¹ Es i revelason di Jesus Kristu, kil ku Deus dal pa i mostra si servu kusas ku kana tarda pa kontisi, i manda andju pa mostra si servu Djon.

² I ta testifika di palabra di Deus ku tustumunhu di Jesus Kristu, ku tudu kil ki odja dja.

³ Sortiadu, i kilis ku lei, ku kilis ku obi palabra di es profesias ku guarda kusas ku skirbidu nel pabia tempu di fin pertu dja. ⁴ Djon na skirbi pa seti igrejas ku sta na Asia, pa fabur ku pas di parti di kil ki era ba, ku sedu , ki na bim sta sta ku bos, i di kil ku seti spiritus ku sta dianti di si tronu

⁵ tambi di parti di Jesus kristu kil ki fiel tustumunhu, el ku lanta di mortu, prinsipe di reis di tera, kil ku amanu i ku si sangi i laba no pekadu.

⁶ i fasinu saserdote ku pa Deus ku sedu si pape, pa el ku ta dadu poder, ku gloria pa tudu sempri amem. ⁷ I na bim na nuvens tudu djintis na odjal, te kilis ku fidi si kurpu, tudu rasa, na mundu na miskinha riba del, asim ki na sedu.

⁸ Ami i kumsada, ku kabantada, asin ku Sinhor ku sedu ba, ku sedu, ku na bin, kil ku tene tudu puder fala. ⁹ Ami Djom bo ermon, bo kumpanher na aflison, ku na pasensa di Jesus Kristu, ku na reinu, nstaba na djiu di Patmus pabia di palabra di Deus, ku tustumunhudi Jesus Kristu.

¹⁰ Nrabatadu na spiritu na dia di Sinhor n’obi tras di mi un vos suma korneta garandi

¹¹ ku fala ke ku bu na odja skirbil na un libru pa bu mandal igrejas ku sta na Asia: EFESU, ESMIRNA,PERGAMU, TIATIRA, SARDIS, FILADELFIA, KU LAODESISEIA.. ¹² N’rabida pa djubi kim ku na papia ku mi, n odja seti kanderus di uru.

¹³ Na metadi di ki seti kanderus di uru, un algin ku parsi fidju di omi, ku kamisa kumpridu te na pe, i mara pitu ku sintu di uru. ¹⁴ Si kabesa, ku si kabelu i branku suma lan, , tambi suma nevi, i si udjus suma fugu.

¹⁵ Si pes na brilia suma metal ku ta lampra, i parsi briliu di fugu na furnu, si fala i suma barudju di manga di yagu.

¹⁶ I tene ba na si mon seti strelas, ma na si boka i na sai spada gudu di dus boka, si rosto staba suma sol di meio dia. ¹⁷ Otcha kum odjal nkai si dianti suma mortu. El i pui si mon direita riba di mi, i falan ka bu medi ami i kumdasa ku kabantada, ¹⁸ Kil ku vivi, ku matadu, ma gosi nsta bibu pa tudu sempri amem. ¹⁹ Skirbi e kusas ku bu na odja, ku na kontisi, ku kilis ku na bin kontisi

²⁰ Kil seti strelas ku bu odja na nha mon, i seti andjus di seti igrejas, kil seti kanderus ku bu odja i ki seti igrejas.