¹ Vamalalyawe ohimya etthun'n, Yesu ahithukula mentho awehaka ozulu: "Papa, wophiya okathi. N'thithimiheni mwanenyu wira Mwanenyu othithimiheni, ² zizan'mo Nyu mwin'vahalin'nyu owerya wa enama yothene, wira ni Yena aavahe ekumi yohimala otene Nyu mwin'vahalin'nyu. ³ Okumi wohimala tula: wira ayena wuzuweleni Nyuwano, N'luku n'mozaru ekhweli, ni Yesu Kristo, Yole Nyuwano mwin'rumalin'nyu. ⁴ Miyano kihuthithimihani vathayani, kimaliheryaka n'teko makivahalin'nyu wira kivare. ⁵ Vano, Papa, Kithothopeleni verivanyu ni warya Karinaka Miyano Ni nyu olumwen'ku winathi opakiya. ⁶ Kothonyera n'Zinaninyu vatthuni n'laponi akivahalin'nyu. Awo yari awinyu, ni Nyuwano khukivaha Miyano, ni ayena khwun'tjathi molumwen'nyu. ⁷ VAno, azuwela wirazotene zikivahalin'nyu zin'khuma wa nyuwano, ⁸ okhala wira molumo akivahalin'nyu, Miyano kihavaha. Ayena ahakhelela ni ekhweli ayena azuwela wira kikhwumale wanyu, ni akupali wira Nyu tin'kirumale. ⁹ Miyano kin'nilompa waayena, n'kin'lompela olumwenku, masii wan'yale n'kivahalinyu, kozuwela wira awo tawinyu. ¹⁰ Zotene ziri zawaka Tiyawinyu, ni Yotene eri Yawinyu tiyawaka; ni kin'thothopeliya nayena. ¹¹ Miyano akiri tho mulumwen'kuni, masii ayenaze ari mulumwen'kuni, ni miyano kin'rowa wa Wanyu. Papa owarya, n'win'xathi wan'zinaninyu wa Nyuwano akivahalinyu, wira awo ekhale n'moza, zizan.mo Hinyano nirihu N'moza. ¹² Okathi Miyano karyaka nayena, Miyano kahiwin'tjathi wan'zinaninyu n'kivahalinyu; Miyano kowintjathi ni khavo n'moza orimelale, on'hiya mwana orimela, wira zolepiya zoniheriye. ¹³ Vano, kin'ronrowa wa nyuwano; masii kin'himya etthun'ya mulumwen'kuni, wira ekhalane otheliya waka womalela wayena. ¹⁴ Miyano kihavaha molumwaka; ni olumwen'ku ohanyokha okhala wira n'kihiyena olumwen'ku, zizamo Miyano kihiryaka olumwen'ku. ¹⁵ Miyano akin'lompa wira mwakumihe mulumwen'kuni, masii wira n'win'tjathi wanakhotho. ¹⁶ Awo n'kihiyena olumwen'ku, zizan'mo Miyano kihiryaka olumwenku. ¹⁷ Mwathelihe vekhweli; molumwen'nyu ekhweli. ¹⁸ Zizan'mo nyuwano n'kirumalin'nyu mulumwen'kuni, zizan'mo Miyano kiharuma mulumwen'kuni. ¹⁹ Mwaha wayena, Miyano kin'nitheliha, wira nayena ekhale othela wekekhai. ²⁰ Kinalom'pa kahiyena wala pahi, masii nale an'rowa okupali n'zinanaka mwamon'koni a mazuuaya, wira ekhale n'moza, zizan'mo Nyu, Papa, n'ri mwamiyano, Nimiyano, ni Miyano Mwanyu. Miyano kin'nilom'pa wira awo ekhale Mwahiano, ²¹ wirari olumwen'ku ozuwele wira Nyuwano n'kirumale. ²² warya nyu n'kivahalinyu, Miyano kihavaha, wira ayena ekhale n'moza, zizan'mo hiyano nirihu n'moza, ²³ Miyano nayena, ni nyuano wa Miyano, wira ayena ekhale owethihiya ni wathana womaliha, wira olumwen'ku ozuwele wira Nyu tin'kirumale, ni n'kirumale zizan'mo n'kiphentalinyu Miyano. ²⁴ Papa, kin'puela wira yale nyu akivahalen'nyu ekale ni miyano Mi vanrowaka okhala wira vanrowaka okhala yone warya waka, yole n'kivahalinyu, kozuwela wira Nyu mokipen'ta hokuma hopan'kiyaya olumue'ku. ²⁵ Papa axariya , olumuenku khiwuzuwelaleni, masii Miyano kin'nuzuwelani, ni ala an'nizuwela wira Nyuwano mokiruma. ²⁶ Miyano kihazuweliha n'zinaninyu ayena kinawazuweliha n'phentoninyu nyuwano n'kiphentalaninyu nikhale nayena, ni Miyano kikhale nayena"