'xakihenyu mwan'thiyanola? Ekhweli, yena okivarela etthu yorera ¹² Okhala wira yena, van'kitthelawe makhura ala awun'khela wa errutthuáka, yena on'reriha ovithiyawaka. ¹³ Ekhweli kinawuhimeryani wira, wakhula nipuro nin'rowaya olaleria molumo'ala, ni yena onawupuweliya ela yiralyawe, wira ehiliyaliya. ¹⁴ Vano wan'motza yale n'loko neli, atzimiya Yudasi Sikariote, ahirowa wamaholeli anamukutho, ¹⁵ ni ahira: Min'phela okivaha exeni, wira kuvaheni nyu? Ni ayena yahin'malihera miloko miraro n'tzurukhu wa paratha. ¹⁶ Okhuma vavale vano aniphela n'thinto won'vahererya. ¹⁷ Ni nihiku nopatjera nan'kathe nohikhala furumento, arumei yahiwa wa'Yesu on'koha: Tivaini nyuwano mwin'phelen'nyu wira nipan'ke nira na Epasca? ¹⁸ Ni Yena ahakhul: "Rowani opoma wan'tthu n'motza, ni n'mwirele: "A funti yirale: 'okathi'aka on'nathamela. Ni nyuwano kin'rowa opan'ka epasca ni arrumei'yaka'". ¹⁹ Arrumei yahipan'ka mana tzarumiyaya, ni yahithen'ketza Epasca. ²⁰ Ni wilaka, Yena ahikilathi vametza narrumei'yawe, ²¹ Ni elyaka, kwira: Ekhweli kinawuhimeryani wira wan'motza wa nyu onakitumiha. ²² Ayena yahikhala oripiya eroho, ni n'motza nin'motza ahipatjera okoha: khiyakhala miyano, Pwiya? ²³ Ni yena ahiwakhula: Yole on'rerya n'khuku n'motza nimiyano yowo onakitumiha. ²⁴ Xariya, Mwana antthu on'rowa tzitzale tzilepiyaya; vano otakhaliya n'lopwana ole on'rowa on'tumiha! Yarerela n'lopwana yowo ahayariye. ²⁵ Ni Yudasi, ole antumihale, ahikoha: Khukhala wira timiyano, Mwene? Yesu ahimwirela: We wohimya. ²⁶ Ni elyaka, Yesu ahikuxa n'kathe, Khulom'pela, ni khumeya. Vano ahavaha arrumei, ni khwira: Kuxani, lyani; ela erutthua'ka. ²⁷ Wotharelani waya ahikuxa ekahi, ahilom'pa ni ahakawela, iraka: Wuryani otene'tzinyu, ²⁸ Okhala wira ela ephomyaka, ephome ya watana wanen'nano, yeyo en'mwarexiya nin'tjene, wira eleveleliye etam'pi. ²⁹ Ni miyano kinawuhimeryani wira okhuma nin'nanova n'kin'wuryatho wa yela yowima , m'paka nihikun'ne, kin'rowaka owurya, vatzia, wumweneni wapapa. ³⁰ Ni vamalalyaya wipa etjipo, yahikhuma erowaka omwako wa Olivera. ³¹ Vano Yeso ahiwirela: Otenetzinyu nyu n'nakithawatza ohiyu yola; okhala wira yolepiya: "Kinan'vulaliha makam'putzi, ni ipwithipwithe tzinamwareya". ³² Vano wamala ohihimuwa'waka, kinarowa oholowinyu Ogalileya. ³³ Peturu, vano, ahakhula: Hata wira otene anawuhiyani nyu, miyano n'nari n'kin'rukunuxatho niphento naka. ³⁴ Yesu ahimwirela: Vekhweli kinawuhimeryaniwira, ohiyu yola, n'thupi ahinathi win'pa, we onakikhotha emara tharu. ³⁵ Peturu ahakhula: Hata miyano kikhwaka ni nyu, n'kirina eyo wawukhothani. Ni arumei otene yakhulale etthu emotza. ³⁶ Vano Yeso ahiwa nayena nipuro nimotza natzimiya Getsemani, ni khuwirela awixuthi: Khalani n'nakilathale va, vano miyano kin'rowa vale ovekela. ³⁷ Anan'kuxalene Peturu ni axana en'li a Zepeteu, Yena ahipatjera witzikuliha ni onaka othun'ku min'tjene. ³⁸ Vano khuwirela: N'nepaka wotepa oripiya eroho m'paka wukhwani. Halani va, ni wehereryani nimi. ³⁹ Anarowalene oholo vakhani, ahuramela vatthi ni win~tho wawe, avekelaka anira: "nyu papa, yakhala wira en'niweryaneya, ekivire ekahi'ela, vano ehiraneye mana tzin'mphelaka, massi ayoni tzi nyuwano mwin'mphelinyu. ⁴⁰ Vano ahihokolowa waryaya awixutthi'awe, ni ahaphwanya erupaka, ni ahimwirela peturu: Vano, walani ewora emotza khimuin'werya owehererya ni miyano? ⁴¹ Wehwreryani, ni n'vekele, wira n'hiphwanyeni wehiya. Ayoni, n'nepa ori wolikana, vano enama tiyawotjeya. ⁴² Yena ahirowa ekwaha ya nen'li, iraka: Papa, yakhala wira en'niweryaneya ekahila ovira wa miyano kihiwuryale, yiraneya tzin'tthuninyu. ⁴³ Vahokolowalyawe okathi n'kina, ahaphwanya erupaka, okhala wira men'thoaya yahilemeliya nikhove. ⁴⁴ Vano ahahiya, ni ahirowa ovekela ekhwaha yaneraru. ahokolowelaka molumo mamotza yawo. ⁴⁵ Vano ahiwa warumeiyawe, ni ahiwirela: Vano rupakani ni n'mumule. Vano wophiya okathi mwana an'tthu on'rowawe ovahiya n'matatani mwanatam'pi. ⁴⁶ Venyani, n'roweni! Ohowa yole on'kitumiha. ⁴⁷ N'nanlelo yena alavulaka, vano ahiwa Yudasi , n'motza wale n'loko napili, ni yena atthu in'tjene, ni tukuthi, ni mipotholo, m'phanthe wamaholeli amahumu an'loko. ⁴⁸ Namatumiha ahavaha n'thonyero, iraka: Yole mi kin'rowaka on'khomatza, tinýowo. Mwin'vareke. ⁴⁹ Nin'nanoro ahimwathamela Yeso, ni khwira: kin'nukhimatzani Mwene ni ahinkapatha. ⁵⁰ Vano Yeso, ahin'koha: m'pathani, owelale exeni? Vano yahiwatza,yahin'vara Yeso, ni yahin'kuxa. ⁵¹ Ni vano yole akhalaka ni Yeso ahokola n'tatanawe, ahikumiha etukuthiawe, ni ahin'vulaliha na'teko an'khulupale , khun'thikila niyaru nawe. ⁵² Yeso, vano khumwirela: Ohokoloxere etukuthiao nipuronaya, okhala wira yole on'rowa okuxa etukuthi ni yena on'rowa okhwa ni tukuthi. ⁵³ Walani, onupuwela wira miyano n'kikhalale wowavekela Apapa, ni ayena yavelelihe mathitthi n'loko na pili ya malaikha? ⁵⁴ Walani en'rowa wiraneya tzai tzalepiye tzinira wira tzo tin'rowaya wiraneya? ⁵⁵ Okathi yole Yeso ahiwirela atthu'ale: Mwana latarau mwin'kiwelin'nyu ni tukuthi nimipotholo wira n'kivare? okathi wotene miyano kanakilathi, nusoomiha m'pani mwam'Luku, ni khimwakivarale. ⁵⁶ vano tzotene n'ya tzikhumelelale wira tzolepiya tzamaprofeta, tziraneye. Vano arumei otene yahin'hiya, ni yahithawa. ⁵⁷ Ale yan'varale Yeso yahin'wana owan'nyawe Caifa, n'khulupale ana'kutho, mapuro anamalepa ni mahumu yatthukumanalyaya. ⁵⁸ Ni Peturu ana'n'tharela othyawene, m'pakha vapuwani va nmukuthomulupale; ni ahikela, ni ahikilathi ni ana'teko, wira awehe wumalelali waya. ⁵⁹ Maholeli anan'kutho ni anamiruku otene yaphela itthu tzawothiya en'himeryaka Yeso, wira ewerye omwin'va, ⁶⁰ vano khiyaphwanya, hata ehimyaka ithu tzintjene tzawothiya tzanahimiya. ⁶¹ Wumalihani, yahiwa en'li yamotherya, yirale: Ola irale: "Kinapwexa en'pa yan'luku ni kinateka mahiku mararu". ⁶² Vano n'khulupale an'thethe ahivenya, ni ahin'koha: Khunakhula etthu watzen'yo tzin'himiya wa we? ⁶³ Hata tzitzan'mo Yeso akhala omala. Vano n'khulupale ole ahira: Kin'nuvekela wa n'luku n'kumi wira onihimerye onihimerye n'khama weyano wa'Kristo, Mwana an'luku. ⁶⁴ Yeso ahira: "We wohimya. vano mi kinawuhimeryani wira, okhuma nin'nano va, n'namona mwana an'tthu, anakilathale mono welopwana wa ole on'werya, ni awaka n'mekuni wirimu. ⁶⁵ Vano n'khulupale anan'kutho ahanyula ekuwotzawe, ni ahira: Yena oruwana! Mwin'phelatho exeni yohimiya? Nyu mwihin'wa nin'nano va oruwana wawe. ⁶⁶ N'nonela tzai? Awo yahakhula: On'phwanela okhwa yena. ⁶⁷ Vano ahixuweliya wintho, ni ahimaniya ni sookho. ⁶⁸ Akina yan'vaha epafitau, ni yanira: Olohe Kristo, tipani ovulalihale? ⁶⁹ Peturu anukilathi ota wa nipuwa. Mwan'xithiyana n'motza. Nan'teko ahimwathamela, ni ahira: Ni weyano wari ni Yeso, okalileya. ⁷⁰ Vano yena ahikhotha vavale, iraka: N'kitzuwela en'himyao. ⁷¹ Ni vakhumalyawe arowaka onkhora, n'kina ahin'weha ni ahahimerya yale yari vavale: Ni ola ari ni Yeso, onatzare. ⁷² Ni yena ahin'khotha'tho ni alaphaka: N'kinitzuwela n'lopwana ola. ⁷³ Vahinapitzeye, ale yari vavale yahimwathamela, ni yahimwirela Peturu: Ekhweli yeyano n'loko nen'no, hata malavulelwao en'nithonyihera. ⁷⁴ Vano yena ahitepa oveha ni olapha: N'kini'tzuwela n'lopwana ola! Nin'nanoro n'thupi ahipa. ⁷⁵ Vano Peturu ahupuwela molumo Yeso ahimyalhawe: N'thupi ahinathi wipa, we onakikhota emara tharu. Vano yena ahikhuma, ni ahun'la mwin'tjene.