^{1 2} 1 Muntsiku za akazi, mwana wa Jotao, na Uzias, mambo waku Juda, Rezim, mambo waku Aram, na Peca, mwana wa Remalias, mambo wa Israel, wadakwira ku Jerusalema kiyarha, apo iwo hawana kudzadimbirira nayo. 2 Zwidalangula kumui kwa David, kuti Aram akhati ku luphati la Enfraim. Nadyano, moyo wace na wa wanhu wentse ida shushikana ningano miti va kuti inakha zunguzika na mpepo. ^{3 4} 3 Yahweh adalonga kuna Isaias: "Buda na mwana wako Sear-Jasube kuti muyasangane na akazi, kwa kupeisira kwa n'gero wa thawale la kudzaulu, munjira ya kumunda kwa ntsuki. 4 M´bvunje: " Manhereka utherekerhe, usagope ne kuzwinyozera na thangwe la ma phisi mayiriya yankhuni, penango kunyangalirha kwa Rezim pabodzi na Aram, na iyezwe peka, mwana wa Remalias". ^{5 6} 5 Aram, Enfraim na mwana wa Remalias wanakhafunga zwakunyangala kuna iwe ocilanga dyali: 6 " Ambaini tiyagwe tici pamba judha; ngatiyendeni kiyamunyegerera ticiyilisa kuli mambo wathu amutonge, mwana wa Tabeel'. ^{7 8 9} 7 Mambo Yahweh alikulanga dyali: " Izwe hazwiyemi, hazwidzaitiki, 8 Nakuti, nsolo wa Aram ndi Damasco kudzati nsolo wa Damasco ndi Rezim. Nkati mwama kale makumimanhatu na macami, Efraim icapfudzika pfudjuka icidzasiya dzinza la wanhu. 9 Nsolo wa Efraim ndi Samaria, kudzati nsolo wa Samaria ndi mwana wa Remalias. Mungati hamutendi, cadiko, hamudza yemerezwe". ^{10 11 12} 10 Mambo adahirinzirazwe kulango kuna Acaz.11 " Kumbira cipangiziro kuna Yahweh, Mulungu wako: cipangiziro kuti cingakhale capantsipansti penango pale ku dzaulu dzaulu". 12 Nadyalo, Acaz adataira:" Handidza kumbiri, podi kuyeza Yahweh". ^{13 14 15} 13 Penepo, Isaia adataira: " Ndabva, nyumba ya David. Hazwina kulingana na kuyezera mi mwoyo ya wanhu? Kodi imwe muca yezerazwe moyo wa Mulungu wangu? 14 Nazwenezwo, Mhanduwe caiye aca waitira cipangiziro cibodzi: Lingani ntsikana acabata pamwiri acidzabala mwana wamamuna dzina lace acadzabve Emanuel. 15 Iye anadzarja nkaka waku khoterera na uchi kuswirira pa kudzima kulamba zwakunyangala aci sankhulua zwa muche. ^{16 17} 16 Haasati; mwana kudziwa kulamba zwakunyangala acisankhula zwa muche, pantsi pa wa mambo awa wayiriwa, wako ulithiya, hapadzamatamiziki. 17 Yahweh nadza ku unzisira, na wanhu wako pabodzi na nyumba ya mambo wako, ntsiku zakati idambo oneka kale, kubudira mu kusiyana kwa Efraim na wa ku Judha mu kufamba-iye anadza ku unzisirani mambo wa ku Assiria. ^{18 19} 18 Nguwa yire, Yahweh anadzalizira nkhwiko kuna pentse tirombo tinambuluka tami kulo yaku Egipto na nyuci za pantsi pa Assiria. 19 Izwi zwinadzauya zwi cimbutha mumaphako, zicifindala nfuna uweno, na mumatenhere ya mibva, muzentse muto zakurjisita. ^{20 21 22} 20 Mungawa yeneyo, na kampeni kadakumbirha ku nkulo waku Eufrates - iye mambo waku Assiria - Mhanduwe anadzakupala nsolo wako, pabodzi na ukuse wa minyendo na ndebvu. 21 Ntsiku iyire, mwamuna bodzi anadza fuya yanhulu kabodzi na mabira mayiri, 22 na, kuda kwa kuwanda kwankaka zawo unadza pasa, iye atchadzarja nkaka waku khoterera; nakuti bodzi na n'bodzi adasiyiwa pantsipano anadzarja n'kaka waku khoterera na utchi. ^{23 24 25} 23 Nguva yire, yakuti ku khana culu ca matenhere ya mizambiringa kumale yinakwana culu ca golidi, kunadzaoneka mibva na matenhere. 24 Wamuna wanadzapinda iwmoyimo kiya sodza na uta pabodzi na misewe; na kuti pentse pentse panadza khala ninga mibva na matenhere. 25 Iwo wanadzakhala kutali na timabango mwao wakhalima na phaza, na kugopa mibva na matenhere; napenepo panadzakhala mbuto ya kuti yinadza jisinha n'gombe na mamibira