¹ Akiri otaphuliya? Miyano kahiyena Apostolo? Miyano akimonale Yesu Pwiyehu? Nyuwano kahiyena ntekwaka mwa Pwiya? ² Kahikhale vale Apostolo wa kina, masii wa nyuwano, maana nthonyero wantekwaka wa Pwiya. ³ Nno wikhaliha waka waale ankilawiha. ⁴ Khanirina hinyano okatthi wolya ni owurya? ⁵ Khanirina owerya onkusha nthiyana nkereja onkhaliha mwarihu, mwana ziniraya mapostolo akina, ni axulupalehu wa Pwiya ni Cefas? ⁶ Walani ti Parnape niri wira nivareke nteko? ⁷ Tipani ori otoropa onivarela n'menzawe? Tipani onala ntthali khinalya zawima zaya? Walani tipani onshunka enyompe khinawurya leti aya? ⁸ Kinhimya n'ya kitharihelaka owerya wa pinatamu? Ekano kinhimya zizanmo? ⁹ Maana yolepiya ekano ya Moises: "withukeni eyano ya nyompe enari nipuru niri yolya". Enyompe pahi mwanene N'Luku omphelawe? ¹⁰ Kahiyena wahiyano yena onhimyawe? Elepiye wa hiyano, mana yole onpwattha ethaya , ohana akhalanaka nlipelelo, ni ole onurula ninroromelo ni otakaniha enurulawe. ¹¹ Nalakavale etthu zanminepani wa nyuwano, yarowa okhala yawiniha roho wurula etthu zolumwenku wa nyuwano? ¹² Yakhala wira akina ahana makhalelo awo monkoni wanyuwano, hiyano khanarowa okhalana mwintjene? Ohiya zoo hiyano khaninkatjamiheya ni yokhalana yeyo, masii ninavilela ohiya okhala atthu awana mashankiho mwa molimo a Kristo. ¹³ nyuwano khamwinzuwela wira ale anvara nteko wa kerja, anakhela yotjaya nkereja? Ni ale anvara nteko waltar anmelana yele enkhuma waltari? ¹⁴ Zizanmo, Apwiya ahimya wira yale anlaleya molumo An'Luku atjeke mwaha wa molumo An'Luku. ¹⁵ Masii miyano akikuxerale orutthu haata emoza wanzenyo karinaka wira kivahiye. Walani akin'lepa zenyo wira kivare haata emoza. Miyano kanikhupali ookhwa wohikhala ntthu okikumiha wikhutupula waka. ¹⁶ vano yakhalaka wira miyano kinnilaleya molumo, akirina razao wira kikhutupule, maana kihana wikhalihera wira kivare yeyo. Kahikini kinnrowa okhala pani kahilaleye molumo! ¹⁷ Maana yakhala wira miyano wotthuna waka kinnivara eyo, kihana otthuviya waka; masii yahikhale namona orerela, nnanlelo kihana wikhalehera waka kivahiyaka ovara. ¹⁸ Vano yotthuviaka exeni? Eniraka miyano kalaleya, miyano kivaheke molumo wohiphwanyera etthu, vano miyano nkinira yaxariya wa molumo yala. ¹⁹ Vano miyano hata kikhalanaka okathi wira kivare etthu, kihipaka nanteko atthu otene, wira kikhalane owerya kakushe attu intjene. ²⁰ Wa majuteu, kahikhaliha Juteu, wira kaxintthe majuteu.

Yale anetthela ekano, kihikhaliha mwana ntthu onethela ekano, wira ari kakushe mwaha wakano.

²¹ Wale ahirina ekano, kahikhaliha mwana ohikhalana ekano, hata kihikhalanaka ekano yan'Luku, masii ketheleka ekano ya Kristu. Miyano kovara eyo wira kakushe ale ahirina ekano. ²² Wale otthetheya kahikhaliha otthettheya wira kashinthe ottettheya. Miyano kahikhaliha etthu zotene watthu otene , wira wakhula namuna , kiwopole akina. ²³ Ni miyano kinnira zootene mwaha wa molumo, wira kikhalele etthuvo zawe zootene. ²⁴ Khimwinzuwela wira nipuro ninthawiya otene anathawa, masii nmoza tanakhela ethuvo? Vano thimakani wira mwakhele etthuvo.

²⁵ Namatthimaka onniwehaweha ashuthaka. Awo anira zizanmo wira yakhele etthuvo numala ennihononeya, masii hiyano ninitthimaka wira nakhele etthuvo ehinunttha. ²⁶ Vano, akintthimaka wohiitthu, walani akinnwana ni epheyo; ²⁷ Masii kinnivara wa kuru erutthu aka ni kinnikhaliha epotha, wira ari, kinamalihale walalera akina, miyano kikhaleni ohikhupaliya.