¹ Yari exeni ekhumelo wopatjerani, exeni yinwalehu, nonaleni nimethwehu, nilikhanihera exeni ni exeni matatehu yapapelaya, yapheliya mulumo ekumi. ² Vano ekumi ohithonyera ni hi nihona, ni yola nihomonela namona. nohimeryakani nyuwo okumi wohimala, ori na tithi ni warowale otonyiheriyaka wa hiyo. ³ Exeni erinehu ni yonalehu ni yinwalehu nihimyaka tjitjamo wa nyuwo, wo wira tiejamo nkhalane watana nihiyo, ni watanawihu okhale wa Mulukuni nimwamwanawe, Yesu kristu. ⁴ Wayela ettu ela yolepelalehunila tjiri wo wira otteliyawihu okhale womalela. ⁵ Nya mitthaka tjinwalehu wa yowo ni nohimeryakani nyuwo: Muluku ntjuko, ni owo khuvo oripela nnakhala. ⁶ Niravale nihani watana niyena ni nettaka moripela, hi ninamotha ni khaninvara ekekhayi. ⁷ Numala netta mwithukoni ntoko owo tjiryawe mwithukoni, nihani watana nkina ni nkhwawe ni epohme ya Yesu yo mwamwanawe, yonirapiha wa etampi tjotene. ⁸ Niera khanrina etampi ninamwitjothatjera ni ekweli khivo wa hiyo. ⁹ Numala, nalaphulula etampitjihu, owo torera ni oxariya wira anilevelele etampittjihu ni anirerihe wa nye tjohixariya. ¹⁰ Nira khaninatheka, hi ninpaka wotha ni molumwawe khari nihiyo.