¹ Nokudharo, utchadha Ishe Mwari wako uye utcahayiga kufindisa kwake, uye nokuterera kwake, uye nokute tendera kwake, uye nomutemo dzake, muzuwa ese. ² Bhatai kuti andiripi kubuya kuno anake, aya amuzuwasiyi kana kuzowona kupangirhwa kwawo kuna Ishe Mwari wenhu, ukuru, wo nhara yake yakasimba, kana kubhata nhara yakatanbaradzwa, ³ zvipingidziro uye nomabhasa ese wokuti Ayena wakayita kuna Farao, manbo wo Egipita, uye no nhika yake yese. ⁴ Kana padhoko mukawona kuti Ayena zvakayita no nbunba yo Egipita, no hachi dzawo, kana ngoro dzawo; uye no muchobho wokuti Ayena wakayita kuti nbvura yo mubhahari rokutsuka yakafukidza paimuterai, uye hinga Ishe wakaaphutsa dzamara nhamasi; ⁵ kana Ayena zvaakamuyitira mu thambe musati mauya pa nbuto ino. ⁶ Awona azi kuwona zvakayita Ishe kuna Data uye na Abirao, ana a Eliabe, mwana wa Ruben; hinga nhika yakafungunura muromo uye yaka wamedza, no ukama wese, nozvitunba zvawo, uye no murarami wese wayi ya terera, pakati po Isiraeri yese. ⁷ Asi imwimwi makawona mabhasa ese zvikuru wokuti Ishe anaosoyita. ⁸ Ngokudharo, igayi mutemo dzese dzokuti Inini ndirikumutumai nhamasi, kuti mugare maka simba, pindai uye torai nhika yamurikwenda; ⁹ uye, nokudhai, imwimwi kana kurebhesikwa mazuwa enhu munhika yokuti Ishe wakapika kupasa kuno madzibhabha enhu kuno ana anawo, nhika ino tchikwata tcho mukaka uye no utchi. ¹⁰ Nokuti nhika yamutchagara ayizi kutodzana no nhika yo Egipita, kamakabva, kamaka sima nbeu uye makadhirira no murendje dzenhu, hinga chango romuti; ¹¹ asi nhika yamutchagara inhika yo colina uye vale, uye umwa nbvura yoku dhenga, ¹² nhika yokuti Ishe, Mwari wenhu, unotchengeta, madziso a Ishe, Mwari wenhu, ari pamusoro pake kwenda na kwenda, kubvura pakutanga dzamara pakupera po gore. ¹³ Kana imwimwi mukapurutna zvakanaka mutemo dzangu dzandino mubvundzayi nhamasi kuti mudhe Ishe, Mwari wenhu, uye mumu sendzere no moyo wenhu wese uye no mudzimu wenhu wese, ¹⁴ nokudharo, nditchapasa nbvura pa nhika yenhu mamuno gara, kutanga uye nokupedzesera, naizvo, mudhikana muunganidze zvisimwa zvenhu, Vinhu yenhu yozvino, uye mafuta enhu. ¹⁵ Inini nditchapasa tsango mu munda dzenhu kuti madhanga enhu, uye mutcharhiya uye mutchazoremba. ¹⁶ Dzibhatei kuti moyo dzenhu dzisa tchengedzerhwe, uye kuti imwimwi mutseteke, uye musendzere madzimwari amweni, uye mugodhame kaari awona, ¹⁷ naizvo, chungu dzaIshe dzatcha bhaka kamuri, uye, nokudharo, utchafunga dhenga, apatchazowoneki nbvura, uye, nmhika aizoyite zvibhereko, uye mutchazo ruza nhika yakanaka yokuti Ishe arikumupasa. ¹⁸ Ngokudharo, igayi masoko angu anha pa moyo dzenhu uye no pamudzimu dzenhu; sungai hinga tchipangidziro pa nhara yenhu, uye zvisiyei zviite hinga makewandza mumadziso enhu. ¹⁹ Mutchafundisa ana enhu uye mutchabuya pamusoro pazvo mukagara munhu dzenhu, muhanba no gwandza, pamuzowata, uye pamupurumuka. ²⁰ Motcha twenga masoko amwewo pamusiwo dzo nhumba dzenhu uye no pa gadi wo guta, ²¹ kuti athunudzirhwe mazuwa enhu uye no mazuwa wo ana enhu pa nhika wokuti Ishe wakapika wakapasa akurukuru akapinda kare, patchiwoneka dhenga pamusoro po nhika. ²² Naizvo kana imwimwi nokuziya mukayiga murairo dzese idzi dzandamubvundzai uye mukadzi dzadzisa, kuti mudhe Ishe, Mwari wenhu, kuti muhanbe mumakwandza ake ese, uye, imwimwi mukaranbara muri paAri, ²³ nokudharo, Ishe atchadzingira madzindza ese pakati penhu, uye mutchabvundzira madzindza akawanda uye anosinba kamuri imwimwi. ²⁴ Nbuto yese wokuti kusimwa ko murendje wenhu utchatsika ngopenhu; ku thambe ko Libano, uye ko muranbo, no Eufrates, dzamara bhahari roku mawodza nhenba utchayita mugano wenhu. ²⁵ Apana mwanarume utchazogara kunberi kenhu; Ishe, Mwari wenhu, atchakusa kuthiya uye nokupatika pamusoro penhu nhika yese yamutchatsika, hinga zvaena zvamubvundza. ²⁶ Wonai, inini nhamasi ndinokanda panberi penhu maropafadzo uye no kutukwa; ²⁷ ropafadzo, kana mukaterera murairo dza Ishe, Mwari wenhu, wokuti nhamasi ndinomutuma; ²⁸ uye kutukwa, kana mukasama kuterera murairo dza Ishe, Mwari wenhu, uye muka tseteka kudsere ko madzimwari amweni amusikazii. ²⁹ Kana Ishe, Mwari wenhu, akamundzisa mukati mo nhika yamutchagara, mutchakanda maropafadzo pa dhunu Gerizim, uye kutukwa mu dhunhu Ebal. ³⁰ Aripi awona kupindira Djorodhani, kumawodza nhenba pagwandza rokumadhokero, mu nhika yo wa kananeu anogara ku araba, ngoku nberi ko Gilgal, ku dhi ro mutchindu dzo More?. ^{31 32} Naizvo kuna imwimwi munodha ku dharika Djorodani, kuti muyende ko gara ku nhika yokuti Ishe Mwari wenhu arikumupasai, uye imwimwi mutchagara uye moku rarama mayo. Mutchazoyiga murairo dzese dzokuti inini ndaka kanda panberi penhu nhamasi.