¹ Vopatcherya vaya ya Mitchaka Yaphama ya Yesu Kristu. Mwana a Muluku. ² Ntoko orenpwaya m'Yesaya Mulipa-miririmo'wo, Nkona, kinnamuruma murumwa aka vahólo va mithoni vá, Yowo onarwa-aryeherya ephiroá; ³ Masu a ókhuwela mu'takhwani, Ryeheryani mphiro wá Apwiya, Okololani iphiro sawe; ⁴ Yohane árwa anabatisa mu'takhwani analalerya obatiso wa orukunusha mirima vawi ikhurumuweliwe sotcheka. ⁵ Ni yákhuma wilaponi yothene ya Yudeya, ni a o Yerusalemu othene, enarwa wa yowo, enabatisiwa m'muhicheni Yordano, vawupulula sotcheka saya. ⁶ Ni Yohane áwara mapururu a ekamila ni mukwachala wa nrapala mu'yununi mwawe, alya misope ni mahavu a mu'takhwani. ⁷ Ni álalerya, wi, ókipwaha miyo ikuru onarwa otchuli waka, nkinaphwanela wurama otaphula mikoi sa isapato sawe. ⁸ Miyo kihobatisani ni mahi, ni yowo onarwa obatisani ni Munepa Wawéla. ⁹ Ni wári m'mahiku yawo, Yesu árwa orwela o Nazarete a Galileya, abatisiwa ti Yohane mu Yordano. ¹⁰ Elukuluku yeyo arikimuwela akhumaiye m'mahini, áhona erimu yohuleya ni munepa orikimukhuruwela wa Yowo ntoko epompa; ¹¹ Ni masu yákhuma wirimu, mwana'ka ósiveliwa ti yowe, mwa Yowe kinnahakalala phama. ¹² Ni vava munepa wamwakuviherya Yesu o'takhwani. ¹³ Ákhala mu'takhwani mahiku makhumi masheshe, ehiwaka ti Satana; ákhala ni inama, ni angelo yana murumela. ¹⁴ Ni aveléliwe Yohane, Yesu árwa o Galileya, alalerya Mitchaka Yaphama ya Muluku, alocha, ¹⁵ Elukuluku yophiya, ni omwene wa Muluku wohachamela; rukunushane mirima ni roromelane Mitchaka Yaphama. ¹⁶ Ni echaka mu'shereshere mwa epareya yo Galileya áwona Simoni ni Andreya munnawe a Simoni, erikimvonya mutchavi mphareya; niwi yari alipa-ototha ihopa. ¹⁷ Ni Yesu alochano, Hankeni vachuli vaka ni Kinarwa-kiwerani nyuwo alipa-ototha a atchu. ¹⁸ Ni vava yáhiya mitchavi emutchara. ¹⁹ Ni yénche vahólo tonto awona Yakobo, mwana a Zebedayo, ni Yohane munnawe, yawo'tho yári m'mwacheyani, eryeheryaka mitchavi saya. ²⁰ Ni vava awitchana; ni yáhiya Atithaya Zebedayo m'mwacheyani'mmo vamoha ni alipa'muteko orempwa, emutchara. ²¹ Ni ávolowa m'Kapernao, ni vava va nihiku na worowa avolowa mothukumanela ahusiha. ²² Ni yátikhina ni ehusiho awe; vawi ahusiha ntoko mwanene ikuru, tahi ntoko alipa-orepa'wo. ²³ Ni vava vári mutchu mothukumanelamwaya, a'khalamo mutchu árino munepa wa masololo. ²⁴ Ni akhuwela yowo ni, nri ni sheni ni nyuwo, yesu onazarete? morwa nyuwo ontolosha hiyo? Kihosuwelani mwa awela a Muluku. ²⁵ Ni Yesu amulopola yowo wi, khala lakalaka ni okhume mwa yowo. ²⁶ Ni munepa wa masololo omwahunle ni okhuwela nni masu matokotoko, wakhuma mwa yowo. ²⁷ Ni yatikhina othene mwawihiha wi yákohana mwa yawo mekhaya wi, yela ti sheni? ehusiho ya hihano! ni ikuru onnalamulela nari minepa sa masololo sinnamwiwelela. ²⁸ Ni ovuwa wawe wakhuma vavale wilaponi yothene ya Galileya yorukuryeryavo ²⁹ Ni vava vokhuma mothukumanela m'mo yawo yávolowa empa ya Simoni ni Andreya vamoha ni Yakobo ni Yohane. ³⁰ Ni apwia'mwana a Simoni ámkona awicheliwa nipwesha; ³¹ Ni vava yámuléla sa yowo; ni árwa, amphara ntata, awiha; ni nepwesa ámhiya, ni áháruméla Yawo. ³² Ni oshekuwa, nsuwa n'nénle, yámukusherya othene awicheliwa ni óphariwa ti minepa. ³³ Ni etchoko yothene yáthukumana va milakoni. ³⁴ Ni áhapenusha atchu anchipale awicheliwa irecha sa miloko-miloko, ákumiha minepa minchipale; ni hemeryenrye wi minepa iho ilocha wawi samusuwela Yowo. ³⁵ Ni woshishelo aya ávinya oyaka nusha, akhuma, aya o'takhwani, avekela wewo. ³⁶ Ni Simoni ni akhwawe yawo yáriyeno yámutchara, emphwanya, elochano, annawavyani nyuwo atchu othene. ³⁷ Ni alochano, Hankoni witchokono okina iri vákhiviru va. ³⁸ Wi kilaleyerye wiwoitho; wawi kerwele muteko yowo. ³⁹ Ni avolowa mothukumanela mwaya mu Galileya mothe alaleyerya, akumiha minepa. ⁴⁰ Ni árwa wa Yowo awicheliwa marecha amveka, omukokhorela, ni olocha ni Yowo, Mwakhwelaka, munawerya okiryerya. ⁴¹ Ni yesu ámoriwa ikharari, ókola ntata amutannya Yowo, alochano, kinnakhweka, khala oryeheryiwa. ⁴² Ni vava marecha yánvinyeryawo, ni aryeheryiwa. ⁴³ Ni ámulelasha, amukumiha vava, alochano, ohimulele mutchu mukina; ⁴⁴ Ni ahi rowa wasoneihe wa mulipa-ephepa, wi awerele namona sa oryeheryiwa wa hiho Mose alamulenliye, sikhale namona wa yawo. ⁴⁵ Ni yowo akhuma apacherya olalerya tchiri ni ovuwiha masu yawo, vawi hiha wi Yesu hawenrye ovolowa tho vawoneya mu elapo eyo ni akhala okwhipi mutakhwani yarwa wa yowo atchu a mmapurini othene.