¹ Apwiya aninwa mulumo aka; aninwa ele enupuwelaka; ² Anniwa okhuwela waka, mwene aka ni Mulukuaka; wo wira miyo kinolopani. ³ Apwiya owitjixo ene munikinwa ntjunaka; owitjixo ene kinnovahererani okhuwela waka wa nyuwo,ni kinhala kilipelelaka. ⁴ Okhala wira nyuwo mwa Muluku khamwintjiveliya ni tjotakhala; alipa otakhala khamwerya omaka mpani winyu. ⁵ Owitjona khanmwerya okhala wa methoni wanyu; nyuwo munathanya ale anpaka tjonanara. ⁶ Nyuwo mwinakhwanyula ale anuluma tjowtha; munanyokha anamwiva ni anawotha. ⁷ Vano miyokiniwerya okela mpani wa nyu; kokokhorelakani ni kovekelakani mpani mowarya kiwovakani nyuwo. ⁸ Apwiya mukettihe ni xariya, wo mwaha wa awanani aka; muthenkemanihe ephiro eriyari ya waka. ⁹ Okhala wira khivo ekweli wa malakuni waya; iyano tjaya tjilikanani mahiye ohuliya; mulumo aya totjiveliha mansi owototha. ¹⁰ Muluku mwalamule yayo ni mwattaruxe, ni mwamorihele wantaphani waya; momole wa mwaha wa tjonanara, wowira ayo khawinwelelaleni. ¹¹ Vano mutteliweke otene muniwelela apwyani nyuwo; mukhuweleke nutteliwe murima wohimala; okhala wira apwiya tanokhapelelani; mukhaleke otteliwawa nyuwo, wa yale aphentta ntjinananyu. ¹² Wo wira nyuwo, mwa pwiya, mwarerihe anaxariya; ntoko murjurukhu worukurerya wothunawaya.