¹ Mope alope osiyoni, mwalopoleke atthu mukhuwelaka wa mwako waka wo warya; atthu mulaponi ethukumaneke okhala wira nihiku na Apwiya ni niwa ,niri vakhiviru. ² Nihikhu noripela ni epiphi, nihiku na meku ni ewiriphi, toko oxaaka wo mwarela o mwakoni; ni atthu entji ni okuru, khinrowatho okhumelela etthu tjitja, npaka omala olumwenku. ³ Eriyari awe moro onipatta, ni ottuli wawe owo malumi anipatta; ni ethaya eri toko etjartim wo weteno, vano ottuliwawe toko etakhwa yohonona; khivo etthu enhala okufia. ⁴ Olikanawaya elikana ni ekhavalo, tjintjawa toko nakhavolo tjintuphela okhottoni. ⁵ Oruma waya onlikana nuyakulawa ikaro tjinwelela watijulu wa mwako,ori toko opuphuruwa wa moro anpaha mikhutta, wala atthu okuru opatamela ekhotto. ⁶ Oholo wawe atthu otene anotjukula, ni withowaya anivolola. ⁷ Toko nakhotto owali oniwela muuru;ni wakhula nmotja onirowa ephiro awe, ahihapuwaka nnakhala vakani. ⁸ Khavo oninphunya nkwawe; khula nmotja onirowa nikoto nawe khivo etthue eniwerya omukhottiha mukwawe. ⁹ Owo onituphela nmittettheni, atthyawakavatjulu wa muru, nawele wa inupa, aviraka wa tjanelani toko nawinye. ¹⁰ Ethaya enitetereya eriyari awe, ni erimo enithukumela; ntjuwa ni mweri oniripela, ni itheneri tjinnihiya warya waya. ¹¹ Ni apwiya anivuxa ntju naya wa eriyari yanakhotto awe; okhala wira mlope nawe ti nulupalexa; okhala wira olipexa tule ori mmulumoni; okhala wira nihiku na pwiya tinulupale ni nowopiha; tipani ohala ovilela? ¹² Timana a pwiya wiralyaya wira: mukikupaliki miyo ni murimayu wotene, muthukaka, ni munlaka ni mwipulelaka. ¹³ Mukhereke murimanyu muhikhereke ekuwo tjanyu. mwakupaliki apwiya Muluku anyu, owo to ekiriri ni omriwa ekharari, ni toptja onanariya, ni mulupale ni ororomeleya, owo khantjiveliya ohawa mutthu. ¹⁴ Khino owo ninlelo onawerya okhurunuwa murima orerihakani ni ohiyerakani mareriho, ni tjovahiya tja yolya ni yovurya wa a pwiya muluku? ¹⁵ Mopeke malope osiyoni, murume wira atthu etthukeke, mulattuleke nthukumano worera. ¹⁶ Mwathukumanihe atthu otene, mahumu, mwathukumanihe anamwane ni ale anamwa; npaka ale opakanelana ni ale opakaneliya ekhume n'mapani waya. ¹⁷ Alipa amukuttho evolowelke npani mwa apwiya yavarelaka metto apwiya yiraka: Nyuwo apwiya mwamorele ikharari atthu nyu, muhattunihere amalapo othanya nutheya, hiyo atthu-nyu, nihihale nivehiyaka nayo anikohaka wira: Muluku anyu ori vayi? ¹⁸ Vano apwiya akhapelela elapo, aya ahamorela ikharari atthu yatthanlalyaya. ¹⁹ Ni apwiya hakhula atthu awe iraka: vano kinrowa wovahakani mikatthe, ni evinyu, ni makhura, ni wa tjenya munalya npaka ovona ni nkinattuniherya-tho amalapo wovehani. ²⁰ Kinamwahuluxa anakhotto wa nphamtti onikela epheyo ni kinamwarihela wa etthaya yo wunma ehinimela ethu; ni oholo waya narihela nphareya mokwavano owo okhitjerya kinmurihela ephareya yulupalexa ni irutthu tjaya tjinamuntta tjinakumiha wunkha ohinvileleya apwiya ahira tjithu tjulupale. ²¹ Nyuwo ethaya muhoveke; mutteliweke murima mutjareka ohakhalala, okhala wira apwiya thu yulupale wa nyuwo. ²² Muhoveke inama tjatakwani; okhala wira malaxi owotthakoni anahala ohokolela opipela, ni miri tjaya tji nahala winma mihokorokho tjaya, ni ematta tjaya tjinivaha tjolya tjintjene. ²³ Ni axanen'nyu osinyao, etteliweke murima ni etjareke ohakhalala wa apwiya Muluku anya, okhala wira owo namovahani epula yopatjera ni exariya, nahala wokuruxelani nyuwo epula yopatjera ni yokhitjerya wa mwakha, toko wariyaya wopatjerani. ²⁴ Ni mwipakani waya tjinotjareya tjolya, ekhali tjaya tjinotjareya evinyu ni makhura. ²⁵ Tjitjo miyo kinamohokoloxeryani tjohephatjakhuriye ni natjope ni mipalakani eperere, ni akharipe, timinyo koveleliheraleni muttitthi owo mulupale wanatjope. ²⁶ Nyuwo munolya npaka ovona; ni n'nattottopela ntjina na pwiya Muluku anyu, opankale mitikiniha wa nyuwo; khanhalatho atthu aka wuliwa muru. ²⁷ Ni anatjuwela wira miyo kiri eriyari waya wa isarayeli, wira miyo ti apwiya Muluku anyu, ni khavotho mukina; ni atthu aka khanuliwatho muru. ²⁸ Apwiya anihimya wira:Mahiku okhitjeyra miyo kinamwamwarexela eroho aka yo warya atthu otene, axanenyu axilopwana ni atithiyana analavula ni ntjinanaka ni atthu owuluvala anakhalana elohi, tjorera ni amirawo anyu anamoniheriya tjitthu tjotikiniha. ²⁹ Ni tjitjo-tho anateko a Muluku alopwana ni athiyana, wa yen'ne nihikun'ne kinamwamwarexela eroho aka yowarya. ³⁰ Ni kinamoniherya mitikinho tjo wirimoni tja vathi; ephome, moro, ni nphantti wa mwixi. ³¹ Ni ntjuwa ninarowa oripa, ni mweri onarowa oxerya toko ephome, ohinathi ophiya nihiku na apwiya nulupale ni nowopiha. ³² Ni wokhalaka wira atthu otena aromola ntjina na awiya anahala wopowa; okhala wira mwako wo siyoni no oyerusalemu onahala wopoliwa, tjitjo toko awpiya wiralyaya, wa yale ahalaohala apwiya namwihana.