¹ E nteko iti bhasimana, bhamurisha kwa Pilato. ² Bhabhucha imusongere, n'iebha: twamakima uno mweya usondange ibhisha e chuo kitu,utuhangirengi mbu kiro twaninka Kaisari e muturo wae n'iebha mbu wesine ngi Kirisito, e Mubhake. ³ Pilato wamushisha w'ebha; Ongo ng'e mubhake w'e bhayuda? Wasubya w'amwere: umebha cho. ⁴ Pilato w'ashisha bhashe bhakungu n'enteko: Ani nti nasunga bhubhi bhuti kuringu mweya. ⁵ E bheya bhenderana n'iebha: usheereshange e bheya, n'ihana bho ekuti kwetangewe mo Bhuyahudi, itukire ku Galilaya iya na hano. ⁶ Pilato warekia w'orukira imbi bhinwa, wasond'isibha kuti ingu mweya mu Galilaya. ⁷ Warekia w'asibha mbu ingu mweya wa mo bwami bwa Herode, wamurishie Herode, nti urikire ku Yerusaremu m'ungo matu. ⁸ Herode warekia wasunga Yesu, washima nguru, bhushwa mbu wabhesanga wamasonda Yesu matu mingi wamusunge, munji myasi yae, n'isunga etwengeko tukorangewe. ⁹ Wamushishirisha bhinwa bhingi , eina utasubyi anga na kinwa kiti. ¹⁰ Bhashe bhakungu, n'e bhandiki bhasimana mw'imusongere n'imusinga bhinwa bya manko. ¹¹ Naha, Herode na bhanache bhashirikani, bhamuonere n'imusea. Na bhabhesa nti bhama mwambicha nchangi yakonda, bhamukurucha tu kwa Pilato. ¹² Ind'otu, Pilato bhana Herode bhabhesa bh'ira, na nti bhabhesanga bharenda. ¹³ Pilato wakumanyanya bha shebhakungu, na bha shemansa, n'e bheya e bhati. ¹⁴ Washisha bho: Mumandishie uno mweya mbu uri mumbi e bhasheereshange e bheya n'ibhindura bho ibha bhabhi, n'anisine namamushishirisha mo makako inu, nti namusunga anga na bhubhi bhuti. m'umbi bhinwa e bhiti e byamamusinga bhinu; ¹⁵ Na Herode nae, na ngi chamasingwa wamukurucha kuno kuri bhate, nti usunga mbu kusira anga na kinwa e chamusingwa wakwa. ¹⁶ Iye n'amurunda tushushu n'imobhora. ¹⁷ Bhushwa mbu wabhesanga nti wahwa iyobhora mwey'umwa er'otu ukiri. ¹⁸ Bharonja bhurunga hima e bhati, n'iebha: wakwe ngu mweya, t'obhori Bharabha. ¹⁹ Ingu mweya wabhesanga nti wamaminwa mw'ishuwanya e bheya mw'ironja bhurunga mo r'obhungu, waya mweya uma mw'isasa. ²⁰ Pilato w'asonda iyobhora Yesu, w'ere kasa tu bho. ²¹ Eina,bhakuwa, n'iebha: Munienie, munienie. ²² W'ere bho remeta ashatu: Nimunienie bhushwa nki? Uno wakuronja bhuni bhubhi? Nti nasunga anga na bhubhi bwa musingwa wakwa; namuhumba ho n'imobhora. ²³ Eina bhenderana ironja bhurunga mw'isonda wakwe. e mirenge y'ebheya n'ambi bhashe bhakungu y'ahima. ²⁴ Pilato wasimira bharonje mbu e wasasa bho. ²⁵ W'obhora ngu e waminwanga m'umbo bhurunga n'eriyae mweya, ngu abhesanga washima bho, washaisha Yesu bhamukori imbu wasasa bho. ²⁶ Bharekia bhamushaisha bhatinge mweya uma, Simoni Mukurene, nti utukang' e kwishwa, bhamuriyesha ehriyango, wasiye kuruma na Yesu nt'waria ro. ²⁷ Kikembe kikiri cha bheya bhamwemisa, na bhomina bhetitibhura mo sankubha n'emurire. ²⁸ Yesu w'ikebhera n'isunga mbi e bharengi, w'ebha: e bhanu bhikumi bya ku Yerusaremu, kiro munirire ani, eina m'werirenga bhanu bhesine n'e bhana bhinu. ²⁹ Ngi bhumbo, mungi matu iyange, bhakia iyebhebhange, nchumo kuri esangumba, nchumo kuri mbi e bhasira bhana n'ambi enti bhareninkana ibhere. ³⁰ Bhasebuchayo ishisha ind'ou mbu: enduke habhasirwa n'itu; mutubhumbi. ³¹ Bhamabhesa nti bhamaronja imbu mu muti mubhisi, byabhesa buni mu muti wakama? ³² Bharisha na bhakongobanya bhabhi hima na Yesu bhashurwe. ³³ Bharekia bheya impo e hatukurwange: kahangasi k'e muntwe, bhamubhamba mor'iyango n'ambi bhakongobhanya bhabhi uma e kwabhume, 'eumpe e kurembe. ³⁴ Yesu w'ebha: Tita, sasira bho, bhushwa nti bhasi e kikorange bho. bhashirikani bhabhanya e nchangi mw'ekubhe to mbai. ³⁵ E nteko y'abhesa nti ikairirengi imbi bhinwa; Eina bhashemansa bhamusea, n'iebha: wakuramyanga bhampe, nae w'iramye wesine wamabha nt'iwe ngi Kirisito, wa Ongo, Murondorwa. ³⁶ E bhashirikani n'abho bhamusea bhasheere kwihi nae n'imuninka nsungubaya. ³⁷ N'iebha: umabha nti ongo mubhake w'e bayuda, iramye ongo, wesine. ³⁸ N'e bhinwa mbi byandikwanga habhasirwa eriyango mo kiyunani na mo kirumi na mo Kiebrania; UNO NG'EMUBAKE W'EBAYUDA. ³⁹ Uma m'umbi bhakongobhanya e bhaterekwanga nae mor'iyango, wamukamba, n'iebha: nti ongo ngi Kirisito? Iramye ongo sine hima n'itu. ⁴⁰ Eina ingo umpe wahakanya mine n'iebha: nt'ongori na koha k'uri Ongo, ongo ngu umakererwa ubhansa bhuri rwae? ⁴¹ Bhate, mor'eira, twasunga nki kaange bhushwa n'emikorere y'itu yema, eina ingu mweya, kusira bhubhi bhuti bwakukorae. ⁴² W'ere Yesu: E mukota, unsubhukianga ukiya usimikwa m'obhubhake bwabhe. ⁴³ Yesu wamwere: Mor'eira, nikw'erengi: run'otu ukubha n'ani mo Paradiso. ⁴⁴ Munkaty'e mwishi, kwahita mwerimya mo chuo kiti iya mu ntambi mwenda sa mw'iyor'iyoro. ⁴⁵ n'ekibhumbiro ch'erirameso chabhenguka bhebhe bhibhi. ⁴⁶ Yesu w'are nguru, w'ebha: E Tita, e mutima wani n'irao mo minwe sabhe. Warekia wamebha mbyo bhinwa, wahuhuka. ⁴⁷ E mukakare w'ebhashirikani wasunga mbyo bhinwa: watata Ongo n'iebha: ingu atuka mweya w'eira. ⁴⁸ N'enteko iti y'e bheya imbi e bhabhesanga bhari mpo mw'isunga mbyo bhinwa, bharekia bhasunga imbi ebyameta, bhetukire ho n'ikuruka, kinsi mweya ku kwae, n'ikw'etutubura e sankubha. ⁴⁹ E bhati mbi bhabhesanga bhasibhane nae, n'e bhomina e bhamutindikenga ituka ku Galilaya, bharika kore, mw'ikairire imbyo bhinwa. ⁵⁰ Kwa saire mwea uma erina rae Yusufu, mwana wa Rushu, mwea mongo, w'eira. ⁵¹ Wabesa nti nti wakukime m'unji nama yema, mbutirwa mwisa wa ku Arimatayo, ubungu rwa Bayahudi, nae nti mweya ukoreng' ikime mo bubake bwa Ongo. ⁵² Ingu mweya w'enda kasungana na Pilato; mw'imukonga e mubhi wa Yesu. ⁵³ Wahichao, wabhunga bhunga o m'osanchangi, n'ienda kariao mor'esinda munkati e makoi, indi esinda r'ishasha. ⁵⁴ Abhesang'otu rwakw'etunganya, n'esabhato nti yamabhucha. ⁵⁵ E bhomina bhatukanga nae ku Galilaya, bhamutindike, basunga er'esinda, n'e mubhi wa Yesu. ⁵⁶ Bhakuruka mw'isonda mafuta a rungo rungo.