¹ Vano Yeso ahahimerya atthwale ni awixuthi'awe, ² iraka: anamasooma ni mafarizi an'nikilathela ekhukulu ya Mosi. Vano yotene anuhimeryayani, mwire ni mwinýathi. ³ Vano mwihirene n'toko ayena tzin'varaya, okhala wira awo anahimya masii khan'vara. ⁴ Ayena anathuka mafuta olemela, khwahelelaka atthu vanikhatani, vano ayina hata vakhani nikatha khankwan'nya. ⁵ Ni an'vara miteko'tzaya wira yoniye natthu: mwaha ya yeyo tan'ramihaya maleyaya, ni maxun'ki aya khinarakamiha. ⁶ Awo anatzivela ekhukulo tzoholo n'mitjam'poni, ni ehitje tzoholo mapuro an'thukumaniya, mwin'vekeliya, ⁷ Okhomatiz m'phironi, ni watzimiya: "Mwene" natthu ⁸ Vano nyuwano, mwipheleni watzimiya Mwene, okhala wira fun'tinyu n'motza pahi: ni nyuwano othene tzinyu mwaxin'na. ⁹ Walani mwimwatzimeni n'tthu vathi va papa; okhala wira Papen'nyu ori n'motza: ole ori wirimo. ¹⁰ Walani n'hatzimiyeni funti; okhala wira fun'tinyu ori n'motza: Cristo. ¹¹ Vano mulupale wa'nyu akhale mahutumu. ¹² Ni yole on'rowa wikhutupula akhale oyevihiya; ni ole on'rowa wiyaviha akhale othapiya. ¹³ Vano kahi nyuwano, anamasooma ni afaritzi, anawothe! exeni mwin'thukinyu omwene wa'wirimu oholo watthu; hata nyu khimwinkela, walani khin'napheleha okela atthu an'phela okela. ¹⁴ N'kaweheni vale, anan'rima ni mafaritzi, anawothe! ale an'tuphela manupa ana'kheli, ethonyeraka olom'pa ekathi muin'tjene; tivavo n'nahawatza ni otthukiya wulupale. ¹⁵ N'kaweheni vale, anan'rima ni afaritzi, anawotthe! Mwin'thara pahari ni elapo wira n'thare tini; vano yeriyaka, nyuwano n'nipaka axana omoroni mara pili wovikana wawinyu. ¹⁶ N'kaweheni, amaholeli ohona, anira: Yole on'laphela enupa yan'luku, kahiyena etthu; walani yole on'rowa olaphela eworo yen'pa yan'luku, khin'khala etthu; on'nilokihiya". ¹⁷ Anan'vahuwa natthu ohona! Vano yulupale exeni: woro, walani enupa yan'luku en;reriha ewero? ¹⁸ Mwin'niratho: "Yole on'tthuna olaphela (oholo) wa enupa yan'luku, kin'khala etthu, vano yole on~rowa olaphela wa tzovahiya tzawe yena, namalokihiya tiyena". ¹⁹ Akhona! vano mulupale tipani: tzovahiya, walani oholo wen'mpa yan'luku en'reriha tzovahan'yo? ²⁰ Vano yole on'lapha oholo wen'pa yam'luku, on'lapha wa yena, ni tzotene tzirinawe. ²¹ Walani yole on'rowa olaphela en'pa yan'luku, on'nilaphela yena, ni yowo on'khala mwen'mo. ²² Walani yowo on'laphela otzulu, on'laphela omwene wan'luku, ni wayole okilathale vavale. ²³ Kahi nyu, atzuweli na faritzi, anawothe! exeni ovahaka mwavulo wa itthu tzawun'khela tza endro, ni tza n'hakhu, ni khiyanyohola itthu tzafaita tza ekano: eri exariya, eri othun'ku, eri ehakhi; itthu n'ya tzihana tzivariyaka, ohakhalelaka n'nyoho akhwao. ²⁴ Maholeli ohona, an'kikitha epwilimwithi, ni khumirya en'kamiya! ²⁵ Kahi nyu, anamalepa ni mafaritzi, anawothe! Exeni orapihatzaka otaru wa ekatha tzinyu walani ya thalu, vano n'hinamwaya tzinatzalale mawowo ni ehatje. ²⁶ Mafaritzi ohona! Opatjere orapiha n'hina mwa ekathao, wira otawaya okhale worera. ²⁷ Kahi nyu, anamalepa ni mafaritzi, anawothe! okhala wira nyu mwin'likana ni mahiye orera , otaa ekweli mwin'khala n'toko orera, vano n'hinawaya n'tzalale makhuva atthu okhwa, ni itthu tzotene tzonanara. ²⁸ Tzitzan'mo nyu, ota winyu, ekhweli mwin'khala mwana axariya watthu, vano n'hinawinyu n'nutzala tzonanara ni n'rima. ²⁹ Kahi nyu, anamalepa ni mafaritzi, anawothe! Exeni otekaka mahiye anamiririmo, khiyalom'pa n'kutho wanaxariya, ³⁰ ni khinera: "Nakhalale okathi waxipapatzehu, khinarowa okhala othapula okathi wamwarexalyaya ephome yanamiririmo". ³¹ Tzitzan'mo nyuwano mwin'nivaha namona wira axana awin'vale anamiririmo. ³² Malihwrani, vano, m~phimo welaphwunñyu. ³³ Ivili, epwaruru na evili! Mwin~rowa ohala tzai ophukiya omoroni: ³⁴ Ti'vo, miyano kinawuwanelali maprofeta, atzuweli ni anamalepa; amotzayaru n'nawin'va ni n'namwakhomela, ni akinaya n'nawatthuka n'masiinakokawenyu, ni n'nawomola n'thethe nin'thethe; ³⁵ wira owe wanyu ephome ya xariya ya Apeli, m'pakha ephome ya Zacarias, mwana a Parakias, yole n'mwivalen'nyu n'pani mwan'luku ni waltari. ³⁶ Wekhweli kinawuhimeryani wira tzotene n'ya tzinakhumelela wan'loko n'na. ³⁷ Yerusalem, Yerusalem, n'niwin'va maprofeta, ni khinavonya ale an'rumiya! okathi mikavi miyano kiphelalyaka wakhaliha axanao, mwana mwalakhu onathukumanyawe axanawe vathi vamapophawe; ³⁸ vano khin'mphelale! Vano enupinyu en'rowa ohin'ya. ³⁹ vano miyano kinawuhimeryani wira okhuma nen'nano va khimwin'kona, m'paka mwire: "Oreriya tule on'wa mwan'tzina napwiya".