¹ On'no woniheriya wa Yesu Kristu, yowo Muluku onvahalyawe wira oniherye awixutti Awe enrowa wiraneya vowakuveya. Owo otjuweliha orumaka nlaikha nawe wa nrumeyi Awe Yohani. ² Yohani ohimya tjotene owehalyawe mwaha wa molumo a Muluku ni namona ovahiye a Yesu Kristu. ³ Ooreriya taale antjoma ni aninwa molumo ootaphuleliya n'no ni antthara in'ye tjilepiye mem'mo, okhala wira okathi ohakuveya. ⁴ Yohani, ikereja thanu napili tja Wasiya: mahala akhale ni nyuwano ni nrettele wa Ole ori, ni aari, ni onkela owa, ni minepa thanu napili tjiri oholo wa ehitje Awe, ⁵ ni wa Yesu Kristu, ori Namona Ekekhayi, Oopatjerya mwalipa okhwa, ni Okhulupale a mamwene vathi. Ole on'niphenta ni ontaphunle itampi tjihu mwaha wa ephome Awe, ⁶ ni onipaka hiyano omwene, anankuttho a Muluku Awe ni Tithi, Yowo ovuwa ni owerya okathi wotene ni wohimala. Amem. ⁷ Owo on'niwa ni mahutte ni mentho otene ononweha, vamotja ni ale avirale. Ni maloko otene a vathi onikhupanyerya oholo Wawe. Ayo, amem. ⁸ ''Miyano ka Alfa ni Omega,'' on'himya Pwiya Muluku, ''Ole ori, ni aari, ni onkela owa, Owerya Tjotene.'' ⁹ Miyano, Yohani, axin'ninyu, ale onirela mphantti ni nyuwano mohawani ni momweneni, oovilela mwa Yesu, ari otjitjironi onihani Patimu, mwaha wa Molumo a Muluku ni namona a Yesu. ¹⁰ Miyano kaari m'munepani, nihiku na Apwiya. Ottuli waka, miyano kahinwa ontju nuulupale ntoko mpetta ¹¹ nahimya: ''Nlepe nlivuruni onone-nyu, ni nrehe ikerela thanu napili: Wefesu, Esmirna, Perkamu, Tiyatira, Sardi, Filadelfiya ni Lawodiseya''. ¹² Kaahirukunuwa wira kimwinwe mwanene ntju nalavula ni miyano ni, okathi orukunuwalyaka, kahiweha mithuku thanu napili tja ewero. ¹³ Eriyari wa mithuku, nahikhala nimotja ntko Mwana a Ntthu awarale nlaya noorekama, namphiya n'nyawuni, ni etjintu na ewero nanrukureryale. ¹⁴ Muru Awe ni ikharari tjawe tjaari tjottela ntoko eleti ni tjoottelaxa ntoko enevi; ni mentho Awe, ntoko mooro. ¹⁵ Inyawu tjawe, ntoko eprontji yowoxiya, eprontji-iyo yoxiye vamoroni; ni Ntju Nawe, ntoko okhuwela wa matji mentji. ¹⁶ Ntata Nawe noolopwana, Owo arina itheneri thanu napili ni, okhumaka mwano Mwawe, yahikhala ekatana emotja yothokolowa iphantti pili. Owitho Wawe waari wowarya ntoko Ntjuwa nowaryaxa. ¹⁷ Okathi onwehalyaka, kahimorfela n'nyawuni mwawe ntoko nlopwana ookhwa. Owo ahikintjatherya mono Awe woolopwana okihimerya: ''N'hove. Miyano koopatjerya ni okhitjerya, ¹⁸ Ole onikhala. Kahikhwa, vano Miyano kin'nikhala vohimala! Miyano kookhala itthukulelo tja wookhwani ni omoroni. ¹⁹ Vano nlepe ele enoone-nyu, eri wananano, ni enrowa wiraneya oholo. ²⁰ N'hina wa tjoovithiya mwaha wa itheneri thanu napili nwehale-nyu m'matatani mwaka mono wolopwana ni mithuko thanu napaili tja ewero, itheneri thanu napili ala malaikha a ikereja thanu napili, ni mithuku thanu napili n'ya tjinimya ikereja than napili.