¹ Wopatjerani ole ori molumo ahikhala; ni molumo yari Nin'luku; ni molumo ari N'luku. ² Yena ari okhuma wopatjerani Nin'Luku. ³ Itthu tzotene tzipakiye wotthunawawe yena, ni wohikhala Yena khivo wohikhala yena yipakale. ⁴ Wayena yahikhala okumi, ni okumi wari mwen'ke watthu. ⁵ Mwen'ke on'narya vepiphini, ni epiphi khiyaxinthale eyo. ⁶ Ahavo n'lopwana n'motza arumiye nin'Luku yowo n'tzinanawe ari Yohani. ⁷ Yena awale n'toko xahiti wira axututihe mwaha wa mwen'ke, wira otene ekupali mon'koni wa yena. ⁸ Yena khari mwen'ke, masi owale wira axututihe mwen'ke. ⁹ Wari mwen'kene wekhweli, onin'mwalela n'lopwana otene, era awaka mulumwen'kuni ¹⁰ Yena ari mulumwen'kuni, ni olumwen'ku opakiye ni'Yena, vano olumwen'ku Kiwan'tzuwelale. ¹¹ Awale wale awawe, ni awaweále Khiyamwakhelale. ¹² Vano otene yale yamwakhelelale, yawo yakupalale mwan'tzinanawe, ahavaha owerya wira ekhale axana An'luku, ¹³ yale yahayariye wephome, hata wotthuna wa enama, walani otthuna wan'lopwana, massi wan'Luku. ¹⁴ Ni molumo yahithatuwa enama ni yahikhala nihiyano, ni nahona warya waya, n'toko mwana n'motzaru Apapa, otzalana mahala ni ehakhi. ¹⁵ Yohani on'nin'himya Yena ni on'nikhuwela eraka: "Ola tule miyano kan'himalyaka" 'On'wa oholowaka owo okivikana miyano, okhala wira ari miyano kihinathi'". ¹⁶ Okhala wira osuwelawawe otene ninñakhela mahala vatzulu va mahala. ¹⁷ Okhala wira ikano tzavahiye ni Moises, vano mahala ni exariya tziwani ni Yesu Kristu. ¹⁸ Khavo nñakhale omonale N'Luku. N'motzaru anari N'Luku, ari naapapawe, yawo tan'tzuwelihale. ¹⁹ Ni ola namona a Yohani, okathi mayuta van'rumalyawe o Yerusalem masacertote ni ma Levita wira en'kohe: "We wapani?". ²⁰ Yena aahihimya ekhweli ni kakhothale, masi ahiilokoha: "Miyano kahiyena Kristo". Vano ahikohiiya: ²¹ "Vano we wapani? We wa ELiya?" Yena ahakhula: "Mi kahiyena". Ayena yahira: "We wa profeta?" Yena ahakhula: "N'narii". ²² Vano yahimwirela: Nihimerye we wapani, wira nawakhule ale anirumale. Walani onihimya exeni n'mentzaao?" ²³ Yena ahira: "Miyano kan'tzu n'ne ninkhuwela wuthakoni: 'Reriihani ephiro ya Pwiya', n'toko profeta Yesaiya tzihimalyawe". ²⁴ Ni ali yarumiya yaritzi mafariisi. ²⁵ Ni yahin'kohzaa: "Vano, exeni opatiitzaka, ohiri Kristo, walani Elia walani profeta?". ²⁶ Yohani ahiwakhula: Miyano kim'patiza ni matzi; Vano variyari vinyu, ohavo n'kina n'hinitzuwelen'nyu. ²⁷ Owo tan'wa otthuliwaka, miyano kihirinaka maweryelo on'rula rastaka tzawe". ²⁸ Itthunýa tzakhumelelale opetania, ekhopela ekina yo Yortani, opuro Yoyani apatizawe. ²⁹ Nihikho nikhina, yohani on'weha yesu a'mwathamelaka yena, khuhima; '' eyo epwithipwithe ya mulukho enkumiya tzotheka i'nlaponi'. ³⁰ Yari inlathuawe khihimalaka; ole onwa wamiyo othepa wun'nuya, yena ahikhala khinathi okala. ³¹ Miyano i'khantzuwela, massi, wira yena awehihiwe ins'raele, miyano khawa khipatitzkha ni matzi. ³² Yohani ahimwirela namona; miyano khoweya munepa okhurwakha wirimo in'toko ekhuntha, kunkhalela wena. ³³ Miyano inkhantzuenle; vano, yole akhirumale opatiza ni matzi, kukhirela; yole onthunenho onweya munepa okuruwa onkhalela yena, oyo tinpatiza nimunepa wawela. ³⁴ Miyano khonweha ni komwirela namona wira ola mwana Muluko''. ³⁵ Nihikho nikina, yohani ari wemwe narrumei ele; ³⁶ vano, onwehalawe yesu avirakha, khwira; eyo epwitipwithe ya Muluko. ³⁷ Arrumei ele ya hinwa ethu yohani o himalawe, kuvira antharakha yesu. ³⁸ Yesu ahirukunwela, kuweya wira ale yaninthara, khuhimwa''mwimpelani?. ale khumwakula. namuteko, onkhala vahi? ³⁹ Yena khuhimwa; in'wekhe inwehekhe ''. kura, vano, khuweha nipuro yesu akhalawe; kukhala niyena nihikhun'ne, vano wanathamela okhati wananlokho. ⁴⁰ Andere, inhimawe Simoni Peturo, ari ummotza amwimwale yohani a lavulakha khunthara yesu. ⁴¹ Yena kunpwanha yopatzera inhimawe, Simoni, kun'himera; Nonpwanha messias ( wotapulela onhima kwiristo). ⁴² Yena onkhuxa wa yesu. onwehakha wira yena, Yesu kunhimwera: "nhu mwa Simoni, mwana a Yohani.mwinra watzimiya Cefas (onhima Peturu). ⁴³ N'meloni waya, okathi Yesu orowalyawe Okalileya, ahin'phwanya Filipe ni ahimwirela: "Okithare". ⁴⁴ Filipe ari Ópetsaita, epoma ya Antere ni Peturo. ⁴⁵ Filipe ahin'phwanya Nataneel ni ahimwirela: "Wayole ohimiye mwa Livro ya Mosi ni anamiririmo elepalyaya, hiyano non'phwanya: Yesu, Mwana a Yosef, o'Natzareth". ⁴⁶ Nataneel ahikoha: En'niwa etthu yorera o'Nazare?. "Filipe ahakhwula: "Wani ni n'wehe". ⁴⁷ Yesu ahin'weha Nataneel amwathamelaka, ni ahira mwaha wayena: Owo vo Israelita ohirina yowanyihera". ⁴⁸ Nataneel ahin'koha: "N'kitzuwelale vaini?". Yesu ahimwakhula: "ahinathi Filipe owatzima, Miyano kahiwona, onari vathi va fikeira". ⁴⁹ Nataneel ahakhula: "Rabi, Nyu mwamwana An'luku! Nyu mwamwene a Israel!". ⁵⁰ Vano Yesu ahimwirela: "Okhala wira kihuhimerya wira kowona vathi wa Fikeira, wokupali? We onamona etthu tzulupale yovikana n'ya. ⁵¹ Ekhweli, ekhweli kinawuhimeryani wira nyu n'namona erimu enahuleyale, ni malaikha an'luku ewelaka ni ekhuruwaka mwaha wa mwana An'tthu"