17 Munadzaona pwando lamapau alibe chiwiriso, thaguwe tsicu eneio dinadzauisa wanhakodo wanu cudza kwadzico la Igipito. Ndhiani, dinadzaona tsicu zenezi etse madzidza. Unadza gala mutemo cunaimwe, cukala nacukala. 18 Munadzarja pau haina chiwiriso mucupera kwa maulo atsicu kumi nazinai zatsicu iyacutoma iyamwezi wacutoma kwagole cuswikira mumaulo atsicu macumi mawiri na ibhodzi yamwezi ubhodzibhodzio. 19 Patsicu zenezi izi zinomwezi, hamudi cuoneca chiwiriso zwacho muzinhubha zanu. upi naupi zwache ajharja pau inachiwiriso achagwandiwa cuwadhu wawa Isiraeri, upi naupi zwache podi nhacuuiya penago adabhalirwa mudzico lanulo. 20 Zwinaitiwa nachiwiriso musarge. cupi nacupi kwaco unakala zyaco, usarge pau inachiwiriso". 21 Napenepo, Mosisi adadaidza wetse waculuwaculu waIsiraeri apo adawavhudza: "Doconi apo muhasakule buzi zacuti munakwana curja nabhumbha zanu, apo itani zwinapitsiwa buzi iyazwinapitsua. 22 Napenepo, tolani tsavu la hisopo mulinhike mudichi lacuti linamagazi mumwaze mumisuo patsi namudaulu muzinhuba zanu.Hapana mubhodzi wanu agabhude pamusuo cuswikira cuphuphudza. 23 Thaguwe Yahweh achapida cuti acodzese waigipito. Pache iye anauya gazi lapadzaulu lamusuo nalamuzibiru, anadzapinda napadzaulu pamisuo iyanu hadzatendesi cuti nhacufudza apinde muzinhubha zanu cuti acufudzeni. 24 Hizwi muzwione kwenda nakweda, nigamutemo cunaimwe nawanadzatewera. 25 Mugapinda mudzico lacuti Yahweh anadzacupani, niga Iye adathebesa cuita, uoneni muchobo uyu wacunamata 26 Wanawanu wagacuvhudzisani: 'Zwinaloganhi muchobho uyu wacunamata?'. 27 Apo muwavhudze: 'Ucu dico cubhonera kwazwinapitsa zwa Yahweh, tanguwe Yahweh apida napadzaulu zanhumbha zawaisiraerita mu Igipito, pache akaulaiya maIgipito. Hiye adavhunulira bhubha zatu'''. Napenepo, wadhu wadagodama wadanamata Yahweh. 28 WaIsiraerita wadaenda apo wachiita niga Yahweh zwache adaloga cuvhudza Mosisi na Arao. 29 Zwidaitica cuti, pacati pausicu,Yahweh adaulaiya etse madaguwe amudzico lamuIgipito, cubhudira cudanguwe la Farao, ule wacuti akakala pachigalo chache, nadanguwembo lanhaperezo nawetse madaguwe azwifuiyo. 30 Farao adamuca usicu---iye nawetse wanhabasa wache nawetse maIgipitto. cudaone cugulucuta cuculu muIgipito, apo napenepo hapakana mui zwao wacuti pakalibhe cufa mudhu. 31 Usicu, iye Farao adadaidza Mosisi na Arao, adawavhudza: "Mucani, bhudani pacati pawadhuwagu, imwepo nawaIsiraerita. Doconi muiyanamate Yahweh, nigazwaco wacumbira zwidacuita iwe. 32 Tolani zwifuiyo zwanu nakhombe, niga zwaco waloga, doconi apo mudicobolereo." 33 Maigipito wakada noguwerwa cuti wawathamaguise mudzico, apo wakaloga:"Tetse tinapera cufa". 34 Napenepo wadhu wadatola nkula zao hazina cuiriswa chiwiriso. zwacuphikisa zwao wakadamaga cale naguyo zao wachimaguirira cumusana. 35 Wadhu wa Isiraeri wadaita niga zyidaloga Mosisi. Wadacubirwa waigipito zwidhu zwa parata na oiuro, naguyombo. 36 Yahweh hadaitisa cuti waigipito wawadekerwese waisiraerita. Napenepo, waigipito wadapereca chidu zwacho chacuti chikacumbirwa naiyo. namuchobho uyu, waisiraerita wadatolera waigipito. 37 Waisiraerita wadaita uledo cuRamese cuswikira cuSucote. wakali zwikwi zhuluzwitandatu zwawamuna wacuema kabhe cuwerega wana. 38 Muduguwe wawadhu wacukadhana nawanhauuia wadaendambo naiyo, pabhodi nazwifuiyo nacobe, namba iculu manigui. 39 Wadaocha micate haina chiwiriso natsima zidauya naiyo cuIgipito. Micateyo icalibhe chiwiriso thaguwe icabhuda cuIgipito hazwicaitaba cunoguwa cuigadzira phoso. 40 Waisiraerita wakadagala cu Igipito mazana manai namacumimatatu amacole. 41 Pacupera kwamacole mazana manai namacumimatatu amacole, tsicueneiyo letu, wetse wanhankodo wa Yahweh wadabhuda mudzico la Igipito. 42 Iyi icali tsicu iyacukala udapenhia, apo Yahweh adawabhudisa padzico la Igipito. Ughu ucali usicu wa Yahweh, cuti yuoneseskwe nawetse wa isiraerita nacumadzidzaao etse. 43 Yahweh adavudza Mosisi na Arao: "Ulipano mutemo wacurja pau zisina chiwiriso: hapana nhacuuiya anarja. 44 Nadhiano, wetse nhamutalato isiraerita wacuti adagurwa namale anadzarja abuda pacuchekiwa kanda labhambo lacuberi. 45 Wanhacuuia nawanhabhasa wacuti wanatambira male hawadicani cuti warje phosoiri. 46 Phosolo linadicana cujirca pamuiwalopo. musatole nhama nhe ibhodzizwaiyo kwedanaiyo cudza kwathambwe, musapwanhe mafupa. 47 Wetse wadhu wa Isireri the cuti waonesese pwando iri. 48 Pagashicabo nhauuiya cunaimwe achidambo cupinda mupwando lamapau hana chiwiriso la Yahweh, wetse wanhachigalisano wamuna wanadhikana cuchekiwa canda labhambo lacuberi. Napenepo iye podhi cupinda muphwando. iye anagala niga mudhu wamwenemo. pazwetse, hapana nhacuchekiwa anadzalirja. 49 Mutemo ubhodzibhodzi unadzasewedzesiwao nawamwenemoo pabhodzi nawanhacuuiya wanagala naimwe". 50 Ndhiani, wetse maisiraerita wadaita niga zwidaloga Yahweh achivhudza Mosisi nha Arao. 51 izwi zwidaitica tsiku ibhodzibhodzio iyacuti Yahweh adabhudisa Isiraeri mudzico la Igipito, niga wanhakodo wache.