¹ Kwahiyo sasa, nakuomba wewe, Ayubu, usikilize hotuba yangu; sikiliza maneno yangu yote. ² Tazama sasa, nimeufumbua mdomo wangu; ulimi wangu umesema maneno ndani ya mdomo wangu. ³ Maneno yangu yatasema uadilifu wa moyo wangu; yatasema kwa unyofu yale ambayo mdomo wangu unayajua. ⁴ Roho ya Mungu imeniumba; pumzi ya Mwenye nguvu imenipatia uhai. ⁵ Kama unaweza, nijibu; weka maneno yako katika mpangilio mbele yangu na kisha usimame. ⁶ Tazama, niko kama wewe ulivyo mbele za Mungu; nimeumbwa pia kutoka katika udongo. ⁷ Ona, tishio langu halitakufanya wewe uogope; wala mzigo wangu hautakuwa mzito kwako. ⁸ Umesema kwa hakika katika masikio yangu; nimeisikia sauti ya maneno yako ukisema, ⁹ 'Mimi ni safi na bila hila; sina hatia, na hakuna dhambi ndani yangu. ¹⁰ Tazama, Mungu huona nafasi za kunishambulia mimi; huniangalia mimi kama adui yake. ¹¹ Huweka miguu yangu akiba; naye huangalia njia zangu zote.' ¹² Tazama, katika hili hauko sawa, nitakujibu, kwa kuwa Mungu ni mkuu kuliko mtu. ¹³ Kwanini unashindana naye? Huwa hahesabu matendo yake yoyote. ¹⁴ Kwa kuwa Mungu huzungumza mara moja, naam, mara mbili, ingawa mwanadamu hawezi kutambua. ¹⁵ Katika ndoto, katika maono ya usiku, wakati usingizi mzito unapowapata watu, katika usingizi kitandani - ¹⁶ basi Mungu hufungua masikio ya watu, na kuwatisha kwa vitisho, ¹⁷ kwa kusudi la kumvuta mtu atoke katika makusudio yake maovu, na kuyaweka majivuno mbali naye. ¹⁸ Mungu huyaokoa maisha ya mwanadamu kutoka katika shimo, na uhai wake dhidi ya kifo. ¹⁹ Mtu huadhidibiwa pia na maumivu kitandani mwake, na maumivu makali yanayodumu katika mifupa yake, ²⁰ ili kwamba maisha yake yachukie chakula, na roho yake ichukie vyakula vizuri. ²¹ Nyama yake imeharibiwa ili kwamba usionekane; mifupa yake, mara moja isionekane, sasa basi ng'ang'ania. ²² Hakika, roho yake inasogea shimoni, na uhai wake unasogea kwa wale wanaotaka kuuharibu. ²³ Lakini kama kuna malaika anayeweza kuwa mpatanishi kwa ajili yake, mpatanishi mmoja miongoni mwa maelfu ya malaika, kumwonesha kile kilicho cha haki ili atende haki, ²⁴ na kama malaika ni mpole kwake na kumwambia Mungu, 'Mwokoe mtu huyu ili asishuke chini shimoni; nimepata fidia kwa ajili yake,' ²⁵ kisha mwili wake utakuwa mororo kuliko mwili wa mtoto, atazirudia siku za nguvu za ujana wake. ²⁶ Atamwomba Mungu, na Mungu atakuwa mwema kwake, ili kwamba auone uso wa Mungu akiwa mwenye furaha. Mungu atampa mtu ushindi wake. ²⁷ Ndipo mtu huyo ataimba mbele ya watu wengine na kusema, 'Nilitenda dhambi na kuasi kile kilichokuwa cha haki, lakini dhambi yangu haikuadhibiwa. ²⁸ Mungu ameiokoa roho yangu isiende chini shimoni; maisha yangu yataendelea kuuona mwanga.' ²⁹ Tazama, Mungu hufanya mambo haya yote pamoja na mwanadamu, mara mbili, naam, hata mara tatu, ³⁰ kuirudisha roho yake kutoka shimoni, ili kwamba aweze kumlikwa na mwanga wa maisha. ³¹ Ayubu, zingatia na unisikilize mimi; nyamaza nami nitasema. ³² Ikiwa una kitu cha kusema, na unijibu; sema, maana nataka kuhakikisha kwamba wewe uko katika haki. ³³ Kama sivyo, basi nisikilize, ubaki kimya, nami nitakufundisha wewe hekima."