¹ Masule mwa izvoizvi, ine ndidhaona musuyo udhavulica cudzaulu. Pfla lacutanga ndidhalibva, ninga ntoliro lichalanga naine, lichiti kwira cuno nditchacupanguinza zwindu zwitchadza itica pacupera kwa izvoizvi. ² Nadaylo ine ndicali pamuzimu ndidhaona cuti cudzaulu kwavulica, na munhu akadhagala. Tchikadagala chikagayambana ninga bhuwe ya cu Jaspe na cu Sardonio. ³ Mukundhu mwakudzaulu kukana nyadzimu wakuyambana ⁴ Cukundhu la cudzaulu, cukana macumairi na wanai wa Changamire, wadakagala kweneco, cukana makumairi nawanai wachipanga mazano. Iyo waakadhafeka nguo zichena napenepo wacana nzingasolo yagolidi mumisolo yao. ⁵ Mpampando pacabhuda mbeni na cudirima na cupenha pamberi pache, zwivenequero zwinomwe zacupiswa cuti ndio mizimu minomwe ya Mulungu. ⁶ Pamberi pampando pakana bhala laguirazi lidayambana na musago. Pacati na magundo ya mpando pakana zwinhama zwinai, zwidhadzala na matso cumberi na masule. ⁷ Chibarwa tchacutanda chikadhayambana ninga nkalamo, chibarwa chatchiwiri, chicadhayambana ninga mbhulu: Chibarwa tchachitato chicadhayambana ninga nkope yamunhu: Chibarwa chachinai chicadhayambana na nhacasorera atchiburuka. ⁸ Tchibhodzi na chibhodzi chicana mapapirwe mathandhathu chicadhadzala na matso padzaulu na panyasi. Masicati na usico iyo acaema lini culanga wacuchena, wacuchena wacuchena apo Mulungu wa nsimba yense ndiye akali, ndiye ali, ndiye atchadzauya. ⁹ Nadyalo zwibarwa zwipenhu zwicamunamata, na mbiri na cumucuza iye acadhagala pampando, wacugala wa cuenda na cuenda, ¹⁰ napenepo waculu macumairi nawanai wacadhagodama pamberi pampando wachinamata iwe Mulungu wa cuenda na cuenda watchipereca ngata zawo pampando watchilanga: ¹¹ Ndimwe Mulungu wathu Baba wathu tambira cutendua cukulu na nsimba. Cuna imwe pazwindo zwense zwidaitswa na cuda kwanu, zwidaitica zwichitwa.