¹ Pauro, mupositori waKirisitu Djesu ngotchidho tchaMwari, ku atswene aMwari ariku Efeso, nokutendeka muna Kirisitu Djesu. ² Nyasha kwamuri, nomutendere unobva kunaMwari Bhabha wedhu, nowaIshe Djesu Kirisitu. ³ Rukudzo ngariwe kuna Mwari, Bhabha waIshe wedhu Djesu Kirisitu, akati komborera nomakomborero ese oMweya mumbuto dzokudhenga muna Kirisitu. ⁴ Nyika isati yaumbwa, Mwari wakati tsara muna Kirisitu kuti tiizwe atswene asikapumhwi mumadziso Mawo. ⁵ Uye Mwari akatitsara kuita ana ake, ngopamusana paDjesu Kirisitu, ngomaererano okunaka notchidho tchake. ⁶ mukuizwa ana kunobva murumbidzo norukudzo ronyasha Dzake, dziya dzaakatipasa nyore mumwana waakadha. ⁷ Muna Djesu Kirisitu, tino rusununguko mungazi yake, nokurekererwa zvitema, maererano noufhumi onyasha Dzake, ⁸ Iyena wakadhurura nyasha dzijinji kwatiri muruziyo rese nokuzwisisa. ⁹ Mwari wakaita kuti tiziye zwakafisika ngotchidho tchake, maererano nozwaimupfadza, zvaaka pangidzira muna Kirisitu, ¹⁰ Nourongwa wokuti zwese zvi rarame nokudha konguwa, kuitira kuti zwese zvisongane zvoKudhenga pamwepo no zwopanyika, zwetshi tungamirirwa no musoro umwe, Kirisitu. ¹¹ Muna Kirisitu, takaizwa anyanhaka, nokutsarwa nguwa isati yakwana, mumaererano ourongwa Wake uya wakasika zvese ngotchidho tchake. ¹² Mwari akatiita anyanhaka kuitira Kuti tiite okutanga kugara nerukariro muna Kirisitu, ¹³ Muna Kirisitu, makazwawo soko retchokwadhi, Vangeri rekuponeswa kwenyu, uye mukaritenda, makanamirwa noMweya Mutswene wanga wakagondeswa, ¹⁴ Ndiyena tchigondeso tchonhaka yedu, dzamara taona rugondeso re nhaka yakadzara, kuitira rukudzo roukuru Wake. ¹⁵ Ngokudha kwazvo, kubvira pandakazwa ngozwokutenda kwenyu munaIshe Djesu, nopamusana perudho renyu kuwa tswene ese a Mwari, ¹⁶ Andizi kuima kutenda Mwari ngopamusana penyu nokumurangarirai muminamato yangu. ¹⁷ Ndinonamata kuitira kuti Mwari waIshe wedhu Djesu Kirisitu, Bhabha werukudzo, kuti akupei mweya woruziyo ne wetchipangidziro tchekuzia kwaMwari. ¹⁸ Ndinonamata kuitira kuti madziso e moyo wenyu avenekerwe, kuti muziye tariro yakakwana, yamakadhaidzirwa ndiyo, upfumi wonhaka yerukudzo Rwake pakati pe atswene ese aMwari. ¹⁹ Muminamato dzangu, ndinokumbira kuti muziye ukuru usikapimiki we simba Rake, riri metiri isusu tinotenda, maererano no bhasa re simba Rake guru. ²⁰ Iri i simba rimwe rimwero rakaizwa naMwari muna Kirisitu paakamu purumusa muakafa, uye akamugadzika ku dhiyi rake romurhyi mumbuto dzokudhenga, ²¹ Pamusoro soro peutongi wese, ubhabha, nesimba, neupambi uye nomazina ese anodhaidzwa. Kirisitu aazotungamiriri nguwa ino bhasi, asi anozotungamirirawo mu nguwa inoteera. ²² Mwari akakanda zviro zwese pasi pemirenje dzaKirisitu, uye akamupereka kuwatendi kuita musoro wezviro zvese. ²³ Atendi ndiwo mwiri waKe, anotchitenderwa tchouya anodzadzisa zvese ku ese.