¹ Okhala wira intjene yahiphela oreriha ithu tzahimiye mwaha tzokhumelela tzeraneyale wahi. ² Ntoko tzihimiyayawale okhuma wupatjerani yawehale ni yari ananteko a molumo yayo. ³ Kahona okhala yorera, kitholaka nikassopa ephiro yatharaya ethu tzotene okhuma wupatjerani, olepa ntoko tzithonkiyaya worerela, othithimihiya Teofilo, ⁴ wira otzuwele sanene ekweli wa ithu zissomihiyao. ⁵ Okathi wa Herodi, Mwene Oyudeiya, ahavo nkhulupale nmotza, atzimiya Zacarias, a nloko Abiyas. Mwarawe ari nloko na Arao ni azimiya Isabel. ⁶ Otene tzaya yari athu axaria nmethoni mwaNluku, yanetha yikassopaka wekano tzotene tzapwiya. ⁷ Vano awo khiyarinatza ana, okhala wira Isabeli Khayara, ni owelitzaya yahuluvalatza okathi yowo. ⁸ Yahonaneya wira Zakariya ari niNluku, atharihaka ekano tzekhulupalyawe, ntoko nlokonawe; ⁹ Vano yena ahithanliya waparakhawe, ntoko tzalamalelalyaya wira alipa ankutho, wira akele nipuro norera Napwiya, ni apaheke nupano. ¹⁰ Athu otene yera elompaka nphanthe wota okathi wapahiyaya nupano. ¹¹ Vano nlaikha Napwiya nahinkhumelela yena, onemelale, mono welopwana wa altar apahiya nupano. ¹² Vano Zakariya vonalawe, ahixanka ni wova wahinwela. ¹³ Vano nlaikha nahinhimerya: " Ohove, Zakarias okhala wira mavekeloao ahiwiya. Mwarao, Isabel, onanyara mwana, ni we onrowa omwatzima Yohane. ¹⁴ We onakhalana otheliya nrima ni otheya, ni athu intjene anarowa othapa nuyariya wawe. ¹⁵ Okhala wira yena onrowa okhala mulupale n'methoni mwapwiya; Khanrowa owurya vinyu, walani ethu yohapala, ni n'mirimani mwamamawe, yena onrowa okhala otzala n'nepa wowarya, ¹⁶ ni intjene wale nloko naIsrael anan'hokolela pwiya Nlukuaya. ¹⁷ Yena onrowa okhala oholo Wapwiya n'munepani ni owerya we Elia, wira ehokolele eroho tza xipapaya waxanaya, ni akuxe ohiwelela wira yethe nutzuwela wanaxariya. Yena onamwira eyo wira athenketze athu orerihiya wa piya". ¹⁸ Zakaria ahihimerya nlaikha: "Kinrowa otzuwela tzai ethu eyo? Okhala wira miyano kihuluvala ni amwaraka atepa wuluvala". ¹⁹ Nlaikha nahakhula: "Miyano ki Kapriele kinkhala oholo wanluku kinrumelaka ni kinurumiya wira kilavule niweyano ni kuwanele ehapari tzorera. ²⁰ Ni onahiya olavua ni khunlavulatho mpaka nihiku iyo tzithunaya wiraneya, okala wira khukupalale molumwaka, tzinrowa wiraneya nihiku naphiya". ²¹ Vano athu enlipelelaka Zakaria, Ayo yanikohana exeni yena yanpitziha mpanimwe. ²² Vano yena vakhumalyawe, yena khaweryale olavula nayenatze, tinyeyo yena avenyiha matata wira atzuwelihe ethu ekumelelale. Vano yahitzuwela wira ehavo yonalyawe mpani. ²³ Yahikhumelela okathi mahiku anteko wavarawe yahimala, yena khuhokolela owani. ²⁴ Vamalalyaya mahikuawo, mwarawe Isabeli ahirupala ni kwipitha miyari mithanu, iraka: ²⁵ "Eyo apwiya tapakalyaya wa miyano Ayena vakonalyaya ni othunku wira ekumihe ehayaka eriyari yathu". ²⁶ Anarina miyeri mithanu namoza, Nlaikha Gabrieli ahirumiya niN'luku wira arowe nthethe watzimiya Onatzareti, ²⁷ wa nunmwari harussi apossiya ni mwanxilopwana atzimiya Jose. Jose ari nloko na David, ni ntzina na yarussi ari Maria. ²⁸ Nlaikha nahinwela ni khira: "Makhomatzo, we ori othothopeliya ni othanliya! Apwiya ari ni we!". ²⁹ Vano yena ahikhala otikinihiya ni molumo yawo ni ahinkoha makhomatzo xeni awo. ³⁰ Ni nlaikha nahilavula niyena: " Ohove, Maria, ohana oreriya wanLuku. ³¹ N'narowa orupala mwinyare mwana anmirimani yinyu mwana mwanlopwana. Ye onrowa onvaha ntzina na Yeso. ³² Yena onrowa okhala mulupale, onrowa watzimiya mwana awirimu. Ni apwiya anarowa onvaha omwene Wapapawe, Davi. ³³ Ni yena on'rowa omantari wa enupa ya Jaco okathi wotene, ni omwenyawe khunrowa omala". ³⁴ Maria ahinhimerya nlaikha: "Enrowa wiraneya tzai, okhala wira miyano kaharussi?" ³⁵ Nlaikha nahimwakhula khira: "N'nepa wowela onawa wa we, ni owerya Wawirimo onawukhunela. Vavo, ole ori owarya onayariya ni onrowa watzimiya Mwana Anluku. ³⁶ Vano Isabel, nmuziao, niyena orupala erukulu ayuluvalalene. Yole ereliya khanyara ninnanova orina miyeri mithanu nanmoza ayarupalale. ³⁷ okhala wira ni Nluku khivo ehinweryaneya". ³⁸ Mariya khuhimya: "Mi kihavo va nanteko apwiya. Vano eyo yiraneye wami ntoko tzihimalyaya molumwenyu". Ni Nlaikha tzihimalyaya. ³⁹ Mahiku ale, Maria ahikhuma niwakuva arowaka nthethe nmotza tzamiako, wa epoma yo Yudeiya. ⁴⁰ Ni yena ahikela mpani mwa Zakaria ni khunkhomatza Isabel. ⁴¹ Yonaneyalyaya eyo, niwinwa Isabel okhomatziya nwo ni Mariya, mwana nmirimani mwawe ahithikinyeya, ni Isabel ahikhala otzareya n'nepa wowarya. ⁴² Yena ahikhuwela vintjene iraka: "Nyu moreriya wathiyana otene, ni oreriya mwana ori nmirimani winyu. ⁴³ Enonaneya tzai wira mamawe pwiyaka onnirwa okithothola miyano? ⁴⁴ Vano vinwalyaka makhomatzoawe, mwana orinaka nmirimani onuthupha nuhakalala. ⁴⁵ Ni oreriya thule aminale okhala wira ethu zothene zihiraneya sahimiye na pwiya". ⁴⁶ Maria ahihimya wira: " eroho aka em en'navuwiha Apwiya, ⁴⁷ ni nrimaka on'nithapa nu ziveliya mwaha wa Nluku mopolyaka. ⁴⁸ Yena ohona wiyevihawaka ni ekhalelo ya nanteko. Okhuma ninanova, maloko otene anrowa okazima nanreriya, ⁴⁹ mana Namawerya okiopankela ethu tzulupale, ni Ntzinanawe tinowarya. ⁵⁰ Othunkuawe onnoneya okathi ni okathi wa ale Animova. ⁵¹ Yena othonyihera owerya nintatanawe, ohamwarexa ale yari owikhutupula wupuwela wa rohotzaya ⁵² Ohamoroxa mamwene ni oweryawaya ni khwavuwiha ale awuyaviha. ⁵³ Khatzarihela etthu rorera ale ovoliya ni khwaleha mat ⁵⁴ Ahikhalihera Israeli, epothawe, opuwelaka othunkwawe ⁵⁵ ntoko tzahimeryalyawe axitithihu mwaha wa Abraao ni nlokonawe okathi wotene ⁵⁶ Mariya ahikhala ni Isabely miyeri miraru vano khuhokolowela owanyawe. ⁵⁷ Vaphiyalyaya okathi wira Isabely on'yara mwana, yena ahin'phwanya mwana nlopwana. ⁵⁸ Anawathamanani ni amutziawe yahin'wa wira apwiya yahintjerera othunkwaya wa yena ni yahithapatza niyena. ⁵⁹ Vano vaphiyalyaya, mahiku mathanu ni mararu, ayena yahiwatza wira emwin'nuwihe mwana. Ayena yaphela omwatzimela ntzina na Zacaria, ntoko papawe. ⁶⁰ Vano mamawe ahivekela molumo ni ahira: "N'nari, yena onatzimiya Yohani". ⁶¹ Ahihimeriya yena: "Khavo ntthu nmolokoni winyu onatzimeliya intzina nen'no". ⁶² Ayo yahinvaha ethonyero nimatata papawe wira emwinwe tzathunawe omwatzima mwanawe. ⁶³ Papawe ahivekela ninpawe nathapwa ni ahilepa: Ntzinanawe Yohani. Atthu otene yahixanka mwaha wa yeyo. ⁶⁴ Nananoro, malakuawe yahithukuwa, nliminawe nahitaphuwa, ni yena ahipatjera olavula, anthothopelaka Nluku. ⁶⁵ Vano wahiwa wova watthu otene yakhala nthethe yole, ni yotene yakhumelelale yahivuwa mithethe tzotene yakhala vatutuni yo yudeiya. ⁶⁶ Otene yenwale eyo, yahova varohoni vaya, yiraka: "onrowa okhala pani mwanayo?. Okhala wira owerya wapwiya ori niyena. ⁶⁷ Papawe, Zakariya, ari ozala nnepa wowarya ni ohimya eraka: ⁶⁸ "Oreriya ekhale Apwiya, Nluku a wisrael, mana othotola ni ohopola nxovo'awe. ⁶⁹ Yena ovenyiha wa hi nthuko wa wopola vate va David, nrumeiyawe, ⁷⁰ ntoko tzamanalyawe natiri khalai, alavulaka wale aroromenlawe (anamiririmo). ⁷¹ Yena onanivaha wopowa wa awananihu ni nmatatani wale otene an'ninyokha. ⁷² Yena onrowa wira eyo wira athonyere othunkwawe wira axipapehu ni wupuwela waryawawe ni watana. ⁷³ Watana wenno, olapha Yena eralyawe ni Abraao, papehu, ⁷⁴ wira anopole nmatatani wawananehu ni navarele nteko wohova, ⁷⁵ orera nrima ni ekhweli, variari vawe, mahikwihu otene. ⁷⁶ Ayoni, ni we, mwana, onrowa watzimiya namiririmo a wirimu, okhala wira we onrowa oholo wa Pwiya, wira warerihe athu wa okathi on'wawe, ⁷⁷ ni wira otzuweliye wopolawinyu watthuinyu mwaha wanlevelelo na tampi tzaya. ⁷⁸ Iyo tzinrowa okhumelela mwaha wa othunku mulupale wa Nluku, mwaha woxaka othuna owa wa hiyano, ⁷⁹ wira namwalele ale ari mwipiphini ni vathuzini wanokwa; Yena onrowa wira eyo wira anihole enyau tzihu ephiro yanrethele". ⁸⁰ Vano mwamwane ahun'nuwa ni anikhomala nmunepani. Yena ahikhala muthakoni, npaka witzonihera watthu o Israel.