¹ Natsicu iyo, pakanazve mbumba iculu, futi iwo hawakanazve zvacudya. Djeso adadaidza wapfunzi watche futi adati: ² "Ndina nsisi na mbumba, napenepo wadalambirira wanaine kwa nsicu zitatu futi hawakana zvacudya. ³ Ine ningawagonekesa watchienda cumba kwawo hawana cudya, wanafa munjira. Wazinji watche wabuda cutali". ⁴ Wapfunzi Watche wadadaira: "Nkupi ndepo tingawone mapau acukwana anakutisa wentse wanhu pambuto zacuwoma?". ⁵ Djeso adawabvunza: "Pana mapau mangasi walipo?". Iwo wadalanga: "Manomwe". ⁶ Iye adabvunza mbumba cuti ikale pansi. Iye adabata mapau manomwe, adayanamatira futi adadzabedula; adapa wapfunzi cuti wagowanise, iwo cuti wagowanise mbumba. ⁷ Iwo futi wakana tunango tutsomba, futi patche adazinamatira, Iye adapasa mutemo wapfunzi watche cuti awagowanise. ⁸ Iwo wadadya cuswikira wakuta. Wapfunzi wadabata maphisi akadasala wadayaika mumathengu manomwe maculu. ⁹ Pakana zvulu zvinai zva wanhu penepo. Djeso adawagoneka. ¹⁰ Tchilipo-lipotcho Iye adaenda mu mwadya nawapfunzi watche watchienda cumutunhu wa Dalmanuta. ¹¹ Napenepo wafansisi wadauya wadatanga kugwengezana Nae. Iwo wadacumbira tchipangiziro cha cudzaulu, cuti wamuone. adabudirwa maningi pamuzimu Watche, adati: ¹² "Thangweranyi dzinza lilicutswaca tchipangiziro? Zvatchadi ndinacubvanzani cuti hapana tchipangiziro chinapiwa cuna dzinzali". ¹³ Iye, adawasiya, iwo wachipinda zve mumwadiya iwo wadaenda cukundu linango. ¹⁴ Zvidaitika kuti wapfunzi wtache wadayeha cutola mapau. Napenepo wakana pau ibodzi basi mu mwadiyamo. ¹⁵ Djeso adati mholeni nawo: "Kalani muda tchenjera muthye isiti yawafansisi na isiti ya Herodi". ¹⁶ Napenepo wapfunzi watche wadathanga cuzvibvunzana okawoka: "Thagweranyi hatina pau". ¹⁷ Djeso patche adabva zvinezvi, adalanga: "Thagweranyi mulicugwenguezana imwe nacugomba mapau? Imwe hamunacuzvibva basi? Moyo yanu idawoma basi? ¹⁸ Imwe muna matso apo hamuwoni? Muna macutu apo hamubvi? Imwe hamutsalacani? ¹⁹ Pangani Yangu ndidabedula pau zichanu cuna zvulu zvichanu zvawanhu, ndinsemgwa zingasi zamapau zanu mudatola?" Napenepo wadadaira: "Kumi nawairi". ²⁰ pangu ndidabedula mapau manamwe cunawanhu zvulu zvinai, ndintsemgwa zingasi zidadatola imwe?". Iwo wadati: "Zinomwe". ²¹ Napenepo adabvunza: "Apo hamusati mwabvesesa?". ²² Iwo wadaswica mu Betisaida. Wanhu wadatola phofu wadaenda nalo cuna Djeso wadalomba cuti wamukuye. ²³ Djeso adabata boco futi adamuika kunza kwamamii. patche Iye adamupfirira mata mumatso mwatche futi Iye adaika manza cunaiye, adamubvunza: "Ulikuona tchinhu tchinango?". ²⁴ Adamusa matso atche, iye adati: "Ndiricuwona wamuna wadakala ninga miti iricufamba". ²⁵ Nadyalo iye adamubatazve mumasto mwatche; cuwona kwa munhu cuda itica futi adawona cungwerewera. ²⁶ Djeso adamutuma cuti aende kumui watche iye adati: "Usapinde namuluwani". ²⁷ Djeso adaenda nawapfunzi watche mumamii iya Cesareia na ya Felipe. Munjira, Iye adabvunza wapfunzi watche: "ndiwapi wanhu wanati cuti ine ndinewani?" ²⁸ Iwo wadadaira:"Juwau, Mubatizi. wenango wadati: Eriya; wenango, mubodzi wawapolofita". ²⁹ Iye adawabvunza: "Mbani acubvunzani cuti ine ndine wani?". Adadaira, Petulo adati: "Iwe ndiwe Kirisitu". ³⁰ Djeso adati lecani cubvunza wanhu nakodzo latche. ³¹ Iye adatoma cuwapfunzisa cuti Mwana waMunhu atchabonera zvinhu zvizinji, atchalambiwa nawa palidzi, macamaca nawapfunzisi nawa wanembi, anadzafa, anadzamuka munsicu yatchitatu. ³² Iye adalanga izvi padetcha. Napenepo Petulo, adadaidza Iye pakundu, adathanga cumudvunza mhole. ³³ Apo Djeso adazungunuca, adawona wapfunzi adawabvunza mhole Petulo, adati: "Mumasule Mwangu, sathani! Hadzafungi zvinhu zva Mulungu, apo nazvawanhu". ³⁴ Napenepo Iye adadaidza mbumba nawapfunzi adati: "Penango alipo alicuda Cunditewera, ngazvirambe iye patchatche, tola mutchinjikwa futi nditewele. ³⁵ Napenepo uyo anada cuponesa upenyu watche, wanati waluze, futi wense analuza upenyu hwatche nacuda kwangu na vangeri, iye anadzalalama. ³⁶ ngwanyi mubairo unadzapiwa awo walicuda dzico watchiluza upenhu? ³⁷ Tchanyi tchinapasa munhu kuti atchinje upenyu? ³⁸ Aliwense cuti ananyala munaine futi mupfala langu dzinza leneli lamhombwe futi lacunyangaza, Mwana waMunhu anadzamunyalambo iye patche anadzauya nacurumbidza kwaBaba Watche nangilodzi zacutchena".