¹ Ntoko etthove tjinihawelaya muro wa matji, tjitjo miyo kinnuhawelani nyuwo, Muluku aka. ² Eroho aka enninkheliya ni nyuwo Muluku aka, Muluku nkumi: kinnihaweala orwaa mpani mwinyu , wira kone ekhov'inyu Muluku? ³ Othana n'uhiyu kinnunla methori ti yolyaaka, mahuku otene kinnikohiya wira: Muluku'ennyu ori vayi? ⁴ Nrimaka onnithukumela ni wova, kitthokelelaka mahuku avirale, warwaaka onttettheni wothanliya, miyo kanihola nttitthi w'atthu otteliyene nrima, nanikhuwela nutthapa nimwipelaka muluku, nikelaka mumpani mwawe mowarya. ⁵ Nyuwo nrimaka, munripeliyani, ni nnupuwelelani? Mwinroromele Muluku; vano mwintthapeletho owo ti Muluku aka onettiha ekhove aka. ⁶ Muluku aka, nrimaka onnithukumela ni wunkheliya; kintthokkelelaka Muluku kikhalaka nlaponi mu momoleliyaka nlaponi mwa muro Yordani, ni mwa miyako hermoni, ni Mizari. ⁷ Matji owinxa annipwexererya ni matji a mowinxani, matji anvira anniruma emorelaka vamwala; otene aya annikipurula ntoko mawimpi a mphareya. ⁸ Mahuku otene APWIYA ekirereleke nrima miyo kinamwatthapela, ni ohiyu wotene kimwipelaka Muluku onkivaha ekumi. ⁹ Muluku aka, ekuru tjaka ti nyuwo nkinyanyalelaleni? Kinettelani kihawaka kihaxiyaka n'awanani aka? ¹⁰ Annikiruwana mpakha opwetexa nrimaka, nihuku ti nihuku annikikoha wira: Muluku'ennyu ori vayi? ¹¹ Nyuwo nrimaka, munripeliyani wala munipulelelani? Mwinroromeleke Muluku; mwinttottopeleke-tho; owo ti Muluku aka onettiha ekhove aka.