¹ Exeni , apwiya , murinyu ottani? exeni nyuwo muninpithelani okathi wovelavela? ² Atakhali anitjona anahatjula alipa ohawa; an'nireya mirakho tjupuwelalyaya. ³ Alipa ohamini anikhurutula ni yele ephavelaya warohoni waya; anamilili aniveha Muluku numuthaya. ⁴ Alipa otakhala anihimya wira Muluku khavo owo khaweya onihukhumu owo khanupuwela. ⁵ Wa okathi wotene ephiro tjaya pitjohiloka; olamula waya ori ottani nuwo, ni okathi ventji; ayo anaveha awanani aya otene. ⁶ Owo onira wa murimani wawe: Miyo nkinrowa ovonya; okhala wira okathi ni okathi nkinahuva yotakhala hata. ⁷ Mwano wanyu wotjareya tjonanara ni wotha, ni nlimininyu ninlavula efitina ni tjotakhala. ⁸ Awo aninpitha nipuro noripela ethurumelaka ephiro onnimwipithela ohithenke wira emwive nanimuthurumela mulipa ohawa. ⁹ Ola aninpitha toko kharamu nnikhukhuni wawe anokoma emuthurumelaka mulipa ohawa anivariha mmathavini waya khumwana. ¹⁰ Mulipa ohawa ahikaxopa animorela mmathavini waya ikuru tjewali tjahimwerya. ¹¹ Vano owo anihimya mmirimani mwawe wira: Muluku homuliyala; ohovitha ekhove awe, khamuhala-tho omona. ¹² Apwiya Muluku mwemele, nvnxe matata anyu; muhaliyale alipa-ohaxiya. ¹³ Atakhali animunyokhelani Muluku? Ehimyaka mmirimani mwaya wira Muluku khanrowa okihukhumu. ¹⁴ Nyu mwinnona; wira nyuwo mwinona nteko ni wotjeya, wowira ovaherere m'matatani wayu; wa nyuwo ole matjikhini munivaha okhuluvela; wanyuwo pahi munnakhavihera ekwatjuni. ¹⁵ Mukuanyule ikurutja atthu owali ni otakhala; muhonone otakhala waya murima, mpaka wamaliha. ¹⁶ Muluku ti mwene omahiku otene ni mpaka ohimala; alipa ohamini khankhala-tho mulaponi mwawe. ¹⁷ Apwiya, nyuwo muhinwa ovekela wa alipa ohawa; nyuwo munilipiha mirima tjaya ni maru aya owinwa. ¹⁸ Wira mpanke exariya wale ekwatjuni ni ale ohawa; wowira ahikhale-tho mutthu oninpuherya mukwawe vathi-va.