¹ Mfalme Sulemani alikuwa mfalme wa Israeli. ² Hawa ndio waliokuwa wakuu wake: Azaria mwana wa Sadoki alikuwa kuhani. ³ Elihorefu na Ahiya mwana wa Shisha, walikuwa makatibu. Yehoshafati mwana wa Ahilui alikuwa mwandishi. ⁴ Benaya mwana wa Yehoyada alikuwa mkuu wa jeshi. Sadoki na Abiatahari walikuwa makuhani. ⁵ Azaria mwana wa Natahani ndiye aliyekuwa juu ya hawa maakida. Zabudi mwana wa Nathani alikuwa kuhani na rafiki wa mfalme. ⁶ Ahishari alikuwa mkuu wa nyumba. Adoniramu mwana wa Abda alikuwa mkuu wa watenda kazi. ⁷ Sulemani alikuwa na maakida kumi na wawili juu ya Israeli yote, ambao walitoa chakula kwa mfalme na watu wake wote. Kila mtu alikuwa na zamu ya kuhudumia kwa mwezi mmoja katika mwaka. ⁸ Majina yao yalikuwa ndiyo haya: mwana wa Huri, kutoka milima ya Efraimu; ⁹ mwana wa Dekeri wa Makazi, Shaalibimu, Bethi Shemeshi, na Elonbethi Hanaan; ¹⁰ mwana wa Hesed, wa Arubothi (kutoka kwake alipatikana Sokohi na nchi yote ya Hefa); ¹¹ Mwana wa Abinadabu, wa wilaya yote ya Dori (alikuwa na Tafathi binti wa mfalme ambaye alikuwa mke wake); ¹² Baana mwana wa Ahiludi, wa Taanaki na Megido, na Beth Shani iliyo upande mwingine wa Zarethani chini ya Yezreel, Kutoka Bethi Shani mpaka Abeli Mehola iliyo upande mwingine wa Jokimeamu; ¹³ mwana wa Geberi, wa Ramothi Gileadi (kutoka kwake tunapata miji ya Yairi mwana wa Manase, ambayo iko Gileadi, na mkoa wa Arigobu ulikuwa wake, ambao uko Bashani, miji sitini yenye maboma na yenye nguzo za malango ya shaba); ¹⁴ Ahinadabu mwana wa Ido, wa Mahanaimu; ¹⁵ Ahimaasi, wa Naftali (ambaye pia alimwoa Basemathi binti wa Sulemani kuwa mke wake); ¹⁶ Baana mwana wa Hushai, ya Asherina Bealothi; ¹⁷ Yehoshafati mwana wa Paruha, kwa Isakari; ¹⁸ Shimei mwana wa Ela, wa Benjamini; ¹⁹ na Geberi mwana wa Uri, katika nchi ya Gileadi, ambayo ni nchi ya Sihoni mfalme wa Waamori na Ogi mfalme wa Bashani, na yeye ndiye akida pekee aliyekuwa katika nchi hiyo. ²⁰ Yuda na Israeli walikuwa wengi kama mchanga wa baharini, nao walikuwa wakila na kunywa na kufurahi. ²¹ Sulemani alitawala utawala wote kutoka mtoni hadi kwenye nchi ya Wafilisti na hadi kwenye mpaka wa Misri. Wote walileta kodi na walimtumikia Sulemani katika siku za maisha yake yote. ²² Vyakula vya Sulemani kwa siku moja yalikuwa ni Kori thelathini za unga mzuri na kori unga wa ngano, ²³ makisai kumi walionona, na fahari ishirini wa malisho, na kondoo mia moja, nje ya ayala, paa, na kulungu na kuku walionona. ²⁴ Kwa kuwa utawala wake ulikuwa zaidi ya nchi yote upande huu wa mto, kutoka Tifsa mpaka Gaza, juu ya wafalme wote wa upande huu wa mto, naye alikuwa na amani pande zote. ²⁵ Yuda na Israeli waliishi kwa usalama, kila mtu chini ya mzabibu wake na chini ya mtini wake, kutoka Dani mpaka Beerisheba, siku zote za Sulemani. ²⁶ Sulemani alikuwa na mabanda ya farasi 40,000 kwa ajili ya magari yake, na wapanda farasi 12,000. ²⁷ Na maakida walileta chakula kwa Sulemani na kwa wale walioketi kwenye meza ya mfalme Sulemani, kila mtu katika mwezi wake. Walihakikisha hakuna kinachopungua. ²⁸ Na pia walileta kwenye eneo husika shayiri na majani kwa ajili ya wale farasi wa magari na kwa wale farasi wa mbio kila mmoja alileta kadri alivyoweza. ²⁹ Mungu alimpa Sulemani hekima kubwa, ufahamu, na upana wa uelewa kama mchanga wa baharini. ³⁰ Hekima ya Sulemani ilizidi hekima ya watu wote wa mashariki na hekima yote ya Misri. ³¹ Alikuwa na hekima kuliko wanaume wote , kuliko Ethani Muezrahi, Hemani, Kaliko, na Darda, wana wa Maholi na habari zake zikaenea hadi kwenye mataifa yote yaliyomzunguka. ³² Aliongea mithali 3,000 na idadi ya nyimbo zake zilikuwa 1,005. ³³ Aliifafanua mimea, kuanzia mierezi iliyoko Lebanoni hadi Hisopo imeao ukutani. Aliwafafanua wanyama, ndege, vitu vitambaavyo na samaki. Watu walikuja kutoka mataifa yote kuisikia hekima ya Sulemani. ³⁴ Watu walikuja kutoka falme zote za duniani waliosikia juu ya hekima yake.