¹ Ese nakupinda kwanguwa, mambo wa kwa amoni adafa, ese mwana watche, Hanum, adakhala mambo pambuto yatche. ² Davide adalanga:" Ine nditcha etira nsisi kuna Hanum, mwana wa Naase, ninga kuda ndietira nsisi bambo watche". Nadyalo Davide adatuma wanyabasa watche kabata Hanum, na thangwe la bambo watche wanyabasa watche wadapinda mu dziko ya waamoni. ³ Nadyalo, wa mambo wa amoni wadalanga kuna tchangamire wawo, Hanum: "Iwe unatchokade kufunga kuti Davide ali kunamata bambo wako na kuona kutumira wamuna kudzakubata ? Hangadakhalalini Davide kutimira wanyabasa watche kuna ewe kuti wa onesere uwani, kuti wadza lifudze pakupedzesera kulishola?" ⁴ Nadyalo, Hanum adabata wanyabasa wa Davide, adapala hafu ya ndebvu, atchicheka kunza kwa nguyo kufikira mumatako mwatche ese atchienda zvatche. ⁵ Patche Davide adaungana nawo, ada wabvunza kuti mudasholiwa, mambo alanga kuti: "Khalani ku Jerico, kufikira ndebvu zanu zakula mudza hirire patswa". ⁶ Wa amoni pawo wadazvibva kuti wadakha wa kunzondiwa kuna Davide, wada tumira masoko ese wadadza todazve zvulu makhumi mawire yamasodja wa ku arameu, waku Bete - Reobe naku Zoba, thulu tchawamuna wa mambo waku Maaca na zvulu khumi na zviwiri zewamuna waku Tobe. ⁷ Patche Davide adadziwa zveneze, ada tuma Joabe na lense dungwe la masodja. ⁸ Wa amoni wadauya wada ndandama kuita ku ndandama ebodzi pa musuwo wakupinda nuthaundi, nadyalo wa arameu wa ku Zoba na wa ku Reobe ese na wamuna wa ku Tobe na wa ku Maaca wadakhala pa mutunhu padetcha. ⁹ Joabe patche ada ona kuti ada khalirha na wanu ya khondo wa kuwada kumberkuatche, adasakhula wanhaku dziwisisa kubata nfuti ku ma sodja ese ada wandandamisambo kuti walizirane na wa arameu. ¹⁰ Ese wadasala padungwe iri la masodja eye ada wapereka ku dungwe la masodja ya mubale watche, Abisae kuli awa ekhe pa khombo pa yawo wali kulizirana na masodja ya ku amoni. ¹¹ Joabe alanga:" Ese kuti wa arameu wangandikunda ene, ese ewe, Abisai, udza uye kudzandibatsira. ¹² Uya na tsimba kuti tipangize ku wanhu watche mu ma thandi ya Mulungo wathu, ese tinga shinga Yahweh atcha eta zvinamudekera. ¹³ Napenepo, Joabe na dungwe la masodja yatche wada enda kapoka na wa arameu wakuti wada eta kuthamanguisiwa tchansimba pamberi pa masodja ya wa Israel. ¹⁴ Dungwe la masodja la wa amoni palo lida ona kuti wa arameu wathawa, na iwo wadathawambo kuna Abisai ese wada hirira ku thaundi na penepo Joabe ada hirira ku wanhu wa Amom ese atchihirira ku Jerusalema. ¹⁵ Wa arameu pawo wada ona kuti walikukundiwa na wa Israel, ewo wada unganazve patswa. ¹⁶ nadyalo, Hadadezer ada tuma masodja ya wa arameu kunga kwa munkulo wa Eufrates. Iwo wada uya ku Hela, watchiperekeziwa na Sobaque, munkhulu wa masodja ya Hadadezer. ¹⁷ Davide patche ada zvibva, ada unganiza wense wa Isarel wada bira munkhulu wa Jordani ese wadaswika ku Hela. ¹⁸ Wa arameu wadagadzirira kuti waende kasangana na wa Davide ese wada poka naye. Wa arameu wada wala Israel. Davide ada ulaya mazana manomwe ya masodja ya wa arameu. Wafambise wa mamotika ya khondo na zvulu ms khumi manai ya masodja ya makavalo. Sobaque munkulu wa masodja ya wa arameu, adakonzeka atchibva shaika penepo. ¹⁹ Wense wa mambo pawo wada ona kuti wanya mubasa wa Hadadezer wada ona kuti wada kundiwa na wa Israel, wada daidzira mutendere watchi tewerera mitchemo yache. Apo wa arameu wadatya ku enda ka wabatsera wa amone.