¹ Ore pooki ng'ae oiruk ajo ore Kristo Yesu naa oinoti le Nkai,ore pooki ng'ae onyor ninye nenyor sii menye naa keino te Nkai. ² Ore tekuna nikiyiolo aajo nkerai e Nkai, tinikinyor nkai nikinyor sii nkitanapat enyena. ³ Amu ana nyorata e Nkai piikimbung nkitanapat enyena. ⁴ Amu ore pooki naino te Nkai,nemir enkop naa anamirishoi natimira nkop.enkirukoto aang'. ⁵ Ng'ae ilo otimira nkop? neme ilo oiruko ajo ore Kristo naa nkerai e Nkai. ⁶ Ele oewuo tenkare o sarge, Yesu Kristo, mara te nkare apeny' kake te nkare o sarge, naa nkiyeng'et sinyati ninye shakeni amu nkiyang'et sinyati sipata. ⁷ Keatae okuni oishakenoo teshumata,Nkai papa, Nkai nkerai o Nkai Nkiyenget sinyati, naa ore pokira okuni naa nabo. ⁸ Netii uni nara shakeni te nkop,Nkiyenget sinyati nkare o sarge naa ore kuna uni naa nabo. ⁹ Naa tiniking'amaa shakenisho oo ltunng'ana, ore shakeni e Nkai naa ninye nkitok amu ana shakeni e Nkai naishakenoka nkerai enye. ¹⁰ Ore pooki nga'ae oiruk nkerai e Nkai, neata shakeni te ninye ore ilo lemeirukk neitaa Nkai lalejan. Amu eitu eiruk shakenisho naitayia Nkai te nkerai enye. ¹¹ Nana shakenisho naishoo yiook Nkai, nkishon oo ntarasi netii anakishon atua nkerai enye. ¹² Ore loata nkerai e Nkai neata nkishui ore lemeata nkerai e Nkai nemeata nkishui. ¹³ Kaigeroki ntae kuna baa peyie iyiolouu aajo iatata nkishui ontarasi, intae oiruko enkarna enkerai e Nkai. ¹⁴ Naa ele siligi likiata ajo ore tinikiomonu mbae pooki terisioroto enjeunoto enye naa kening' yiook. ¹⁵ Naa ikiyiolo aajo kening' yiook too pooki nikiomon ninye. ¹⁶ Tenedol lalashe olalashe oasita ng'oki neme nolkiye, naa keomon naa keisho Nkai ilo tung'ani nkishui, keata ng'oki nayau lkiye namajo peyie eomon ltung'ani tenkaraki inia. ¹⁷ Kore ntoruno pooki naa ng'oki kake eatae ng'oki neme nolkiye. ¹⁸ Ikiyiolo aajo kore pooki oino tiatua Nkai nemeas ng'oki, amu le Nkai ninye neirrita keon nemeiseyie ninye ilo torno. ¹⁹ Naa ikiyiolo aajo ikira le Nkai, kake kore nkop pooki naa ketii atua ilo torno. ²⁰ Naa ikiyiolo aajo eewuo Nkerai e Nkai, neishoo yiook ng'eno nikiyiolounye aajo ninye sipata nikitii atua ninye te nkerai enye Yesu Kristo,naa ne Nkai sipata onkishui ontarasi. ²¹ Nakera kutiti entapaashare nkitanyaanyukot o nkaitin.