¹ Thambwe chipo chamuzimu wamweya, wabhae, inepano adidi cuti wamudziwi. Naiwo wanadziwa cuti pakhari imwe wahedheni. ² Makhada tungsmirirwa; uye nacutsasiwa muchikewa cuchinsazaniso dichichimwana culanga. ³ Napenepo ndinacunvhundzani cuti hacuna munhu analanga na Mweya wa Mulungu, onaita Djeso ndiwe Changamire, futi na mweya dcuchena. ⁴ Pazvino marudzi adasiana wechipo, apo Mweya ndubodzi. ⁵ Futi acuna marudzi adasiana munamato, apo Changamire mubodzi. ⁶ Futi cuna mucaindi wabasa, apo ndibodzi Mulungu anaita zvense muhanhu wose. ⁷ Apo zvino mubodzi namubodzi anapiwa cupanguiziwa kwa Mweya cuti wense wabansi rure. ⁸ Nadyalo na cuti mubodzi anapiwa na Mweya Masoco awuchechengeri, mabodzi masoco lacudziwa la Mueya bodzi basi. ⁹ Mubodzi cutenda na Mweya mubodzi basi, mubodzi chipo chacuponeswa na Mweya ubodzi basi, ¹⁰ Mubodzi basa atsimba mubodzi Muprofita, mubodzi kudzisisa Mweya mubodzi adalanga na ndimi zvinasia siana, uwezve bodzi wacudu dzira kwandimi. ¹¹ Zvense ndibasara Mweya mubodzi basi uwe anapa mubodzi namubodzi, ninga iwe adazvida. ¹² Nadyalo muwiri chinhu chibodzi basi, podi una mitezo mizinji, uwe cunyangwe mitezo wawo iri mizhinji, inaumba mwiri bodzi basi. Ndizvinezvowo zvidoita Kristo. ¹³ Nakuti tense tidababatiswa na Mweya mubodzi muwiri mubodzi, podi wacae Majudha podi wa Giriki, Mapostori cana wadasununguca, uwe tense tingapiwa cuti tigale mu Mweya ubodzi. ¹⁴ Thangwe muwiri hauna kuumbiwa mitezo bodzi apo mijinji. ¹⁵ Apo tsoca idoti nacuti andiki bhoco, futi andiki muwiri; ¹⁶ Alireke cugwa chikamu chamuwiri na cuda kwachiconzero cho. ¹⁷ Apo cana anamacutu idati, nacuti sene dzico, apo sine chikhamu chamuwiri, andingalanga agi cuwa chikhamu chamuwiri nacuda kwachiconzero ichoicho. Futi ninga wense muwiri wina maso, cunsea achanzakawanji? podi cuti dai muwiri wense wiwa namacutu, co cunhukisa, muchadzagala wani, ¹⁸ Apo Mulungu adaikha mitezo pamwiri, mbodzi namubodzi wawo, ndinga zvicada cuti. ¹⁹ Napenepo ninga wose waiwa mutezo mubodzi co muwiri wueipico? ²⁰ Napenepo kuna miteso misinji apo muwiri mubodzi. ²¹ Dziso aingagali munanja, andina naiwe, uwe musoro hangari cumtsoca, andina naiwo. ²² Apo cutovi mutezo wamuwiri aina tsimba ndiye inadiwa. ²³ Uwu mitezo watina funga cuti waicunze ndiwo wandinacudza. Kwazvo, Apo mitezo wacudeca waidi cuchongeziwa. ²⁴ apo Mulungu adabataniza mitezo wamuwiri uwe adapa cucuswa cucuru kumitezo iwa wicodziwa. ²⁵ Iwo adaita izvi cuitira cuti pacale cuwa nacuponhana pamuwiri, apo cuti mitezo chengetai zvidaedzans. ²⁶ Ninga mubodzi mutezo uchibunera, mitezo wonse inatambudzica pabodzi basi nawo, cana mitezo mubodzi wunga cudziwa, mitezo yonse inafadza pabodzi basi nawo. ²⁷ Napenepo imwe muri muwiri wa Krisito, Apo mubodzi namubodzi wanu mutezo wawo. ²⁸ Futi munyumba wa Mulungu idafadza pacutanga wacuru wacuru cutewera wawo chamisa, uwe nawana chipo zvacuponesa, nawanabatsirwa wanango, Awo wana chipo zvacufambisa basa, uwo nawaiwa wanalanga nandini zina siana siana. ²⁹ Wense Mapostori basi? wense Maprofita basi? Wense wadzidzisi cani? Wense wanoita zvichamiso cani? ³⁰ Wense wana zvipo zvacuponesa cani? Wense wanalanga na ndimi cani? Wense wanadudzirwa cani? ³¹ Apo tswagani kwanacupaguisani ibodzi njia ya Baba.