¹ Nkulu wa ntsembe adawabvudza:Bzinthu bzimwedzi bza cadidi? ² Estefano adalewa:"Abale na Azipai,ndinbveni:Mulungu wa ukulu adabwera kuna n'kholo lathu Abulayamu pomwe akhali ku Mesopotaniya,akanati kukhala ku Harã. ³ Adamu uza coka dziko lako na wadzidza wako, uyende ku dziko komwe ine nidzakuwonesa, ⁴ Abulayamu adasiya dziko lace la kaldeusaciyenda ku kakhala ku dziko la Haã.Ndipo pakufa kwa babace, Mulungu adamucitisa kuti iye apite mu dziko limwerire lomwe imwepo mukukhalali ⁵ Iye alibe kumupasa nfuma iriyetse,ayai pakuyikha mwendo yace,ndipo adamulonjeza kuti angadan'pasa dziko ninga n'fuma na wadzidza wace,akanati kukhala na mwana. ⁶ Mulungu adalewa lewa tsiku zi zinji naye moda umweyu:thangwe wa dzidza wako adzakhala dziku zizinji ku dziko la kusaya kudziwika komwe adzakhala akapolo aciboneresedwa kwa magole madzana manayi(400). ⁷ Mulungu adalewa:Ine nidzatonga thundu omwe adzakhala akapolo. Pakupita bzimwebzi,adzabwera acindipen'phera mbuto yimweyi. ⁸ Pamwepo adan'pasa pangano la kukwata,na tenepo Abulayamu adadzakhala baba wa Isaki adadzamugwata nsiku ya cisere(8).Isaki adadzkhala pai wa Yakobo ,Ykobo adadzakhala baba wa akulu-akulu khumuna awiri (14). ⁹ Akulu-akulu adakhala na ntsange kuna Joze,acimungulisa ku egipto,ndipo ndipo Mulungu akhanaye . ¹⁰ Adamucosera m'bitcha zentsene,acin'pasa n'khombo nzeru na mulumbiro ya Farawo, Farawo adakhzika n'fumu waku egipto napombo nyumba yace entse. ¹¹ Kudabwera njala ku egipto napomba ku kanani,padaoneka kubonera kukulu padziko ndipo makolo yathu yakhabawonalini cakunya. ¹² Pomwe Yakobo adabva kuti ku egipto kuna mbewu,adatuma pakuyambirira,wakulu-wakulu wathu. ¹³ pa ciwiri, joze adabzidziwisa kwa abale wace,wa dzidza wace adadziwisidwa kwa Farawo. ¹⁴ Joze adatumiza abale wace kuti akauze Yakobo,babace,kuti abwere ku egito, pabodzina dzindza lace,iyo akhali makumi ma nomwe na acanu ya wanthu. ¹⁵ Pamwepo,Yakobo adayenda ku egipto,kumweko iye adafa na makolo yanthu. ¹⁶ Adayendesedwa ku siquemacitayidwa mu dindi lomwe Abulayamu akhadagula nakulewegerana kwa kombiri,ya wana wa Emor, k siquem. ¹⁷ Ikhafendera thawi yamalonjezo yomwe Mulungu akhadayicita kwa Abulayamu,mbumba ikhakula icithumizirika ku egipto . ¹⁸ Pomwe padawoneka n'fumu yinango yomwe ikhadziwa lini cinthu ku mbali ya Joze. ¹⁹ N'fumu iweyi idanamiza mbumba yathu aciboneresa makolo yathu,Adawakakamiza kuti ataye wana wawo, kuti aleke kukhala nawo. ²⁰ thawi imweyo, Mozesi adabwada.Iye akhana ma onekadwe ya bwino kwa Mulungu, adakhala wakumamisidwa minyezi mitatu kumuyikwa babace. ²¹ Pomwe adacosedwa kunja,mwana wa farawo adamutenga acimufuwa ninga mwanace. ²² Mozeji adapfudzisidwa nzeru zetse zaku egipto,akhali wan'phanvu na mafala yace na basa lace. ²³ Pomwe akhana magole man'khumi manai(14),cidabwera cifundo cakufuna kaona abale wace, wana wa iljiraeri. ²⁴ adaona wa iljiraeri bobzi akhaboneresadwa, Mozeji adamun'khotcherera,aciboneresa, ndipo acin'pha umweyo aku egiptoyo, ²⁵ Akhakumbuka kuti abale wace angadabvesesa kuti Mulungu angadamwantsudzula na manja yace, tsono ilibe kubvesesa. ²⁶ Dziku inango adafendera kuna wa iljirayeri,pomwe akhapokana iye adayezera kuwa eruza aciti;Amuna imwepo ndimwe ubalebwanu;Thagweranyi mukuboneresana?". ²⁷ omwe akhaboneresana mwadzace adamugwesa;acilewa:"Mbani adakikha n'tsogoleri kwa ifepano? ²⁸ Iwepo ufuna kundin'pha ninga bzomwe udacita waku egipto dzulo? ²⁹ Pomwe adabva bzimwebzire, Mozeji adathawa. Adakhala wakutazidwa kudziko la midiyã,komwe adabereka wana awiri. ³⁰ Pakupita makhole madzana manayi(400),adabwerera ngolo ku n'thego kun'phiri ya sinayi.pa muti wamoto. ³¹ Pomwe Mozeji adaona moto,adakhala wakudabwisika na mason'phenya,adafendera kuti akaone,adabva fala la Ambuya,liciti: ³² Ine ndine Mulungu wa azibabako, wa Abulayamu,wa Isaki napomba wa Yakobo."Mozeji adatetemera alibe kukhala na n'phanvu ya kunyanganisa. ³³ Ndipo Mbuya adamuuza:"cosa cango zaku thangwe mbutoomwe uliyo njakucena. ³⁴ Ine nda one kubonera kwa mbumba yangu yomwe iri ku egipto.Dabva dandaulo lawo pomwe nidzambuluka kudzawacosa;bwera tsapano ndikutume uyende ku egipto. ³⁵ Mozeji umweyu,pomwe akhadalamba acilewa;"Mbani akukhalisa wakutonga?omweu atumidwa na Mulungu ninga mbuya n'pulumusi,na mboko la ngelo yomwe idabwera pa muti akunkhaka. ³⁶ Mozeji adawacosa ku egipto pomwe akhadamala kucita bzakudabwisa na bzizindikiro mu gombe lakufwuira napombo cidambo,pakupita magole madzana manai (400). ³⁷ Omweyi ni bodzi-bodzi Mozeji adalewa kwa wadzindza la iljiraeri"Mulungu adzasangula pakati pa ubale bwanu,polofita bodzi ninga ine." ³⁸ Uyu ndiye akhali thithi wawathu kucidambo,na ngelo ikhale pa n'phiri la sinayi,na wanthu wakale, omwe adatabira fala la moyo kuti atiuze, ³⁹ Uyu ni mamuna omwe babathu adalamba kumubvera;akhalamba;acibwezera mi tima yawo ku egipto. ⁴⁰ Pathawe imweyire adaleya kuna Aroni:ticitire mulungu kuti atitsogolere.Pomwe Mozeji adaticosa kudziko la egiptoyu,ifepano tikudziwalini cacitika nciyani kuna iye. ⁴¹ Tsiku zimwezi,adakodza acipereka tsembe wa mulungu wawo,adasekerera na basa adacita na manja yawo. ⁴² Mulungu adafundukira aciwasiya pamapen'phedzero yawo yakudzulu, ninga dzidanembedwa mu bukhu la polofita:"Kodi mwandiperekerambo tsembe pa magole ma dzana manayi yomwe mwa mala mucidambo,nandi mbumba ya iljiraeri? ⁴³ Imwe mudatawira cisasa ca Moloki na nyenyezi ya mulungu Refã,na bzithudzi-thudzi bzomwe mudacita kuti mudzipembe:Ine nidzakutengerani kutali kukuyendesani ku Babiloniya." ⁴⁴ Makolo yathu yakhana kacisi wa umboni mu cidambo ,ngati Mulungu adapan'ganiza pomwe adalewa-lewa na Mozeji,kuti bzikhafunikana maligana na moda omwe iwo adawona. ⁴⁵ Iyi ni nyumba yomwe makolu yathu,pa n'thawi ire,adawatenga aciyenda dziko linango wa Josue. ibzi bzida citika pomwe adapasiwa odindopomwe Mulungu adawacosa patsogolo pawakulu-akulu wathu.Bzidakhala tenepo pakanatsiku ya Davi. ⁴⁶ Mbani ayoni n'tsisi pa maso ya Mulungu;Iye adakubira kuti agumane mbuto yakusaya kudziwika wa Mulungu wa Yakobo. ⁴⁷ Salomoni adakodza nyumba ya Mulungu. ⁴⁸ Nabwedze, mwa Mwaba abakhalalini nyumba yakukodzedwa na manja ya muthu,ngati adalewa n'polofita: ⁴⁹ Kudzulu ni n'phandu wangu,ndipo dziko ni cakupondera miyendo yangu.Nyumba moda uponi mungandikodzere,akulewa Ambuye;kodi irikuponi mbuto omwe nigankapumire? ⁵⁰ Manja yangu akhaciterini bzetsenedzi?" ⁵¹ Ndimwe wanthu wakuuma na wakusaya kugwatiwa mitima na makutu,thawi zedze mumbadziumisa kuna Zimu Makucena;imwepo mumbakumbuka ngati makolo yanu yakale yakhakumbukira. ⁵² Ma polofita mangasi yomwe makolo yanu yalimbe kuwatewera?imwo adan'phaba mapolofita yomwe yadamwera pomwe akanati kubwera wakulungama;napombo imwepo mwakhala wakunama napombo bzingawenga bza amwa ⁵³ Imwe,wathu omwe adatambira lamulo pa utumiki bwa anjo,ndipo alimbe kuyakoya". ⁵⁴ Pomwe wa mbali ya yatongi adabva bzibzire,adakalipa mun'tima mwawo,acimba kukuta mano thagwera Estefano. ⁵⁵ Tsono iye,wakudzala na m'zimu akucena,adanyanganisa kudzulu ndipoada ona ukulu wa Mulungu, Jezu,adaima,kumadidi kwa Mulungu. ⁵⁶ Estefano adati:"onani ndikuwona kudzulu kwafunguka,ndipo Mwana adayimiriri ku madidi kwa Mulungu". ⁵⁷ Ndipo,pa gulu la alagizi adakuwa kwene-kwene,adafunga makutu yawo pabobzi adamunesa iye; ⁵⁸ adanthusa kunja kwa zinda acimuteme na minyala;ndipo wa umboni adasiya batchi lace pa minyendo ya pswaka dzina lace Saulo. ⁵⁹ Pomwe akhantema Estefano,iye akhacemera Ambuye kuti:"Buya Jezu,tambirani zimu wangu." ⁶⁰ Iye adakhodama acikuwa kwene-kwene:" Mbuya,lekani kutenga thakwe na kun'phanya kwawo".Adalewa bzimwebzi adagwa acigona(kufa).