¹ Djesu wakapinda mubhande, wakabhiririra ngombera, akaenda muguta rake. ² Hino akamundzisira mwanarume wakakhokhodhara wakawata pabhonde. Djesu paaka wona kutenda kawo, wakati kumwanarume uha kakhokhodhoka:" usatsukware, mwana! zvitema zvako zvareguererwa". ³ Wanhori amweni akareketa pachao kuti: "Wmanarume uwu unototuka". ⁴ Djesu waiziha ndzero dzawo uye wakati: "Nguei mwoho henyu ino rangarira zvakashata?. ⁵ Ndizvipi zvirinhore? kuti: " zvitema zvako zvareguererwa", pano kuti: " prumuka, uhambe"? ⁶ Kuti muzviziye kuti mwanakomana womunhu unosimba pano panyika rokureguerera zvitema, Ihena,wakati, kuwiha wakakhokhodhara :Muka, tora bhonde rako enda kumba kako". ⁷ Mwanarume wia waka muka akaenda kumba kwake. ⁸ Mbumba iya paayakazviona hakakahamika haka namata Mwari, wakapasa simba kuwanhu. ⁹ Etchi budha apona, Djesu wakawona mwanarume wainzwi Mateu, wanga akagara pambuto wokurongosa musoho akamuti:"Nditeere" yena wakamuka akamuteera. ¹⁰ Djesu paanga ari panyumba imweni, akagara pathafura etchidha kurha, ajinji anosoheressa omusoho pamwepo nowatadzi akawiha akagara pamwepo uye akarha pamwepo na Djesu nowa fundi ake. ¹¹ Wafarisi paaka zviona wakabvunzisa kuwafundi ake: "Ngei mufundisi wenyu unorha pamwepo nowanosoheressa emisoho panwepo noatadzi?" ¹² Paakazwa izvo, Djesu wakati: "Akatamba awsvagui murapi, anorwara ndiwo anowsvaga murapi. ¹³ 13 Imwimwi maitodhikana kufundira kuthumbudzura izvi: Ndinodhisisa nyasha kudharika tchipiriso, andizi kuwiya kuzodhainza anatsi asi anozvitema. ¹⁴ Afundi a Juau akaenda kuna Djesu akati: "Ngei isusu newa fharisi tinotsanya nguwa hese, asi afundi ako atsanhi?." ¹⁵ Djesu akati: zvinoita here kuti akadhainzwa pamutchato akatsamwa atchiri ese notchikomba? Asi pamazuwa atchawiha chikomba tchitchabudha pakati pawo, atchazo tsanhya. ¹⁶ Apana unokanda tchitembwe tchiswa pajhira rokare, nokuti tchinozo nyanya kubhora, kumweka kukuru kunoitika ¹⁷ Apana unokanda vinhyu iswa mudzuwi rekare, ngekuti imomweka, vinhyu inosweteka.Kundza kazvo kandai vinhyu mudzuwi iswa kuti idzona dzitchengetane. ¹⁸ Paireketa Djesu masoko aya, umwe mukuru mukuru wakawia pamberi pake akagodhama akati:"Mwana wangu wafa, wiyai mumutsanzike nyara kuti ararame". ¹⁹ Djesu wakamuka akaenda pamwepo nowafundi ake. ²⁰ Pakanga pano mwanakadzi, wanga ano gumi remakoe namairi etchibudha ngazi, wakaenda sure kaDjesu akabhata matchira ake; ²¹ Yena wakazvibvunza kuti;" Ndikando bhata matchira akewo ndinothamba" ²² .Djesu wakatendeuka, paaka muwona akamuti: " mwana tchidho ne kutenda kwako kakuponesa" Mwanakadzi uya waka rapwa tchiriporipotcho. ²³ Panguwa Djesu hakapinda mumba momutungamiriri, mbumba hairesa; ²⁴ Iyena wakati: "bhudhai kunza ngokuti mwana azi kufa assi wakawata".Awona akamuseka zvakanhanhya ne kutswinhira. ²⁵ Apo mbumba poyakabudiswa kundza, iyena wakabata mwana omussikana pamoko akamumutsa. ²⁶ Masoko awo akabharariswa muthanhewo wese. ²⁷ Apona Djesu paaka tanga kwenda mberi, mapofu mairi akamutera, etchidhainzira kuti: "Tinzwireiwo ngoni, mwana waDavidi" ²⁸ Apo Djesu pakapinda mumba, mapofu aha akawiya kwari. Djesu wakaati:" munotenda here kuti inini ndinga kwanisa kuzviita?" Awona akati:" Honde Ishe." ²⁹ Djesu wakabhata madziso awo akati: "ngazvitwe mumaererano nokutenda kwenhu". ³⁰ Madziso awo akawona. Djesu wakaa kohomedzesa :" Munowona apana unodhikana kuzvizia" ³¹ .Assi anarume airi aya akaparadza masoko mumu tanhewo wese. ³² Panguwa haienda anarume airi, mwanarume tchimumu wanga akagarwa ngoshai wakaundzuwa kuna Djesu. ³³ Panguwa haka bviswa dimoni riya mwanarume tchimumu tchakatanga kureketa.Mbumba hanganga iripo hakapatika:" Izvi azvisati zvamboitika kareko kuIziraeri" ³⁴ Mafariseu akati" Mukuru womadimoni urikuwadzinguira madimoni". ³⁵ Djesu wakaenda mumaguta nomutanha etchifundisa mumaSinagoga ake, etchitequetessa vangeri roumambo uwe etchirapa muchobo wese wonhenda. ³⁶ Paaka wona mbumba, wakazwira ngoni, ngokuti wakwnga akaremba uye anoshungu, wanga akatingana makwai asina muuchi. ³⁷ Iyena wakati kuwafundi ake:" Mundha mukuru asi asendzi akashomanika. ³⁸ Ngokudharo kumbirai Ishe womundha, kuti atume asendzi mumundha".