¹ Eneya akhali masoko akupeisira kuna Dhavidhi-mwana wa Jesse, akhali mwana wakukhodziwa, wakuthyiwa , akhadasakhuliwa na Mulungu wa Djakobho , wakudikana mukulu wa Izirael: ² "Iwo muzimu udalanga kuna ine, napenepo masoko yatche ali pamulomo wangu. ³ Mulungu wa Iziraeri adalanga, bu,we la Izirael landibvunza. weneuya wakuti anatonga zvamuche pamberi pawnhu, kuti anatonga nakuda kwa Mulungu. ⁴ Iye anagala tchibvenekeri tchamangwana ninga dzuwa lilikubuda, ninga hakuna makuti ninga hawa uli kumera pansi, nakuda kwa kuphaya kwa dzuwa, ninga madzi alikubuda pakugwa. ⁵ Apo, mubale wangu si dyano tai pamberi pa Mulungu? Hasi iye anati lalamisa pabodzi, atchiti dziwisa pazense njira? Hana kundipasa nsimba mukupona kwangu nakudzaza tchindembeso? ⁶ Nakudyano wakunyangala watchaita ninga mibva inatsiirha kunza, kwakuti haidza kwanisik kuunganizika namanja. ⁷ Munhu angada kuiunganiza atchasewenzesa atsinyo. Muti kuti aunganize apitse. ⁸ Aya ndiwo madzina ya warhi masodja a Dhavidhi: Josebe_ Bassete, Takenita, akhali mukulu wamasodja ya Elite; iye adaulaya wanhu wasere masodja pamikana ya kuwanda . ⁹ kunza kwaiye, pakanazwe Eleazar mwana wa Dhodho, wenewa pawatatu wakada wenewa pawatatu wakhada pfuma pawamuna waDhavidhi. wakhalipombo pawo wadatuka wa filisteu pawo wakhada ungana kuti warhe, ndipo wa muna pawo wadatanga kuphokesa wa Izirael. ¹⁰ Eliazari adamuka kurha nawa fasteu kuswikira manja atche aneta, atchiyatsanzika pamubato wabhemha, Yahweh auisa kuwina pansiku ineyo. Apo wamaisiri wadadzenda kuna Eliazari, kuiytira kuti wapumise mwiiri yawo. ¹¹ Kunza kwaye, akhali Sama mwana wa Aje, muwalallita. Apo wafalisteu wadaungana pamuda wa letilha, napenepo wamaisiri wadawala. ¹² Nakudyalo, Sama adamuka pakati pmunda napen+o adarha. Iye adaulaya wafilisteu, napanepo Yawheh adauisa kuwina. ¹³ Watatu pamakumi matatui wadanchitha kuna Dhavidhi pangani yakukonkha, padzimba la Adhulau. Wamaisiri wafilisteu wakhda puma pamupata ku Refaim. ¹⁴ Pangani ineyo Dhavidhi, akhali pamakolhyo kolhyo mu dzimba napenepo wafilisteu wadaenda ku Bhele. ¹⁵ Dhavidhi akhabva nyota, napenepo adati: Deka zvaita atchiwoneka munango atchindipa madzi akumwa yamumu tchera wa ku Belemu, mutchera ukhali paduze na pamusuwo." ¹⁶ Apo, wamuna wenewa wakupfuma, wadapoka nawa maisiuri wawa filisteu, napenepo wadaa tunga maadzi pamutchera wa Belemu, pamusuwo. Watola madzi wadayendesa kuna Dhavidhi, nakudyano iye adalamba kumwa. kunza kwazvbinezvi, iye adakuwa kuna Yawheh. ¹⁷ Apo, iye adati: "kkutali na iye Yawheh deka ndaita zvinezvo halisi gazi lawamuna waya wadadzipereka kulalama kwawo kuti ndimwe gazi? Apo, ndalamba kumwa. Zvinezvo ndizvo zvawo waita wamuna wakupfuma. ¹⁸ Abisai, mubale wa Joabe mwna wa Zerua, ndiye mukulu pawatatu. Ntsiku ibodziadarka na wamuna zwelu zwitatu, napenepo adawaulaya. Adabvekira kuzinzi na masodja watatu. ¹⁹ Hapakana akabvikira kupinda watatu? Ali mukulu wawoyo kazinzi haakabvikira ba kupinda watatua. wakali masodja yakubvikira. ²⁰ Benaia, waku Cabzeeli, akali mwana wa Joiada; iye akali mwamuna wakugwinya akhadapfuma kwakukwana. Adaulaya wana wawiri wa Arieli, wa Moabi. Napenepo adadzika mudjenje adaulaya nkalamu, kutchitonhola. Adaulaysa unango mwamuna mukulu mu gipita. ²¹ Mu gipita uyo akana dipa mumanza mwatche, napenepo Banaia adamunera kabodzi na ntsimba. Iye adamubvunkira dipa latche akanalo, napenepo adamulaya na dipa latche adafa mu egipita. ²² Benaia, mwana wa Joiada, adaita zwenezvo, napenepo adakanhizka pa wamuna watatu wanyakapfuma. ²³ Adakodzika kuti pawa makuni matatu wakali wense, atchiti hawakasi wense pamasodja watatu wa ku khodziwa. Nakudyaloko, Dhavidhi adamukwiza ninga muonerere wa walindi watche. ²⁴ Pawa makuma tatu wamuna wakali: Asaeli, mubate wa Joabe; Elana, mwana wa Dhodho, waku Belemu. ²⁵ Sama, mu harodita; Elica, o harodita; ²⁶ Heles, lo paltita; Ira, mwuana wa Iques, waku ²⁷ tecoita; Abiezer, waku anototita; Mebunai, wako husatita; ²⁸ Zalmoni, waku aoita; Maarai waku netofatita; ²⁹ Helebe, mwuna wa Baana, mu neofatita; Itai, mwuana wa Ribai, waku Gibea, wana wa wa Benjami; ³⁰ Benaia mu piratonita; Hidai, mu Gaas; ³¹ Abi-Albom, waku arbatita; Azmavete, mu barumita; ³² Eliaba, mu saalbonita wana wa Jesem; Jonatani; ³³ Sama, mu hararita; Aiao, mwana wa Sacar, mu hararita; ³⁴ Elifete, mwana wa Aasbai, mu maacatita; Elia, mwana wa Aitofel, mu gilonita; ³⁵ Hezrai, mu carmelita; Paarai, mu arbita; ³⁶ Igal, mwana wa Nata, mu Zoba; Bani wa me tupo ya Gade, ³⁷ Zeruque, mu amonita; Naarai, mu beerotita, mudzusi wa pfuti za Joabe, mwana wa Zeruia; ³⁸ Ira, mu itrita; Garebe, mu itrita; ³⁹ Urias, mu heteu - makumi matatu na manomwe pa wense.