¹ Munguwa ya Dhavidhi, kudayita idzala, makole matatu yakutowerani, Dhavidhi adhabvunzisa kuna mambo. Apo Yahweh adabvunza:" Ndala yeneyi yakuwulaya thangwe la Sauli na wabate wache wadayulaya wa gibeonita". ² Wa gibionita hawakhasi dungwe la wa Iziraeri, esse iyo wakhanakanhana na wa amorreu. wa Iziraeri wakhadapika kuti hatiwawulayi, esse podi nadyiyalo, Sauli akhada kuwulaya wentse achiwongolola wanthu wa israel na wa Juda. ³ Apo mambo Dhavidhi yadayunganiza wa yibiyonita adawabvunza, ndiyitenyi namwe? wasedhi ndiwayita tini kuti wakombolere wanthu wa mambo kuti watambire umushe hudabvunza iyo? ⁴ Wa gibeonita wadadaira :" Atisi kuda zvasherene golidi pakuti paife na Sauli ne na wabale wache. Futi atidi kuti ayulaye mbodzi wa Israel ." Dhavidhi adayira:" Mukuda kuti ndikuyitireni tani?." ⁵ Iwo wadaira mambo:"Mwamuna akhada kuhesera kutiwu-laya, akhada longedzera thangwe la ife, kuti tifudzwe futi tigale whatina mbuto mumalile awa Israel. ⁶ Siyani wanthu wanomwe wakuzinza la Mutipe, tina dzawawulaya pamber pa Mambo ku Gibea kwa Sauli. Wakusankhulwa na mambo," Apo mambo adati: Ine ndinakupani. ⁷ Esse mambo adanyemwerera Mefibosete, mwana wa Jonatani, mwana wa Sauli, thangwe lampihiko yidayita iye pamberi pa Yahweh pakati pa Dhavidhi na Jonata, mwana wa Sauli: ⁸ Nadyalo Yahweh alota wana wayiri wa Rizpa, mwana-ntsikhana wa Aias, mwana adabala na iye na Sauli-Madzina awana wayiri akhali Armoni na Mafibosete: Futi Dhavidhi abata wana wachanu wa Mical, mwana wa Sauli adabala na iye na Adriel, mwana wa Barzilai, Meolatita. ⁹ Mambo adapereka manza mwa Gibeonita iwo adawawwaya pa phiri pamberi pa Yahweh. Wentse wanomwe wadafa pabhodzi. Iwo wadafa munguwa yakubonela, muntsiku zakutangatanga kukonkha mawuva. ¹⁰ Nadyalo, Rizpa, wana wa Aias, adabata sakha, Ayifuthula adagala penepo kubuda pakutanga kuchekiwa kwa trigo mpaka kuswika mulungu abvumba acigwira muyiri mswache. Iye akhathamangisa mbalame na masikati dyiyano na zvinyama zvatsanga na osiku. ¹¹ Adabvunzwa Dhavidhi zvidayita zirpa, mwana wa Aias, mukadzi nyamutalalo wa Sauli. ¹² Nadyalo Dhavidhi ayeda kiyakumbira mafupa a Sauli ya Jonata mwana wache, ku wanhu waku Jabe Gilead wakhada tola iye cintsimba ku Bete-sea, kukhada manika iyo zvinhu zvawo zvida kunda iyo Sauli ku Gilboa. ¹³ Dhavidhi adatola penepo mafupa wa Sauli na mafupa ya mwanawashe Jonata, futi wadakhananiza, na mafupa wawanthu wanomwe wadawulayiwa. ¹⁴ iyo wada yiga mafuta ya Sauli na ya mwanache Jonata, kudziko la Benjamim, ku zala, ku masiwe wa Quis, baba wache. Iyo wadayita zventse zvidabvudziwa iyo na mambo. Peze ipapo, Mulungu adadayira minamato yache, na kulekerera dziko. ¹⁵ wa filisteu wadayendazve kunkhondo kiyapoka na wa Israel. Dhavidhi adayenda na wanyakhondo wache kiyapoka na wa filisteu. Dhavidhi adaneta na kuchatirwapa kunerana kwawo. ¹⁶ Isbi-Benobe, cibaiwa cikulu, iye akhana dipa likhalema mazana matatu wamutero musikho walo futi akhana bempha linyowani, adayesera kuyulaya Dhavidhi. ¹⁷ Ese Absai, mwana wa Zeruia, adabantsira Dhavidhi, adamphaya achibva amuyulaya. Nadyalo, wanhu wa Dhavidhi wadapikira, wachibvunza:" hamudzayendizve na fe ku nkhondo, kuti muleke kuthimisa gentsi la wa Iziraeri." ¹⁸ Peze penepo kudadzayonekazve nkhondo inango nawana wa Gobe, Sibecai, husatita pache adayulaya Safe, akhali waaku dzinza la Refeim. ¹⁹ Hakudzana kuyitazve nkhondo na wa filisteu, ku Gobe, Elana, mwana wa Jaare-origim, belenita ayulaya Goliati, geteu, akhana dipa likhada lapha ninga ntsengere. ²⁰ Kuda yitikazve zinango nkhondo ku Gate, kweneko kukhana mamuna bodzi wakulapha maningi akhana tichala ti-tanthatu boko libodzi ti-tanthatu libodzizwe dyalo na mmiyendo, ti-tanthatu uku ti- tanthatu uku, tentse makumi mayiri na tinayi, iyewo futi akhali wa kudzinza la Refaim. ²¹ Pache adayedza kupoka na wa Israel, Jonata, mwana wa Simei, mbale wa Dhavidhi, adamuyulaya. ²² Iyewuyu akhali waku dzinza la Refaim, wa ku Gate, wadafa wentse na manza mwa Dhavidhi na manza yamasodja yache.