¹ Wakathi sabatoni kwishani,mariamu Magdalena olo mariamu yayoni isuu yakobo,olo Salome,nunuano manukato wino wezani ratsi pakani maashi miisho yesu ajili mazikotha. ² Athe thami mapema athokwa mwathoni juma,rathana aro kaburitha wakathi saka chomozani. ³ Elani wathe onzinyawa aro aro, ⁴ Mlango kaburitha athe keki waana jiwetha gano awathe vingirisha mlangotha kaburitha. ⁵ Wathe othi aro kaburitha wathe waana gwitso duini joha kuthuma,athe gwahi upande Hajoni wathe shangaazwani. ⁶ Athe oditha bakani rikinawe.huthuna yesu,nazareti,athe sulubiwani,Athe kinini!Bakani ukwa keki wathe. ⁷ Rathana onzinya wanafunzi isuu petro athe tanguliani elekeani Galilaya ukwa athe waana,kaka athe oditha. ⁸ Wathe ukethi wathina thipema aro kaburitha,hoririku wathe shangaakuni.Bakani oditha akale guo akale sababu wathe rikinawe. ⁹ (Zingatia:Nakala barani bakani Marko;16:9'20)mapema athokwa mwathoni jumaa baada yesu kineni athe thipemi mariamu Magdalena,thipemi ako usu athe guthiwa mwathoni sabaa. ¹⁰ Mariamu athe ukethi oditha othi wathukwe kunuu,yesu wathe ombolezakutho. ¹¹ Wathe ethithiwa yesu hai mariamu athe huthane waana.Bakani amini thoo. ¹² Baada ukwa yesu thipemako suma tofauthi guo wathelima, wakathi rathana thipemi kati guthe. ¹³ Wathe rathana oditha wanafunzi wathe,bakani aminithe. ¹⁴ Yesu baada isu athe thipemako kumi wathukwe hame aga kati mezatha,kemeani baa amini ako olo baama mioyotha sababu bakani amini wathe waana baada kineni thipemi nzaa. ¹⁵ Athe oditha,"Rathako ulimwengutha akale hubiritho injili(viumbe)guo akale. ¹⁶ Akale athe aminitha batizakuni athe okolewano ukotha bakani amini athe hukumiwani. ¹⁷ Ishara ukwa huthane akale wathe aminino.sari itsi guthiwa wathimo.wathe jomeni lugha mpya. ¹⁸ Wathe kamiwa gawe thaba isuu wathe mauni kito akale baka nzaani bakani dharuthe.Wathe keji thaba kurumi kunuu chineni. ¹⁹ Baada Bwana oditha kunuu,athe kamiwa gapotha wakatha gwahi thaba hajoni wakani. ²⁰ Wanafunzi wathe ukethi hubirithe kila wathe.Bwana athe kazi falano kunuu thibithishano jome olo miujiza olo ishara hathune kunuu.