¹ Olumwenku ti w'APWIYA, ni tjorera tjaya; elapo n'inama n'atthu t'awaya APWIYA awo ankhala mwa tjen'yo. ² Okhala wira owo tolipihale etthaya mowintjani mwa matji; owo ovalanya matki ni etthaya. ³ Tani omphwanela owela mwako w'APWIYA? Ni tipani omphwanela okhala mpani mwaya? ⁴ Tule orina matata orera, ni nrima woloka, t'ule ohinatthara amuluku ethiru, nnakhala ohinlapha tjowotha. ⁵ Owo onamwakhela tjorera tj'APWIYA, onatthuveliya ni Muluku mopoli awe. ⁶ Atthu tjitja ti nlokon'ale anaphavela APWIYA, ephavelaka wetta vamethoni va Muluku: ola otjulu wa Yakobo. ⁷ Nyuwo mikhora, ntthukuwe, miru tjinyu; n'huleye mikhora tja khalayi; wira aviremo Mwene Ovuwa. ⁸ Ti pani Mwene ovuwa? APWIYA Muluku owerya ni ekuru, APWIYA oweryexa okhottoni. ⁹ Nyuwo mikhora, ntthukuwe, miru tjinyu; ntthukuwe mikhora tja khalayi; wira aviremo Mwene ovuwa. ¹⁰ Ti pani Mwene ovuwa? T'APWYIA a tjitthu tjotene; awo ti Mwene ovuwa!