¹ ''Nlaikha na ekereja ya Osardi on'nilepaa: 'Ala molumo a Ole orina Minepa thanu napili tja Muluku ni itheneri thanu napili: Kotjuwela miteko tje-nyu: munkhale nkumi ni n'hokhwa. ² Nkhale owehaweha ni mwakhulele mphantti nkina watthuna okhwa, okhala wira nkiphwanya miteko tje-nyu tjooloka eriyari ya Muluku aka. ³ Vano mupuwele ele eniwenyu ni enakhele-nyu; mwiwelele ni mwintuthuwe. Ni, mwahiwehawehe, Miyano kinawa ntoko nawiye, ni nyuwano khamunrowa otjuwela okathi onrowaka wowelani. ⁴ Vano akhala matjina makinaku Osardi ahittakattihale ikuwo tjaya. Awo anrowa wettaka ntoko atthu awarale ikuwo tjottela, vano ta ekekhayi. ⁵ Ole onrowa oxintta onawarihiya ikuwo tjottela ni nkinkhalakhala kitjipihaka ntjina nawe Nlivuruni mwa Ekumi. Miyano kinahimya ntjina nawe eriyari ya Atithi Aka ni eriyari ya malaikha Aya. ⁶ Ole arina maru inweke enihimyaya Munepa eriyhari ya ekereja'''. ⁷ ''Mwa nlaikha na Ofiladelfiya on'nilepa: 'Ala molumo a Ole ori Owarya ni Ekekhayi. Owo ohana ehulelo ya Davidi, Ole ontthukhwa ni khuvo ontthukula, ni Ole ontthukhwa ni khuvo onwerya Otthukula. ⁸ Miyano kotjuwele empake-nyu. Moone wira Miyano kin'niphweha oholo we-nyu onkhora m'motja wotthukuwa ni khuvo onrowa otthukhwa. Kotjuwela wira nrina owerya vakhani. Hata tjitjam'mo, mun'niwelela molumo Aka ni khan'nikhotta n tjina Naka. ⁹ Kinamwapakela ale anirela mphantti nthukumano ni Axotwani, ale anipaka okhala ayuda ahikhanle, vano an'nootha, kinamwawana oholo we-nyu wira yokokhoreleni n'nyawuni mwe-nyu ni onotjuwela wira Miyano kihophentani. ¹⁰ Vano nyuwano mun'niwelela molumo aka ni n'navilela ventji, ni-tho kinamopwehani okathi wottehiya onkela owa elapo yotene, wira attehiye ale ankhala nlaponi. ¹¹ Kinawa vohipitja, nkhapele erine-nyu wira ahikhale onrowa okuxa ekorowawe-nyu. ¹² Ole onrowa oxintta, Miyano kinanlipiha n'hina wa mpani mwa Muluku Aka ni owo khonrowa okhuma. Kinanlepa n tjina na Muluku Aka, ntjina na epoma ya Muluku Aka (eyerusalemu esya, enrowa okhuruwa wirimu, mphantti wa Muluku) ni ntjina Naka nsya. ¹³ Ole arina maru inweke Munepa on'himeryaya ekereja'''. ¹⁴ ''Nlaikha na Olawudiseya on'nilepela: 'Tjam'mo onihimya Amem, namona ekekhayi , opatjerya opattuxa wa Muluku. ¹⁵ Kotjuwela miteko tjenyu: khahiyo timoviha n'nakhala orirya; vanirerela mwaari ooviha hata oorirya! ¹⁶ Tjitjam'mo nyuwano timoovola, n'nakhala oviha n'nakhala orirya, Miyani kinamorapheyani mwano mwaka. ¹⁷ Okhala wira n'nihimya: 'Miyano ka thaatjiri, kokhalana itthu tjintji ni nkimphavela-tho etthu ekina'. Ni khan'nitjuwela wira khan'nihakalala, ohawa, masikhini, ohona ni ohiwara etthu. ¹⁸ Kin'novahani miruku wira wa miyano nthume ewero yorerihiya vamoroni wira nkhale thaatjiri, ikuwo tjottela wira n'hikhale ohiwara etthu, ni makhura wira nrerihe mentho enyu, wira mooneke. ¹⁹ Kin'nakhottiherya ni kin'naleliha ale anaphentaka. Vano, nkhalane ephole ni mwiituthuwe. ²⁰ Kiri vankhora ni kin'nimana. Wakhala ntthu onimwiinwa ntjuna Naka ni khotthukula nkhora, Miyano kinakela mpani mwawe, kinakhala ni yowo ni owo ni Miyano. ²¹ Ole onrowa oxintta kinanvaha owerya wokilathi ni Miyano vehitjeni Vaka, ntoko tjitjam'mo-tho Miyano kixinttalyaka ni Kikilathi ni Atithi Aka, vehitjeni Vaya. ²² Ole arina maru inweke Munepa on'himeryaya ekereja'''.