¹ Napenepo nguirozi iya chichanu indaliza mutoliro, apo ndidaona nhenyezi iyachichanu cudzaulu cuti ikandagwa pantsi. Anda vapinda ku iya muchera wa guehena. ² Andavacula muchera wa guehena, undavawakira usi wamuchena ninga usi hukulu wa moto uculu na penepo, na utsi wamugenge, lindaswipa dzuwa na muia. ³ Napenepo muzimo mundabuda watoto wachienda pansi, wandapiwa tsimba ninga ina wanhacakonka wa pansi. ⁴ Iyo wanda nkabe chinhu Changamire cambe muti, apo basi wanhu hawana chidzindikiro cha Mulungu pankuma. ⁵ Awana kutenderwa kulaia wanhu wenewa, apho kuwachupa pamwezi michani. Cubonera kwao cunadzaita ninga culumwa na nhakakonka angaluma munhu. ⁶ Ntsicu zenezo wanhu wanadzatola lufu apo hawadzalioni iyo wahchiti walikunda kufa, apho lufo alinadzawawala. ⁷ Kaindi iya matoto indayambana na mbulu andagadzirirwa cuita nkondo. Padzaulu pamusolo iyao, pacuna chinhu ninga solidi, zwite kozao zwikaita ninga zifeco zwawanhu. ⁸ Iyo wakanatsitsi ninga tsisi yakanzi, matsoyawo akadaita nunga mano ya nkgalamo wakanamoyo ninga simbi; ⁹ Ndingu lamapamirwe likaita ninga ndungu la ngolo zizinji zirikuthamanga kuya poca. ¹⁰ Wakuna tsunsu ninga masimbi zichita ninga nhakakonga. Mutsutsu yaona mukana tsimba kuti iite zwacunyangala muwanhu mumwezi michani. ¹¹ Nadyalo wakana ninga mambo cuna iyo nguirozi iya kuguhena, ninga padzimaiayo muchibraico akali Abadom, chigerego, acali Apoliomu. ¹² Nacudyalo wacutoma andapinda; napenepo paizwi anauyazwe cairi Ais. ¹³ Nguirozi iyachitathatu idaliza mutoliro, apo ndidabva pfala libodzi lichibuda mumakundu manai alitali iya golidi inaoneca pamberi pa Mulungu. ¹⁴ Ece pfala lidalanga cuna nguirozi iya tchitandatu kuti ikandabata mutoliro: " Puthumulani nguirozi zunai zaaiti zindasunguiwa pambodzipo na muculo uculu Eufrate". ¹⁵ Nguirozi zinai zacuti zikandagadzirwa nguwa, na ntsicu, mwesi na gole, zindaputhumurwa kuti ziulaye padoco pantsama iya wanhu. ¹⁶ Namba iya mabulu iya masodja ikali iya zulu ziwiri zazikwi, ine ndindava namba iyao. ¹⁷ Nadyano, cumaonerpangu, mabiza haiya na wanyacukwira ma liza wakana moyo muchawa pinga moto, wanguirozi ninga safira musoswe ninga suruferi. ¹⁸ Muthiti mitato kubuda pamutiti ubodzi wawanhu wandaulaiawa na zwirombo zitatunji: moto, na utsi na suruferi zikabunda mumiromo yawo, ¹⁹ nadyalo ntsimba iya mabiza ikali mumiromoi iyo na mumiche iyo, apo ichigala miche iyao idagala ninga zwirombo; wakana misolo iya cuti ika bala cunyagazira wanhu. ²⁰ Wazingi wanhu, wenewale wacuti wacuti hawana cufa na zwirombo izwi, hawana kuzionde ba mumabasa iya manja yawo, hawana kusia cunamata madimoni na zwacuamba na golidi la prata, na broze, la ncuwe na lamatambwa, zacuti hawa zioni, hazwivi apo azwifambi. ²¹ Hawana kuzindemba muzinyangazo zwawo, ne penango waloi wawo, nkabe munle apo muzacunyangaza zwao.