¹ Othariha wa etthu zilepalin'nyu: "Tiyorera nlopwana ohin'kwanya ntthiyana". ² masii wa mwaha wa miteko za mararuwo ni otthehathehiya, wa khula mlopwana ohana akhalanaka mwarawe, ni wakhula nthiyana ohana akhalanaka mwan'nawe. ³ N'lopwana ohana anvahaka mwarawe yele eri yawawe othelelalyawe; ni zizan'mo nthiyana wa mwan'nawe. ⁴ Kahiyena ntthiyana orina ekuru wa erutthu awe, wo hikhala, mwannawe. Zizanmo, kahiyena nlopwana orina ekuru ni erutthu awe, wohikhala mwarawe. ⁵ Mwikhalelane nikumwe nmoza ni nkhwawe, wohikhala wira nnumwiwanana wa okatti wothunela opilinyu, wira nvare olompa. vano numala eyo, thukumanani vazia. Zoo, xetwani khanrowa wuvarani mwaha wohikhalana ekasoopa. ⁶ Vano miyano kinawuhimeryani kahiyen mwana zovahiya wohikhala mwana oruma. ⁷ Miyano Kaniphela wira otene mwakhalale mwana miyano, maana wakhula ntthu ohana makhalelwo awe ninteko wanLuku, Nmoza namuna ola nkina namuna nkina. ⁸ Kinalopola ale ahithelale ni ale akweliye wira yanirera yakhalale zizanmo yithelale mwana miyano. ⁹ Masii yahiwerye wikasoopa, ahana etthelaka. Mana yorera otthela wohikhala yavihaka eroho. ¹⁰ Vano ale athelale kinavaha yorumiya mana ela, wohikhala miyano, masii aPwiya: "nthiyana ahimwalane mwannawe". ¹¹ Masii yena amwalana mwannawe, akhale ohitheliya, walani ahokolelane ni mwannawe zizanmo nlopwana ahimwalane ni mwarawe". ¹² Massi mwakuinaku kuinahimua miyano yohikhala Apwiya, akhala mulupalehu nmoza khukhalana mwarawe ohinatini ni khukhala wira yena onnittheliya roho okhala ni yena, yena ahimwalaneni. ¹³ Yakhala wira ntthiyana orina mwannawe ohinatini ni yena onnittheliya roho okhala ni yena, yena ahimwalaneni. ¹⁴ Mana nlopwana ohitini onnitthelihiya mwaha wa mwarawe, ni ntthiyana ohinatini onithelihiya mana mwannawe onnilompa. Ovirikana voo, axanawe yanakhala haramu, anakhalale wekhweli owela. ¹⁵ Masii, mpathani ao ohiri nkiristau khukhuma, onhiye arowe. Namuna zoo, mulupalyao walani nrokorao khakhalale owuranya ni natiriao. N'Luku onazimale wira nikhale wannretthele. ¹⁶ Mwana, zinzuwelao, nthiyana, onrowa omopola mwannao? walani onzuwela zai wira, nlopwana, onmopola mwarao? ¹⁷ Vano akhale wakhula nmoza okumi N'Luku onvahalyawe ni yeyo omwazimelalyawe. Ela tiyorumaka wakhula Kereja. ¹⁸ Ahitja mazoma okathi wazimiyawe wamini? Yena ahivitheni avithaka ntthonyero na khalawa. Khatjale mazoma okathi wazimiyawe wamini? Yena ahitjihiyeni khalawa. ¹⁹ Tivoo, walani mazoma walani ohitja ekoma khinafaita. Etthu enrerela owinwelela Apwiya ni ekethelo zaya. ²⁰ Wakhula ntthu akhale vavale aryawe okathi wazimiyawe ninLuku omwazimalyawe wira amini. ²¹ Weyano wari epotta okathi wazimiyao? Wishankeni mwaha wanýeyo. Masii wa hokolela otaphuliya, onnira yorera . ²² Akhala ntthu azimiye Napwiya mwana epotta, owo ntthu awopowa wa Pwiya. Zizanmo , yole ori awopowa okathi azimiyawe wamini, owo epotta ya Kristo. ²³ Nyuwano motthumiya ni hisapu , mwihokoleleni okhala epotta ya pinatam. ²⁴ Axulupalyaka, zizanmo wakhula nmoza narihu okatti nazimiyihu wira namini, nrowe nikhale zizanmo. ²⁵ Vano wale akhalaro ahinatthele, miyano akirina yorumina ni Apwiya. Vano kinnivaha miruku zaka mwana onira, mwaha wa othunku wa Pwiya, onniroromeleya, ²⁶ Vano miyano yanirera mwaha wa ohawa wamahiku nirihu, yanirerela wira nlopwana owo akhale zizanmo ziryawe. ²⁷ Weyano ohana ntthiyana? Wipheleni omwalana ni yena. Khurina Ntthiyana? Ohinpheleni hataa nmoza. ²⁸ Masii wattela vale, wivareni tampi. Ni nthiyana ohitheliya atheliya vale, yena khanvara tampi. Vano ole onthela onakalana mixankiho zintjene okatti onkalawe, ni miyan kaniphela wira kukasope mwaha wanýeyo. ²⁹ Masii, eyo kinnihimya axulupalyaka: okati ori vakani. okhuma va orowaka oholo, mwahiyeni ale arina nthiyana mwana ohikhalana. ³⁰ Ale anunla mwana ohunla; Ale ottheliya nrima, mwana ohittheliya nrima; ale antthuma mwana ohikhalana etthu; ³¹ ale animwira nakosoo mulumwenkuni, mwana ahinimwira nakosoo; mana makhalelwihu mulumwenkuni mu anira ephiyaka wumaalani. ³² Miyano yanikizivela nyuwano nnari awopowa mwaha wa mixankiho. Nlopwana ohithela onkhala owivaherera wetthu zApwiya, namuna yonziveliha Yena. ³³ Masii nlopwana otthela onkhala ovelevela nitthu zolumwenku. Namuna xene yonziveliha mwarawe. ³⁴ Yena onkhala okawanyeya . Zizanmo, ntthiyana yana ohitheliya walani harusii onkhala oxenkereya nitthu za Pwiya, namuna xeni okhala ohittheka nrutthuni mwawe hata nmunepani mwawe. Masii nthiyana otheliya onkhala oxenkereya nitthu zolumwenku, namuna xeni yonziveliha mwannawe. ³⁵ Miyano kinnihimya zoo wira nyuwano nkhalane yorera, ni kahiyena wira kuphanyiheni nlattu, masii yorera tila wira okattinyu mwintjene mwavarele nteko Apwiya wohikhalana nxankiho. ³⁶ Masii yakhala wira ohavo ohininkhaliha zana nthimanawe harusii ninttittimiho, ni yena kinavikana okathi wotheliya, ni khukhala wira ekhale zizanmo, ere emphelawe. Yena khanttheka; ateelane. ³⁷ Masii khukhala wira yena kharina xukhuli varohoni vawe ni khankhanyereriya, ni onnikasoopa makhaleloawe, ni khukhala wira onukhupali varohoni vawe wiira zoo, onkhaliha ntthima nawe harusii, onira yorera. ³⁸ Vano, ole othela ni nthimanawe harusii onnira yorera, ni ole onthanla ohitthela, onnira saana. ³⁹ Nthiyana onkhala ni mwannawe yena anari hai. Masii mwannawe khukhwa, yena okhala owopowa otheliya ninlopwana yena onimphelawe, eyo eniraneya Wapwiya pahi. ⁴⁰ Ninlelo wuphukani waka, yela arowa okhala ottheliya roho akhalaka zizanmo ziryawe. Ni kinnizuwela wira kihana Nnepa wan'Luku.