¹ Tjitjo toko khalayi wakhumelelaya marumeyi owotha yakhumelelale wathu, mafutti owotha tjitjamo akhumelelale wa nyuwo.Yayo owothayo anahala winthutjiha tjithu tjovirikaniha atjikulatjaka ni molumo otankula ni okhotta pwiya yantthomiyale, yiwiheraka wohipitja yikuayulaka vekhaya. ² Entji ahonthara ekumi awe tjiopakatjawe ni wariyarivawe, ephiro yekekhayi enahala vuluminya. ³ Tiyjamo ni nikumwe, ayo anahala woweryatjani ni molumo owotha. othukeliya wawaya khorowa opitja ventji ni okuanyulatjiyawaya khuhal opitja. ⁴ Vano, Muluku tjitjamo khahiyererale malayikha otheka, numala, aharihela omoroni, ni watthukela nmakhukuni woripela npaka nihiku nohukhumu. ⁵ Tjitjamo khahiyererale eduniya yokhalai, numala asunkale pahi Nowe, ari namalaleya oxariya, toko aklina athanu neli, ahowana otjareya wo masi wa eduniya yotene wa athu ohiloka. ⁶ Muluku tjitjamo ahovukula nttetthe wo Sodoma ni okomorra ni yonaneya ettura ni nahokuayulatja, toko ilikaniho wa elee enhala okhumelela wa ale ohiloka. ⁷ Numala, ahomopola Loti, nlopwana oxariya etta ni masukhuli nlattu womwettelo wathu ohiloka. ⁸ Vano ola nlopwanola nxariya, akhala wa ale, mahiku ni mahiku, ari otjukulatja wanrimani vawe nlattu wowona ni yowinwa. ⁹ Vantho,apwiya anatjuwela toko wakumiha athu othunku mottehattehiyani,athu oloka ni wasukera ale ohiloka wira attarusiye nihiku no'hukhumu. ¹⁰ Ventji ventji ale antthara tjotjiva tjo mwirutthuni nduniyani ni yatarawatjaka alamuli otene. athu ohova owikhurutula,khanova waveha alamuli owirimu. ¹¹ Hata malayikha,anokhalaru olipa ni okuru, khankhumana nulumo nowaveha wamenthoni wa powiya. ¹² Numala olaa, ari toko enama tjotakwani tjohimiruku, tjipankeliye ekhalelo aya othukiya ni okwanyulatjiya. ayo khantjuvela exeni oruwana ni tjohiloka tjinarowa okwanyulatjiya, ¹³ Ni nnamwakhela ethuvo wa tjohixariya tjivaralenyu. anoniha wira tjonanara tjomwiruthuni tjinpankaya anona toko pitjorera, tjiri toko manepa ni mahirihiri, ni antthpa nu wotha wariyariwinyu. ¹⁴ Ayo mentho aya atjarale oraruwa, ni ohivona opanka etampi, yathepyiaka athu ohimanana ni mirimatjaya tjohiloka tjokhala n'nikumweni ari asana olaphiya. ¹⁵ Ayo ahohiyatja ephiro yorera, ahohapuwela npaka othara ephiro ya Balamu, mwanaa Abeyori, ni afenta ethivo yohixariya. ¹⁶ Numala, owo ahakhela owulumatjeriya wo mwaha tjohanyurihatjawe; ni mwanama ohinwa opakhira, alavulaka nintju namuthu,mpaka omaliha nphuku wa murumeyi. ¹⁷ Alatja ari toko ehime yohikha masi, ni ntoko etthapweyoveverusiya ni epheyo. yayo ahosunkeriya mapuro oripela. ¹⁸ Yulumaka malove ohilokaloka, ahatjula otjivelatjiya wo mwiruyhuni anamwaweryatja ale ahalale vakani watthawa ale anpaka tjohiloka. ¹⁹ Yaroromelihaka otapuwa, numala yayo ari epottha wa tjohiloka, vano wakula nthu epotha wa yole nmweyawe. ²⁰ Vanotho, wayale attyawale wa tjohiloka tjo mwilaponi wa eriyari yotjuwela a pwiya ni mopli Yesu kristuni, ni vano khahokolele yeleyohilokele vakinatho, ni yokhitjera omalelavawe owo piyotepa ovirikana wopatjera. ²¹ Wari worera owo phatari yintjuwelale ephiro yoxariya, wohikhala onatjuwelalene ni ohokolela ottuli ohiya malamulo nowarya yakhalalyawe avahiyaka. ²² Yela yohimiyela piri ekekhayi wa ayo: '' mwalapwa mmotja nahokolela warapheyawe; ni '' ekuluwe yorapihiya enahokolela wamattopeni okowupuruwa''.