¹ Apwiya Muluku aka, kinthawela wa nyuwo, mukakiherya otene wale akilupattha, mukopole. ² Mwahire tjitjo onakivaratjitjale kharamu, onakitjixa onakivarulatja ahikhalaka okakiha. ³ Apwiya, Muluku aka, wakhala wora miyo kopanka ila: ni wakhala wira ori wottotha mmatataniwaka; ⁴ wakhala wira kilivale yonanara wa ale yarina murettela nimiyo ale akirela tjorera khamuntakhalihale mahala nwanani aka. ⁵ Vano awanani aka anakilupatta eroho aka, ekivare akinyakele ekinve, ehiye muruthu aka wantthupini. ⁶ Apwiya nvenye, nuviruwa wanyu mwemele, nirikanihe owali wawanani aka; mukakihe mukirele exariya. ⁷ Vano mwatthukumanihe atthu amaloko otene vehitjeni wanyu; vano-tho muhokolowe mwakuxe yayo weri wa pawiya. ⁸ Apwiya anamwaphuka atthu, Apwiya, mukilamule, mutharaka exariyaka ni nhimye ekweli erinaka miyo. ⁹ Mwahihe atthu wira tjotakhala xontte mwalipihe atthu exariya, Nyu tinyuwo oxariya Muluku, ni mwilawoha mirima no othunko. ¹⁰ Nthyawelo naka ti Muluku, onopola mirima tjowololowa. ¹¹ Muluku naxariya ni ophuka; ni Muluku onrwawa mahiku otene. ¹² Owo oninana ekatana wa yale ahinomwinwelela; anikokha mura anivonya mathere. ¹³ Ni wayayo anithenkemaniha ekaputthi tjowinva; mavakaya akovarela nteko wa yale anatharathara. ¹⁴ Nkonani ayo anupuwela tjotakhala; arina muteko woyara, tjo wotha. ¹⁵ Ayo athipale ehime ni yowinxa; vano animorela mulittini mwem'mo ni thipalyaya. ¹⁶ Tjitjo otakhala waya onimwamorela yayo; owali aya onamwarimeliha. ¹⁷ Miyo kinaxukhuru apwiya mwaha wexariya aya; kinivuwiha Muluku owerya tjotene.